ആസിഫും ടോവിനോയും നേര്‍ക്കുനേര്‍! തമിഴില്‍ നിന്നും ധനുഷും സേതുപതിയും! ഈ ആഴ്ച ഇറങ്ങുന്ന സിനിമകള്‍

കക്ഷി അമ്മിണിപ്പിളള

ആസിഫ് അലി നായകവേഷത്തില്‍ എത്തുന്ന എറ്റവും പുതിയ ചിത്രമാണ് കക്ഷി അമ്മിണിപ്പിളള. നവാഗതനായ ദിന്‍ജിത്ത് അയ്യത്താന്‍ ആണ് സിനിമ സംവിധാനം ചെയ്യുന്നത്. ആസിഫ് അലി വക്കീല്‍ വേഷത്തില്‍ എത്തുന്ന ചിത്രം തലശ്ശേരിയുടെ പശ്ചാത്തലത്തിലാണ് അണിയിച്ചൊരുക്കിയിരുക്കുന്നത്. സിനിമയുടെതായി നേരത്തെ പുറത്തിറങ്ങിയ ട്രെയിലര്‍ ശ്രദ്ധേയമായി മാറിയിരുന്നു. സിനിമ ഈ ആഴ്ച തിയ്യേറ്ററുകളിലേക്ക് എത്തുമെന്നാണ് അറിയുന്നത്.

ആന്‍ഡ് ദ ഓസ്‌കര്‍ ഗോസ് ടൂ

ടൊവിനോ തോമസിന്റെതായി റിലീസിങ്ങിനൊരുങ്ങുന്ന എറ്റവും പുതിയ ചിത്രമാണ് ആന്‍ഡ് ദ ഓസ്‌കര്‍ ഗോസ് ടൂ. ആദാമിന്റെ മകന്‍ അബു, പത്തേമാരി തുടങ്ങിയ ശ്രദ്ധേയ സിനിമകള്‍ സംവിധാനം ചെയ്ത സലീം അഹമ്മദാണ് പുതിയ ചിത്രവുമായി എത്തുന്നത്. സിനിമയ്ക്കുളളിലെ സിനിമയാണ് ചിത്രത്തിന്റെ പ്രമേയം. ഇന്‍ഡസ്ട്രിയില്‍ നിലയുറപ്പിക്കാന്‍ കഷ്ടപ്പെടുന്ന ഒരു സിനിമാക്കാരന്റെ വേഷത്തിലാണ് ചിത്രത്തില്‍ ടൊവിനോ എത്തുന്നത്. അനു സിത്താര നായികാ വേഷത്തില്‍ എത്തുന്ന ചിത്രം ജൂണ്‍ 21നാണ് തിയ്യേറ്ററുകളിലേക്ക് എത്തുന്നത്

വകതിരിവ്

കോളേജ് പശ്ചാത്തലത്തില്‍ പറയുന്ന തികഞ്ഞൊരു കുടുംബ ചിത്രമാണ് വകതിരിവ്. കെകെ മുഹമ്മദ് അലിയാണ് സിനിമ സംവിധാനം ചെയ്തിരിക്കുന്നത്. പുതുമുഖങ്ങളായ മുഹമ്മദ് അല്‍ത്താഫും രേവതി സുധീറുമാണ് ചിത്രത്തിലെ നായികാ നായകന്മാര്‍. കൈലാഷ്, ജോയ് മാത്യു, ലാലു അലക്സ്, ജാഫര്‍ ഇടുക്കി, ശാന്തി കൃഷ്ണ, സുനില്‍ സുഗത, മാമൂക്കോയ, സുബി സുരേഷ്, വത്സലാ മേനോന്‍ തുടങ്ങിയൊരു നീണ്ട താരനിര ചിത്രത്തിലുണ്ട്. ബ്ലാക്ക്കാറ്റ് എന്റര്‍ടൈന്‍മെന്റിന്റെ ബാനറില്‍ കെകെ മുഹമ്മദ് അലി തന്നെയാണ് നിര്‍മ്മാണം. എല്‍ബിന്‍ കൃഷ്ണ ഛായാഗ്രഹണം നിര്‍വ്വഹിച്ചിരിക്കുന്നു.

സിന്ധുബാദ്

വിജയ് സേതുപതിയുടെതായി റിലീസിങ്ങിനൊരുങ്ങുന്ന എറ്റവും പുതിയ ചിത്രമാണ് സിന്ധുബാദ്. പന്നെയാരും പദ്മിനിയും, സേതുപതി എന്നീ ചിത്രങ്ങള്‍ ഒരുക്കിയ എസ് യു അരുണ്‍ കുമാറാണ് സിനിമ സംവിധാനം ചെയ്തിരിക്കുന്നത്. അഞ്ജലിയാണ് സിനിമയില്‍ നായികാ വേഷത്തിലെത്തുനത്. ആക്ഷന്‍ ത്രില്ലര്‍ ചിത്രവുമായിട്ടാണ് ഇത്തവണ സേതുപതി എത്തുന്നത്. ജൂണ്‍ 21നാണ് സിന്ധുബാദ് റിലീസ് ചെയ്യുന്നത്. മക്കള്‍ സെല്‍വനൊപ്പം മകന്‍ സൂര്യ വിജയ് സേതുപതിയും ചിത്രത്തില്‍ എത്തുന്നുണ്ട്.

ദ എക്‌സട്രാ ഓര്‍ഡിനറി ജേര്‍ണി ഓഫ് ഫക്കീര്‍

തമിഴ് സൂപ്പര്‍താരം ധനുഷ് ആദ്യമായി ഹോളിവുഡില്‍ അഭിനയിച്ച ചിത്രമാണ് ദ എകസ്ട്രാ ഓര്‍ഡിനറി ജേര്‍ണി ഓഫ് ഫക്കീര്‍. ജൂണ്‍ 21നാണ് ധനുഷിന്റെ ആദ്യ ഹോളിവുഡ് ചിത്രം തിയ്യേറ്ററുകളിലേക്ക് എത്തുന്നത്. ചിത്രത്തിന്റെതായി പുറത്തിറങ്ങിയ ട്രെയിലറിന് മികച്ച സ്വീകാര്യതയായിരുന്നു സമൂഹ മാധ്യമങ്ങളില്‍ ലഭിച്ചിരുന്നത്. ഫക്കീറായുളള ധനുഷിന്റെ പ്രകടനം തന്നെയാണ് ട്രെയിലറിലെ മുഖ്യ ആകര്‍ഷണമായി മാറിയിരുക്കുന്നത്.