സ്‌കൂളിലാകുമ്പോള്‍ സംസാരിക്കാറില്ലായിരുന്നു, നിങ്ങള്‍ രണ്ടു പേരും എങ്ങനെ! ജെറിന്‍ മയക്കിയെന്ന് മഞ്ജരി

എന്താണ് ഇപ്പോള്‍ പറയാനുള്ളത് എന്ന് ചോദിച്ചപ്പോല്‍ ഐ ലവ് യു എന്നാണ് പറയാനുള്ളതെന്നായിരുന്നു മഞ്ജരി പറഞ്ഞത്. ദൈവം ഞങ്ങളെ എന്നും അനുഗ്രഹിക്കട്ടെ. ഈ സ്‌നേഹം എന്നും നിലനില്‍ക്കട്ടെ. ഇന്നത്തെ പ്രത്യേക സന്തോഷം എന്താണെന്നാല്‍ ഇന്നത്തെ ദിവസം പങ്കിടുന്നത് ഭിന്നശേഷിക്കാരായ കുട്ടികളോടൊപ്പമാണ്. ഞാന്‍ അവരെ സ്ഥിരമായി കാണുന്നതാണ്. അവര്‍ക്കൊപ്പമിരിക്കുമ്പോള്‍ ദൈവ സാന്നിധ്യം അനുഭവപ്പെടാറുണ്ടെന്നും മഞ്ജരി പറഞ്ഞു.

അവരോടൊപ്പം ഇരിക്കുക എന്നത് ഇന്നത്തെ ദിവസം ഏറ്റവും സന്തോഷം നല്‍കുന്ന കാര്യമാണ്. ക്യാമറയുമായി വരരുത്. പക്ഷെ നിങ്ങളെയും അങ്ങോട്ട് ക്ഷണിക്കുകയാണ്. പ്രേക്ഷകരോടും പറയാനുള്ളത് അവര്‍ നല്ല കഴിവുള്ളവരും പോസിറ്റീവായ കുട്ടികളാണ്. അവരെ കാണാന്‍ വരണമെന്നും മഞ്ജരി പറഞ്ഞു. പിന്നാലെ ഭര്‍ത്താവിനെ മാധ്യമ പ്രവര്‍ത്തകര്‍ക്ക് പരിചയപ്പെടുത്തുകയും ചെയ്യുന്നുണ്ട് മഞ്ജരി.

ബാല്യകാല സുഹൃത്താണ് ഭര്‍ത്താവ്. ഈ ചടങ്ങ് മാത്രമാണ് ഞങ്ങള്‍ക്ക് പുതിയത്. വര്‍ഷങ്ങളായുള്ള സൗഹൃദമാണ്. പക്ഷെ ജീവിതത്തില്‍ പങ്കാളികളാകുമെന്ന് പ്രതീക്ഷിച്ചിരുന്നില്ല. സംസാരിക്കുമ്പോഴും അങ്ങനെയൊന്നും കരുതിയിരുന്നില്ല. സ്‌കൂളിലാകുമ്പോള്‍ സംസാരിക്കാറേയുണ്ടായിരുന്നില്ല. അതുകൊണ്ട് തന്നെ സ്‌കൂള്‍ ഗ്രൂപ്പിലുള്ളവരൊക്കെ നിങ്ങള്‍ രണ്ടു പേരും എങ്ങനെ എന്ന അത്ഭുതമാണ്. എന്താണെന്നറിയില്ല. എന്നെ എങ്ങനെയൊക്കയോ അങ്ങ് മയക്കി എന്നാണ് മഞ്ജരി പറയുന്നത്.

എന്താണ് മഞ്ജരിയെ ഇഷ്ടപ്പെടാനുള്ള കാരണം എന്ന ചോദ്യത്തിന് ജെറി മറുപടി നല്‍കുന്നുണ്ട്. പാട്ട്, നല്ലൊരു മനസിന്റെ ഉടമയാണെന്നും ജെറി പറയുന്നു. സുന്ദരിയാണെന്നും അദ്ദേഹം പറയുന്നു. ഒരുമിച്ച് ചെയ്യുന്ന സാമൂഹിക പ്രവര്‍ത്തനങ്ങള്‍ തുടരണം എന്നും അദ്ദേഹം പറഞ്ഞു. ജെറിന്‍ തന്നോട് പാട്ടിനെക്കുറിച്ച് സംസാരിക്കാറുണ്ട്. മുകിലിന്‍ മകളെയാണ് ഏറ്റവും ഇഷ്ടമുള്ള പാട്ട് എന്നും മഞ്ജരി പറഞ്ഞു. ഇനി ഞാനും പഠിച്ച് തുടങ്ങാം എന്ന് ജെറിന്‍ പറഞ്ഞപ്പോള്‍ വഴിയേ അറിയാം എന്നായിരുന്നു മഞ്ജരിയുടെ പ്രതികരണം.

ഇന്‍ഡസ്ട്രിയിലുള്ളവരെയും പെട്ടെന്നാണ് അറിയിച്ചത്. നാളെയാണ് കല്യാണം എന്ന് പറയുന്നത് പോലെയായിരുന്നു. എന്താണെന്ന് പലരും ചോദിച്ചു. എല്ലാം ശരിയായി വന്നപ്പോള്‍ അറിയിക്കാം എന്നു കരുതിയതാണ്. സലീം കുമാര്‍ പറഞ്ഞപോലെ എല്ലാം ശടപടേ ശടപടേന്നായിരുന്നു. വളരെ അടുത്ത ബന്ധുക്കളോട് മാത്രമാണ് പറഞ്ഞിരുന്നതെന്നും ഇരുവരും അറിയിച്ചു.

പിന്നാലെ മാധ്യമപ്രവര്‍ത്തകരുടെ അഭ്യര്‍ത്ഥനയെ തുടര്‍ന്ന് ചിന്നി ചിന്നി പാട്ട് പാടി മഞ്ജരി. പിന്നാലെ ഭര്‍ത്താവും പാടി. സുന്ദരി കണ്ണാലൊരു എന്ന പാട്ടാണ് അദ്ദേഹം പാടിയത്. പാട്ടൊക്കെ പഠിപ്പിച്ചെടുക്കണം എന്നും അദ്ദേഹം പറഞ്ഞു. പിന്നെ രണ്ടാളും ഒരുമിച്ച് ഒരു ചിരികണ്ടാല്‍ എന്ന പാട്ടു പാടി.

കഴിഞ്ഞ ദിവസം രാവിലെയാണ് ഒരു പുതിയ ജീവിതഘട്ടത്തിന് തുടക്കം കുറിക്കുന്ന വിവരം മഞ്ജരി സോഷ്യല്‍മീഡിയ വഴി പങ്കുവെച്ചത്.
തിരുവന്തപുരത്ത് വെച്ചാണ് വിവാഹ ചടങ്ങ് നടന്നത്.ബെംഗളൂരുവില്‍ സ്വകാര്യ സ്ഥാപനത്തിലെ എച്ച്ആര്‍ മാനേജറായി ജോലി ചെയ്യുകയാണ് ജെറിന്‍. പത്തനംതിട്ട സ്വദേശിയാണ്.