Don't Miss!
- News കാവേരി നദിയില് നിന്ന് വെള്ളമെത്തിക്കുമെന്ന് പ്രചാരണം; ഡികെ ശിവകുമാറിനെതിരെ കേസെടുത്തു
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Sports IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ്
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Travel വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
- Automobiles പരസ്യം കൊടുക്കാൻ കിയ കഴിഞ്ഞേ ആളുള്ളൂ, സെൽറ്റോസിന്റെ പ്രചാരണത്തിന് ഇനി ബോബി ഡിയോളും
ഒരുപാട് പേര് എന്നെ പറ്റിച്ചിട്ടുണ്ട്, വണ്ടിചെക്കുകള് കിട്ടിയിട്ടുണ്ട്; തുറന്ന് പറഞ്ഞ് കെഎസ് ചിത്ര
മലയാളികളോട് ഇഷ്ടമുള്ള പാട്ടുകളെക്കുറിച്ച് ചോദിച്ചാല് ആദ്യം മനസിലേക്ക് വരുന്ന പാട്ടുകളില് കെഎസ് ചിത്രയുടെ പാട്ടുകള് എന്തായാലും ഉണ്ടാകും. കഴിഞ്ഞ കുറേ വര്ഷങ്ങളായി മലയാളികളുടെ പ്രണയത്തിനും വിരഹത്തിനും സന്തോഷത്തിനും വേദനയ്ക്കുമെല്ലാം ചിത്രയുടെ ശബ്ദം കൂട്ടാകാറുണ്ട്. മലയാളത്തിന്റെ വാനമ്പാടിയും മലയാളികളുടെ പ്രിയപ്പെട്ട ചിത്ര ചേച്ചിയുമാണ് കെഎസ് ചിത്ര.
മലയാളത്തിന് പുറമെ തമിഴിലും തെലുങ്കിലും ഹിന്ദിയിലും ബംഗാളിയിലും ഒറിയയിലുമെല്ലാം പാട്ടുകള് പാടി കയ്യടി നേടിയിട്ടുണ്ട് ചിത്ര. കാലത്തിനൊപ്പം തന്നെ ചിത്രയെന്ന ഗായികയുമുണ്ട്. ഇന്നത്തെ പാട്ടുകളിലും ചിത്രയും സാന്നിധ്യമുണ്ട്. മെലഡി പാടുന്ന അതേ വൈഭവത്തോടെ തന്നെ അല്ലു ്അര്ജുന് ചിത്രത്തിലൊരു പെപ്പി പാട്ടും ചിത്രയ്ക്ക് പാടാന് സാധിക്കും.
ലോകം മുഴുവന് ആരാധകരുള്ള രാജ്യം ആദരിക്കുന്ന ഗായികയാണെങ്കിലും തന്റെ ലാളിത്യവും വിനയവുമൊന്നും ഇന്നും കെഎസ് ചിത്ര കൈവിട്ടിട്ടില്ല. ഇപ്പോഴിതാ മാധ്യമത്തിന് നല്കിയ അഭിമുഖത്തില് തന്റെ സംഗീത ജീവിതത്തെക്കുറിച്ച് ചിത്ര മനസ് തുറക്കുകയാണ്. മാധ്യമത്തിന് നല്കിയ അഭിമുഖത്തിലാണ് കെഎസ് ചിത്ര മനസ് തുറന്നത്.
യങ്ങ്സ്റ്റേഴ്സായ ഒരുപാട് കുട്ടികള് എന്റെ അടുത്ത് വന്നു അമ്മെ എന്ന് വിളിച്ചു സങ്കടം പറയാറുണ്ടെന്നാണ് ചിത്ര പറയുന്നത്. പാട്ടു കേട്ടാണ് ജോലിയില് നിന്നുള്ള സമ്മര്ദ്ദം മറക്കുന്നതെന്നാണ് അവര് പറയുന്നതെന്നും ചിത്ര പറയുന്നു. അതേസമയം യുവാക്കള്ക്ക് കെഎസ് ചിത്ര ഒരു ഉപദേശവും നല്കുന്നുണ്ട്. കാറിലൊക്കെ പോകുമ്പോള് കുട്ടികള് ചെവിയില് ഹെഡ് സെറ്റും വച്ച് മതിമറന്ന് നടക്കുന്നത് കാണാറുണ്ടെന്നും എന്നാല് അവരെ കാണുമ്പോള് തനിക്ക് ഓര്മ്മ വരുന്നത് തന്റെ അമ്മ പറഞ്ഞൊരു കാര്യമാണെന്നാണ് ചിത്ര പറയുന്നത്.
നമ്മള് ഒരു സ്ഥലത്തു പോകുമ്പോള്ചുറ്റും ഒരു കണ്ണ് വേണം, നമ്മുടെ സേഫ്റ്റി നമ്മുടെ കൈയ്യില് ആണെന്നാണ് ചിത്രയ്ക്ക് യുവാക്കളോടായി പറയാനുള്ളത്. നമ്മുടെ ചുറ്റും എപ്പോഴും ഒരു ശ്രദ്ധ വേണം. എന്തെങ്കിലും അപകടം ഉണ്ടാക്കുന്ന സംഭവം ഉണ്ടായാല് രക്ഷപെട്ടു പൊയ്ക്കൊള്ളണം എന്നും അമ്മ പറഞ്ഞു തന്നിട്ടുണ്ടെന്നും എന്നാല് ഇന്നത്തെ അതൊന്നും ശ്രദ്ധിക്കുന്നില്ലെന്നാണ് ചിത്രയുടെ അഭിപ്രായം.
വസ്ത്രങ്ങളെ കുറിച്ചുപോലും ശ്രദ്ധ വയ്ക്കുന്നില്ലെന്നും ചിത്ര പറയുന്നു. അതുപോട്ടെ വസ്ത്രധാരണം ഓരോരുത്തരുടെയും സ്വാതന്ത്ര്യം ആണെന്നും ചിത്ര അഭിപ്രായപ്പെടുന്നുണ്ട്. എന്നാല് നമ്മളെ ആരെങ്കിലും ശ്രദ്ധിക്കുന്നോ എന്ന് നോക്കണമെന്നും കാരണം അങ്ങനെ ആണല്ലോ ഓരോ അപകടങ്ങളില് പോയി ചാടുന്നതെന്നും ചിത്ര ചൂണ്ടിക്കാണിക്കുന്നു.
പാട്ടുകളില് വന്ന മാറ്റത്തെക്കുറിച്ചും ചിത്ര സംസരിക്കുന്നുണ്ട്. എല്ലാ ഇന്ഡസ്ട്രിയയിലും പാട്ടിന്റെ രൂപം മാറിയിട്ടുണ്ട്. ഒരു പല്ലവി ഒരു ചരണം ആയി മാറിയിട്ടുണ്ട് പാട്ടുകളെന്നാണ് താരം പറയുന്നത്. പാട്ടിനെ കുട്ടികളോടാണ് ചിത്ര ഉപമിക്കുന്നത്. താനൊരു കമ്പോസര് ആണെങ്കില് എപ്പോഴും പാട്ടുകളെക്കുറിച്ചായിരിക്കും ആലോചിച്ച് നടക്കുകയെന്നാണ് ചിത്ര പറയുന്നത്.
നമ്മുടെ ഒരു കുട്ടിയെ നമ്മള് വളര്ത്തുമ്പോള് പലവിധ പ്ലാനുകള് നമ്മുടെ മനസ്സില് ഉണ്ടായിരിക്കില്ലേ. വളര്ന്നു കഴിയുമ്പോള് അവര് അവരുടേതായ രീതിക്ക് പോകും. അത് വേറെ കാര്യം. പ്രെഗ്നന്ന്റ ആയിരിക്കുമ്പോള് തന്നെ നല്ല പാട്ടുകള് കേള്ക്കുക, നല്ല കാര്യങ്ങള് ചെയ്യുന്നതും ഒക്കെ എന്തിനാണ് കുട്ടി നല്ല രീതിയില് വളരട്ടെ എന്നോര്ത്തല്ലേ, അതുപോലെയാണ് ഒരു പാട്ടിന്റെ കാര്യത്തിലുമെന്നാണ് കെഎസ് ചിത്ര പറയുന്നത്.
അതേസമയം ഇംപ്രൊവൈസേഷന് തെറ്റാണ് എന്നല്ല എന്നാല് പാട്ടിന്റെ രൂപം മാറ്റരുതെന്നും അവര് അഭിപ്രായപ്പെടുന്നുണ്ട്. ചെന്നൈയില് വീടെടുത്തതിനെക്കുറിച്ചും താരം സംസാരിക്കുന്നുണ്ട്. നേരത്തെ, ചെന്നൈയില് വീട് എടുക്കാന് ഒന്നും ഉദ്ദേശിച്ചിരുന്നില്ലെന്നും എന്നാല് അച്ഛന് വയ്യാതെ ആയതോടെ വീടെടുക്കുകയായിരുന്നുവെന്നും ചിത്ര പറയുന്നു.
തന്റെ വീടിന്റെ പേര് ശ്രുതി എന്നാണെന്നും താരം പറയുന്നു. അതേസമയം, തന്നെ ഒരുപാട് ആളുകള് പറ്റിച്ചിട്ടുണ്ട്. തുടക്കകാലത്ത് വണ്ടിച്ചെക്ക് കിട്ടിയിട്ടുണ്ടെന്നും ചിത്ര വെളിപ്പെടുത്തുന്നുണ്ട്. എന്നാല് അതൊക്കെ പോട്ടെ എന്ന് വയ്ക്കാറുണ്ട്, ദൈവം നമുക്ക് തന്നിട്ടുണ്ടല്ലോ എന്ന് ഓര്ക്കും എന്നുമാണ് ചിത്ര കൂട്ടിച്ചേര്ക്കുന്നത്.
-
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം
-
രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര്
-
ഞാന് വീണ്ടും വിവാഹിതയാവുകയാണ്, വരന് പോലീസ്! അദ്ദേഹത്തിന്റെയും രണ്ടാം വിവാഹമാണെന്ന് ദയ അച്ചു