ചെയ്യുന്നത് വലിയ രാജ്യദ്രോഹം!! ഒരിക്കലും അങ്ങനെ ചെയ്യരുത്, മോഹൻലാലിനോടൊപ്പം ലൂസിഫർ ടീം...

ക്ലിപ്പുകൾ ഷെയർ ചെയ്യരുത്

ലൂസിഫർ' എന്ന ഞങ്ങളുടെ സിനിമയ്ക്ക് നിങ്ങൾ നൽകിയ അഭൂതപൂർവമായ വരവേൽപ്പിന് ആദ്യമായി നന്ദിപറഞ്ഞു കൊണ്ടായിരുന്നു തുടക്കം. 'ലൂസിഫർ' വലിയ വിജയത്തിലേക്ക് കുതിയ്ക്കുന്ന ഈ വേളയിൽ, ചിത്രത്തിന്റെ ചില ഭാഗങ്ങൾ മൊബൈലിൽ പകർത്തി വാട്സാപ്പ് വഴിയും സാമൂഹിക മാധ്യമങ്ങൾ വഴിയും ചിലർ പ്രചരിപ്പിക്കുന്നതായി ശ്രദ്ധയിൽ പെട്ടിട്ടുണ്ട്. വലിയ ദ്രോഹമാണ് ഇക്കൂട്ടർ സിനിമയോട് കാണിക്കുന്നത്. ഇങ്ങനെയുള്ള ക്ലിപ്പിംഗുകൾ ഷെയർ ചെയ്യുകയും പരത്തുകയും ചെയ്യുന്നതായി കണ്ടെത്തിയാൽ, അത് ശിക്ഷാർഹമായ കുറ്റമാണെന്ന് മനസ്സിലാക്കി തടകുകയും റിപ്പോർട്ട് ചെയ്യുകയും ചെയ്യണമെന്ന് ഓരോരുത്തരോടും അഭ്യർത്ഥിക്കുന്നു. എന്നും താരം ഫേസ്ബുക്കിൽ കുറിച്ചു.

വ്യാജന്മാർക്കെതിരെ ലൂസിഫർ ടീം

വ്യാജ പതിപ്പുകളും വീഡിയോയും പ്രചരിപ്പിക്കുന്നതിനെതിരെ ലൂസിഫറിലെ താരങ്ങൾ ഒന്നടങ്കം രംഗത്തെത്തിയിട്ടുണ്ട്. ലൂസിഫർ ടീം ഒന്നടങ്കമാണ് ഇതിനെതിരെ രംഗത്തെത്തിയിരിക്കുന്നത്. വ്യാജപതിപ്പുകൾ ഫേസ്ബുക്കിലൂടെയും മറ്റ് സോഷ്യൽ മീഡിയ ഫ്ലാറ്റ് ഫോമിലൂടേയും പ്രചരിപ്പിക്കുരുതെന്ന് താരങ്ങൾ ആഹ്വാനം ചെയ്തിരിക്കുന്നത്. മോഹൻലാൽ, ടൊവിനോ, മ‍ഞ്ജുവാര്യർ, ഇന്ദ്രജിത്ത് എന്നിവരും രംഗത്തെത്തിയിട്ടുണ്ട്.

കന്നി സംരംഭം

പൃഥ്വിരാജിന്റെ കന്നി സംരംഭമാണ് ലൂസിഫർ. ഏറെ നാളുകളായുള്ള താരത്തിന്റെ സ്വപ്നമായിരുന്നു സ്വന്തമായി ഒരു ചിത്രമെന്ന്. പൃഥ്വിയുടെ കഠിനാധ്വാനമാണ് ലൂസിഫറിന്റെ വിജയം. മികച്ച പ്രതികരണമാണ് ചിത്രത്തിന് ലഭിക്കുന്നത്. കൂടാതെ പൃഥ്വിയെന്ന സംവിധായകന് ആശംസകൾ നേർന്ന് ആരാധകരും രംഗത്തെത്തുന്നുണ്ട്. മികച്ച അഭിനേതാവ് മാത്രമല്ല നല്ല സംവിധായകനാണെന്നും പൃഥ്വി ലൂസിഫറിലൂടെ തെളിയിച്ചിരിക്കുകയാണ്.

ലൂസിഫറിന്റെ ക്ലിപ്പുകൾ

ലൂസിഫറിലെ മാസ് സീനുകളാണ് സോഷ്യൽ മീഡിയയിലൂടെ പ്രചരിക്കുന്നത്. തിയേറ്ററുകളിൽ അവേശം ഉണർത്തിയ രംഗങ്ങളുടെ വീഡിയോയാണ് സോഷ്യൽ മീഡിയയിലൂടെ പ്രചരിക്കുന്നത്. ലാലേട്ടനും പൃഥ്വിയും തമ്മിലുളള സീനുകളും സോഷ്യൽ മീഡിയയിൽ സജീവമാകുകയാണ്. താരങ്ങളോടുള്ള ആരാധന മൂത്താണ് ഇത്തരത്തിലുളള പ്രവർത്തികൾ ചെയ്യുന്നത്. എന്നാൽ ഇത് സിനിമ മേഖലയെ തന്നെ തകർക്കും. തിയേറ്ററുകളിൽ ഓടുന്നചിത്രങ്ങളുടെ വ്യാജ സിഡി പുറത്തിറക്കുന്നത് ക്രിമിനൽ നടപടി കൂടിയാണ്.