Don't Miss!
- News സ്വര്ണം റോക്കറ്റ് പോലെ കുതിച്ചു; തകര്ന്ന് വിപണി... അപ്രതീക്ഷിത മാറ്റം, പവന് വില അറിയാം
- Lifestyle കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം
- Travel അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
- Finance ഹൃദയം തകർത്ത് ഓഹരി വിപണി, ഇന്നും ഇടിവോടെ തുടക്കം, നാല് ദിവസത്തെ നഷ്ടം 9 ലക്ഷം കോടി
- Technology റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു
- Automobiles കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
- Sports IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ്
'എന്റെ കഥാപാത്രങ്ങൾ എനിക്ക് ആസ്വദിക്കാൻ പറ്റാറില്ല, ആദ്യത്തെ സിനിമ മുതൽ അങ്ങനെയാണ്'; കാരണം പറഞ്ഞ് മഞ്ജു!
പ്രായവ്യത്യാസമില്ലാതെ മലയാളി പ്രേക്ഷകർ നെഞ്ചിലേറ്റുന്ന താരമാണ് ഇന്ന് മഞ്ജു വാര്യർ. ലേഡി സൂപ്പർ സ്റ്റാർ എന്ന വിശേഷണം സ്വന്തമാക്കിയ മഞ്ജു ഇന്ന് മലയാള സിനിമയിൽ നിറഞ്ഞു നിൽക്കുകയാണ്. കലോത്സവവേദികളിൽ തിളങ്ങി അവിടെ നിന്നും സിനിമയിലേക്ക് എത്തിയ താരമാണ് മഞ്ജു. 1995 ൽ പുറത്തിറങ്ങിയ സാക്ഷ്യം എന്ന ചിത്രത്തിലൂടെയാണ് വെള്ളിത്തിരയിലേക്ക് എത്തുന്നത്.
പിന്നീട് സല്ലാപം എന്ന ചിത്രത്തിലൂടെ നായികയായി. പിന്നീടിങ്ങോട്ട് മലയാളികൾക്ക് ഏറെ പ്രിയപ്പെട്ട നിരവധി കഥാപാത്രങ്ങളെയാണ് മഞ്ജു സമ്മാനിച്ചത്. ഇന്ന് ആ യാത്ര ആയിഷ എന്ന പുതിയ ചിത്രത്തിൽ എത്തി നിൽക്കുകയാണ്.
90 കളുടെ അവസാനം മലയാളത്തിലെ ഏറ്റവും താരമൂല്യമുള്ള നായികമാരിൽ ഒരാളായി പേരെടുത്ത താരമാണ് മഞ്ജു വാര്യർ. എന്നാൽ നടൻ ദിലീപുമായുള്ള വിവാഹ ശേഷം താരം വലിയ ഒരു ഇടവേളയിലേക്ക് പോവുകയായിരുന്നു. ആരാധകരെയെല്ലാം വിഷമത്തിലാക്കിയ ആ ഒരു ഇടവേളയ്ക്ക് ശേഷം ഗംഭീര തിരിച്ചു വരവാണ് നടി നടത്തിയത്.
വിവാഹമോചനത്തിലൂടെ കടന്നു പോകുന്നതിനിടയിൽ ആയിരുന്നു തിരിച്ചുവരവ്. റോഷൻ ആൻഡ്രൂസിന്റെ ഹൗ ഓൾഡ് ആർ യു വിലൂടെ തിരിച്ചെത്തിയ മഞ്ജു ആ സിനിമയിലൂടെ തന്നെ തന്റെ പഴയ പ്രതാപം പിടിച്ചെടുത്ത് ലേഡി സൂപ്പർ സ്റ്റാറായി മാറുകയായിരുന്നു.
ഇപ്പോൾ മലയാളത്തിന് പുറമെ തമിഴ് സിനിമയിൽ ഉൾപ്പെടെ തിളങ്ങി നിൽക്കുകയാണ് മഞ്ജു. അജിത് നായകനായ തുനിവ് എന്ന ചിത്രം അടുത്തിടെയാണ് പുറത്തിറങ്ങിയത്. അതേസമയം, കുറച്ചധികം വർഷത്തെ ഇടവേളയ്ക്ക് ശേഷം നൃത്ത വേദിയിലും മഞ്ജു വരവറിയിച്ചിരുന്നു. അടുത്തിടെ സൂര്യ ഫിലിം ഫെസ്റ്റിവൽ വേദിയിൽ. രാധേ ശ്യാം എന്ന ഡാൻസ് ഡ്രാമയിൽ ശ്രീകൃഷ്നായാണ് മഞ്ജു വേഷമിട്ടിരുന്നു.
സിനിമയിലും പുതിയ ഉയരങ്ങളിലേക്ക് കുതിക്കുകയാണ് മഞ്ജു ഇപ്പോൾ. ബോളിവുഡ് ചിത്രമടക്കം മഞ്ജുവിന്റേതായി അണിയറയിൽ ഒരുങ്ങുന്നുണ്ട്. അതേസമയം, തന്റെ കഥാപാത്രങ്ങൾ ഒന്നും തനിക്ക് ആസ്വദിക്കാൻ പറ്റാറില്ലെന്ന് പറയുകയാണ് മഞ്ജു ഇപ്പോൾ.
ആയിഷ സിനിമയുടെ പ്രമോഷന്റെ ഭാഗമായി കൗമുദി മൂവീസിന് നൽകിയ അഭിമുഖത്തിൽ സംസാരിക്കുകയായിരുന്നു മഞ്ജു. നടിയെന്ന നിലയിൽ സ്വയം എത്ര മാർക്ക് നൽകും എന്ന ചോദ്യത്തോട് പ്രതികരിക്കുകയായിരുന്നു താരം. വിശദമായി വായിക്കാം.
'എന്നെ സംബന്ധിച്ച് ഞാൻ എന്റെ ഏറ്റവും വലിയ ക്രിട്ടിക് ആണ്. ഞാൻ ചെയ്തിരിക്കുന്ന കഥാപാത്രങ്ങളോ ഒന്നും സ്ക്രീനിൽ കാണുമ്പോൾ എനിക്ക് ആസ്വദിക്കാൻ പറ്റില്ല. അതിലെ കുറ്റങ്ങളും കുറവുകളും മാത്രമേ കാണാൻ പറ്റൂ. ആയിഷയിൽ ആണെങ്കിൽ പോലും അതിലെ ഓരോ സീനുകൾ കാണുമ്പോഴും അയ്യോ ഇത് ഒന്ന് കൂടി നന്നാക്കാമല്ലോ, ഇങ്ങനെ ചെയ്യാമല്ലോ അങ്ങനെ ചെയ്യാമല്ലോ എന്നൊക്കെ തോന്നും,'
'അത് ആദ്യത്തെ സിനിമ തൊട്ടേ അങ്ങനെയാണ്. ഇപ്പോഴും അങ്ങനെ തന്നെയാണ്. എന്നെ മാർക്കിടാനുള്ള ധൈര്യം എനിക്കില്ല. എന്നാൽ ഞാൻ ഭയങ്കരമായി ഇമ്പ്രൂവ് ചെയ്യുന്നു എന്നുമല്ല. എന്നാൽ എനിക്ക് ഇത് കൊള്ളാം. ഞാൻ നന്നായിട്ട് ചെയ്തിട്ടുണ്ട് എന്ന് എനിക്ക് തോന്നാറില്ല,' മഞ്ജു പറഞ്ഞു.
ആമിർ പള്ളിയ്ക്കലിന്റെ സംവിധാനത്തിലൊരുങ്ങിയ ചിത്രമാണ് ആയിഷ. രണ്ടാഴ്ച മുൻപ് തിയേറ്ററുകളിൽ എത്തിയ ചിത്രത്തിന് സമ്മിശ്ര പ്രതികരണങ്ങളാണ് ലഭിച്ചത്. സൗബിൻ ഷാഹീറും മഞ്ജുവും ഒന്നിച്ചെത്തുന്ന വെള്ളരിപട്ടണമാണ് മഞ്ജുവിന്റെ റിലീസിനൊരുങ്ങുന്ന ചിത്രം.
-
നോറയും ജാസ്മിനും ഒന്നിച്ചു; ജിന്റോയെ നാണം കെടുത്തി; ജാസ്മിനും നോറയും തമ്മിൽ അടുക്കുമോ?
-
'ഡേവി അങ്കിൾ മാത്രം ഇന്ന് ഇവിടെ ഇല്ല...'; അനിയത്തി ശ്രദ്ധയുടെ വിവാഹനിശ്ചയത്തിന് പൊട്ടിക്കരഞ്ഞ് പേളി മാണി!
-
'സിംഗിളായിട്ട് ജീവിക്കാൻ എനിക്ക് അറിയില്ല..., പെർഫെക്ട് റിലേഷൻഷിപ്പ് എന്താണെന്ന് എനിക്ക് ഇപ്പോഴും അറിയില്ല'