വാപ്പച്ചിയോട് ഒരു ചോദ്യമുണ്ട്! മമ്മൂട്ടിയോട് ആ രഹസ്യത്തെക്കുറിച്ച് ദുല്‍ഖര്‍ ചോദിക്കുന്നു

അഭിനേതാവ് എന്ന നിലയില്‍ മമ്മൂട്ടിയോട് എന്താണ് ചോദിക്കാനുള്ളത് എന്ന ചോദ്യത്തിനായിരുന്നു ദുല്‍ഖര്‍ മറുപടി പറഞ്ഞത്. 'അദ്ദേഹം എങ്ങനെയാണ് വീണ്ടും വീണ്ടും പുതുമ നിലനിര്‍ത്തുന്നത്. സിനിമയിലെത്തി 50 വര്‍ഷമായി. ഞങ്ങളുടെ സിനിമകള്‍(ഭീഷ്മ പര്‍വം, ഹേ സിനാമിക) ഒരേ ദിവസമാണ് കേരളത്തില്‍ റിലീസ് ചെയ്യുന്നത്. പക്ഷേ രണ്ടും രണ്ട് മാര്‍ക്കറ്റാണ്. ഇപ്പോഴും അദ്ദേഹം പുതിയ കാര്യങ്ങള്‍ ചെയ്തുകൊണ്ടിരിക്കുകയാണ്. പുതിയ കഥാപാത്രങ്ങള്‍ ചെയ്യുന്നു. അതെല്ലാം എങ്ങനെയാണെന്ന് എനിക്ക് അറിയില്ല. എപ്പോഴും ലുക്ക് മാറ്റിക്കൊണ്ടിരിക്കുന്നു. എങ്ങനെ സാധിക്കുന്നു എന്ന് അദ്ദേഹത്തിന് മാത്രമേ അറിയൂ'' എന്നായിരുന്നു ദുല്‍ഖര്‍ സല്‍മാന്‍ പറഞ്ഞത്. അതേസമയം, ഇതൊക്കെ ഞാന്‍ ചോദിക്കാന്‍ പോയാല്‍ ഒരു പക്ഷേ 'നീയും എന്നെ ഇന്റര്‍വ്യൂ ചെയ്യുവാണോ' എന്നായിരിക്കും മമ്മൂട്ടിയുടെ പ്രതികരണമെന്നും മമ്മൂട്ടി പറയുന്നുണ്ട്.

മമ്മൂട്ടിയുടേയും ദുല്‍ഖറിന്റേയും സിനിമ ഒരേ സമയം തീയേറ്ററുകളിലേക്ക് എത്തുകയാണ്. മമ്മൂട്ടിയുടെ ഭീഷ്മ പര്‍വ്വവും ദുല്‍ഖറിന്റെ ഹേ സിനാമികയും മാര്‍ച്ച് മൂന്നിന് തീയേറ്ററുകളിലെത്തുകയാണ്. ഇതാദ്യമായാണ് അച്ഛന്റേയും മകന്റേയും സിനിമ ഒരേ സമയം തീയേറ്ററുകളിലെത്തുന്നത്്. ഭീഷ്മ പര്‍വ്വം മലയാള സിനിമയും ഹേ സിനാമിക തമിഴ് ചിത്രവുമാണ്. നേരത്തെ ദുല്‍ഖര്‍ സല്‍മാന്‍ ചിത്രമായ കുറുപ്പിന്റെ ട്രെയിലര്‍ മമ്മൂട്ടി പങ്കുവച്ചത് വാര്‍ത്തകളില്‍ നിറഞ്ഞിരുന്നു. പൊതുവെ ദുല്‍ഖറിന്റെ സിനിമകളുടെ പ്രൊമോഷന്‍ മമ്മൂട്ടി ചെയ്യാറില്ലായിരുന്നു. ഇതേക്കുറിച്ച് ചോദിച്ചപ്പോള്‍ താന്‍ വാപ്പച്ചിയുടെ ഫോണ്‍ അടിച്ചു മാറ്റി ചെയ്തതാണെന്നായിരുന്നു ദുല്‍ഖര്‍ പറഞ്ഞത്.

ഇതേക്കുറിച്ച് ഇപ്പോള്‍ മമ്മൂട്ടി പറഞ്ഞതും സോഷ്യല്‍ മീഡിയയില്‍ ചര്‍്ച്ചയായി മാറിയിരിക്കുകയാണ്. ജിഞ്ചര്‍ മീഡിയ എന്റര്‍ടെയ്ന്‍മെന്റിന് നല്‍കിയ അഭിമുഖത്തില്‍ ദുല്‍ഖറിന്റെ പരാമര്‍ശത്തെ പറ്റി ചോദിച്ചപ്പോഴാണ് മമ്മൂട്ടിയുടെ പ്രതികരണം.'ഞാന്‍ ഉറങ്ങി കിടക്കുമ്പോള്‍ ഫോണ്‍ എടുത്തോട്ടെ എന്ന് ചോദിച്ചിട്ട് എടുത്തുകൊണ്ട് പോയതാണ്. സത്യം ശരിയാണ്. പിന്നെ നമ്മള്‍ അത് വിളിച്ച് കൂവരുതല്ലോ. ഏകദേശം അങ്ങനെ തന്നെയായിരുന്നു,' എന്നായിരുന്നു മമ്മൂട്ടി പറഞ്ഞത്. ഇരുവരുടേയും വാക്കുകള്‍ ആരാധകര്‍ ഏറ്റെടുക്കുകയാണ്. അതേസമയം രണ്ട് പേരുടേയും സിനിമകള്‍ക്ക് ആശംസകള്‍ നേരുകയാണ് ആരാധകരും സിനിമാ ലോകവും.

Recommended Video

എന്ത് ചോദിച്ചാലും തഗ്ഗ്,ഇക്കാ നമിച്ചു, മതിമറന്ന് ചിരിച്ച് മമ്മൂക്ക..Mammooka Interview | Filmibeat

ബിഗ് ബിയ്ക്ക് ശേഷം മമ്മൂട്ടിയും അമല്‍ നീരദും ഒരുമിക്കുന്ന സിനിമയാണ് ഭീഷ്മ പര്‍വ്വം. ബിഗ് ബിയുടെ രണ്ടാം ഭാഗമായ ബിലാലിന് മുമ്പ് പുറത്തിറങ്ങുന്ന മമ്മൂട്ടി-അ്മല്‍ നീരദ് സിനിമ എന്ന പ്രത്യേകതയും ഭീഷ്മ പര്‍വ്വത്തിനുണ്ട്. മമ്മൂട്ടിയ്ക്ക് പുറമെ നദിയ മൊയ്തു, സൗബിന്‍ ഷാഹിര്‍, ഷൈന്‍ ടോം ചാക്കോ, ലെന, ദിലീഷ് പോത്തന്‍, അനഘ, ശ്രീനാഥ് ഭാസി, ശ്രിന്ദ തുടങ്ങി വലിയൊരു താരനിര തന്നെ ഭീഷ്മയില്‍ അണിനിരക്കുന്നുണ്ട്.