ഹോം

വിശേഷങ്ങൾ

മലയാളികള്‍ക്ക് സുപരിചിതനായ നടനാണ് കൊല്ലം തുളസി. രാഷ്ട്രീയ രംഗത്തും സാന്നിധ്യം അറിയിച്ചിട്ടുണ്ട് കൊല്ലം തുളസി. എന്നാല്‍ സമീപകാലത്തായി കൊല്ലം തുളസി നടത്തിയ ചില പ്രസ്താവനകള്‍ വലിയ ചര്‍ച്ചയായിരുന്നു. ഇത്തരത്തില്‍ ഒന്നായിരുന്നു താന്‍ സ്വന്തം മൂത്രം കുടിക്കുമെന്ന കൊല്ലം തുളസിയുടെ പ്രസ്താവന. ഇപ്പോഴിതാ വീണ്ടും തന്റെ യൂറിന്‍ തെറാപ്പിയെക്കുറിച്ച് സംസാരിക്കുകയാണ് കൊല്ലം തുളസി.

Also Read: എന്റെ സഹോദരന്‍ പോയി; എന്റെ കൈ ചേര്‍ത്ത് പിടിച്ച് എന്നെ ഒന്ന് രക്ഷിക്കാമോ ചേച്ചിയെന്ന് ചോദിച്ചു

യൂറിന്‍ തെറാപ്പി തനിക്ക് ഒരുപാട് ഗുണം ചെയ്തുവെന്നാണ് കൊല്ലം തുളസി പറയുന്നത്. തനിക്ക് ഒരുപാട് രോഗങ്ങളുണ്ടെന്നും എന്നാല്‍ മൂത്രം കുടിക്കാന്‍ തുടങ്ങിയതോടെ അത്ഭുതകരമായ മാറ്റം സംഭവിച്ചുവെന്നുമാണ് കൊല്ലം തുളസി പറയുന്നത്. യൂറിന്‍ തെറാപ്പിയുടെ അശാസ്ത്രീയത ചൂണ്ടിക്കാണിച്ചു കൊണ്ട് നിരവധി പേരാണ് രംഗത്തെത്തുന്നത്. വിശദമായി വായിക്കാം തുടര്‍ന്ന്.

തനിക്ക് ഒരുപാട് രോഗങ്ങളുണ്ട്. ക്യാന്‍സറുമായി ബന്ധപ്പെട്ട രോഗങ്ങളുണ്ട്. മുട്ടു വേദനയുണ്ട്. എഴുന്നേറ്റ് നടക്കാന്‍പോലും സാധിക്കാത്ത പ്രശ്‌നങ്ങളുണ്ടെന്നുമാണ് കൊല്ലം തുളസി പറയുന്നത്. എന്നാല്‍ മൂത്രം കുടിക്കാന്‍ തുടങ്ങിയതോടെ അത്ഭുതകരമായ മാറ്റങ്ങള്‍ സംഭവിച്ചുവെന്നാണ് താരം പറയുന്നത്. യൂറിന്‍ തെറാപ്പിയെക്കുറിച്ച് ശാസ്ത്രീയമായി പഠിച്ചും അനുഭവസ്ഥരുമായി സംസാരിച്ചും ധാരാളം പുസ്തകങ്ങള്‍ വായിച്ചുമാണ് താന്‍ പഠിച്ചതെന്നാണ് കൊല്ലം തുളസി പറയുന്നത്.

രാവിലെ എഴുന്നേറ്റ പാടെ 200 മില്ലിയോളം മൂത്രം കുടിക്കുമെന്നാണ് കൊല്ലം തുളസി പറയുന്നത്. മൂത്രം ശേഖരിച്ചു വെക്കുന്ന പതിവുണ്ടെന്നും ഇങ്ങനെ ശേഖരിച്ചു വച്ച രണ്ട് മാസം പഴയ മൂത്രത്തില്‍ കാലുകള്‍ ഇറിക്കവെക്കുമെന്നും ഇതോടെ കാലുവേദന മാറിയെന്നുമാണ് കൊല്ലം തുളസി പറയുന്നത്. തനിക്കിപ്പോള്‍ വേഗത്തില്‍ നടക്കാന്‍ സാധിക്കുന്നുണ്ടെന്നും താരം പറയുന്നു. തന്റെ ശബ്ദം നഷ്ടമായിരുന്നു. ഒരുപാട് തവണ സ്‌കാന്‍ ചെയ്തിട്ടും രോഗം കണ്ടെത്താനായില്ലെന്നും എന്നാല്‍ മൂത്രം ഗാര്‍ഗിള്‍ ചെയ്തപ്പോള്‍ ശബ്ദം തിരിച്ചുകിട്ടിയെന്നും കൊല്ലം തുളസി അവകാശപ്പെടുന്നുണ്ട്.

അതേസമയം യൂറിന്‍ തെറാപ്പി അശാസ്ത്രീയമാണെന്നാണ് വിദഗ്ധര്‍ പറയുന്നത്. ഐഎംഎ പ്രതിനിധി ഡോക്ടര്‍ ആര്‍ ശ്രീജിത്ത് പറയുന്നത് തീര്‍ത്തും അശാസ്ത്രിയമാണെന്നാണ്. മൂത്രവും മലവും ശരീരത്തിന് ആവശ്യമില്ലാത്തതാണെന്നും ശരീരം മൂത്രത്തിലൂടെ ക്രിയാറ്റിനും അമോണിയയും പുറത്തു വിടുകയാണ് ചെയ്യുന്നതെന്നും അതിന് രോഗത്തെ മാറ്റാന്‍ കഴിയുമെന്നതിന് ശാസ്ത്രീയമായ തെളിവില്ലെന്നുമാണ് ഡോക്ടര്‍ പറയുന്നത്.

നേരത്തേയും കൊല്ലം തുളസി സമാനമായ അവകാശവാദം ഉന്നയിച്ചിരുന്നു. എന്നാല്‍ യൂറിന്‍ തെറാപ്പിയ്ക്ക് യാതാരു തരത്തിലുള്ള അടിസ്ഥാനവുമില്ലെന്നാണ് വിദഗ്ധര്‍ വ്യക്തമാക്കുന്നത്.