Don't Miss!
- Sports IPL 2024: രോഹിത് അടുത്ത പഞ്ചാബ് ക്യാപ്റ്റന്! എല്ലാം പറഞ്ഞു സമ്മതിപ്പിച്ചു? പ്രതികരിച്ച് പ്രീതി
- Lifestyle സംശയാലുവായ ഭാര്യയും ഭര്ത്താവും, ദാമ്പത്യത്തിന്റെ അന്ത്യത്തിന് വഴിയൊരുക്കുന്ന 5 ശീലങ്ങള്
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Automobiles മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
നയൻതാര - വിഘ്നേശ് വിവാഹം ഉടൻ ആരാധകരിലേക്ക്; 'നയന്താര: ബിയോന്ഡ് ദി ഫെയറിടെയില്' ടീസർ വൈറൽ
തെന്നിന്ത്യൻ സിനിമാ ആരാധകർ ആഘോഷമാക്കിയ വിവാഹമായിരുന്നു നയൻതാരയുടെയും വിഘ്നേശ് ശിവന്റെയും. ഏഴ് വർഷം നീണ്ട പ്രണയത്തിനൊടുവിലാണ് ഇരുവരും വിവാഹിതരായത്. വിവാഹ ദിനത്തിലും അതിനു ശേഷവും പുറത്തുവന്ന ഇവരുടെ വിവാഹ ചിത്രങ്ങൾ ഒക്കെ സോഷ്യൽ മീഡിയയിൽ വൈറലായിരുന്നു.
കഴിഞ്ഞ ജൂൺ ഒമ്പതിന് മഹാബലിപ്പുരത്ത് വച്ചായിരുന്നു നയൻതാരയും വിഘ്നേശ് ശിവനും തമ്മിലുള്ള വിവാഹം. വലിയ ആർഭാടത്തോടെ നടന്ന വിവാഹ ചടങ്ങിൽ ഷാരൂഖ് ഖാൻ, സൂപ്പർസ്റ്റാർ രജനികാന്ത് തമിഴ്നാട് മുഖ്യമന്ത്രി എംകെ സ്റ്റാലിൻ, എആർ റഹ്മാൻ, സൂര്യ, കാർത്തി, വിജയ് സേതുപതി ഗൗതം വാസുദേവ് മേനോൻ, ആറ്റ്ലി തുടങ്ങി നിരവധി പ്രമുഖർ പങ്കെടുത്തിരുന്നു. ഹൈന്ദവ ആചാരപ്രകാരമായിരുന്നു ചടങ്ങുകൾ. മാധ്യമങ്ങളെ എല്ലാം ഒഴിവാക്കി കുടുംബാംഗങ്ങളും സുഹൃത്തുക്കളും മാത്രമായിട്ടായിരുന്നു വിവാഹം.
ബോളിവുഡിലെ സെലിബ്രിറ്റി കപ്പിൾ വിക്കി കൗശൽ-കത്രീന കൈഫ് തുടങ്ങി നിരവധി താര വിവാഹങ്ങൾ നടത്തിയിട്ടുള്ള ശാദി സ്ക്വാഡാണ് നയൻതാരയുടേയും വിഘ്നേഷ് ശിവന്റേയും വിവാഹത്തിന്റെ ഒരുക്കങ്ങൾ നടത്തിയത്. വിവാഹം കാണാൻ ആഗ്രഹിക്കുന്ന ആരാധകർക്കായി മുഴുവൻ ചടങ്ങുകളും ഡോക്യൂമെന്ററി പോലെ നെറ്റ്ഫ്ലിക്സിൽ സ്ട്രീം ചെയ്യുമെന്ന് ആദ്യമേ റിപ്പോർട്ടുകൾ ഉണ്ടായിരുന്നു.
കഴിഞ്ഞ മാസം നെറ്റ്ഫ്ലിക്സ് ഇന്ത്യയും വിഘ്നേഷും ഇക്കാര്യം സ്ഥിരീകരിക്കുകയും ചെയ്തിരുന്നു. റൗഡി പിക്ചേഴ്സിന്റെ ബാനറില് ഗൗതം മേനോനാണ് വിവാഹ ഡോക്യൂമെന്ററി തയ്യാറാക്കിയിരിക്കുന്നത്. ഇപ്പോഴിതാ, ഇത് ഉടൻ ആരാധകരിലേക്ക് എത്തുമെന്ന സൂചന നൽകി ടീസർ പുറത്തുവിട്ടിരിക്കുകയാണ് നെറ്റ്ഫ്ലിക്സ്.
നെറ്റ്ഫ്ലിക്സ് സൗത്ത് ഇന്ത്യ എന്ന ട്വിറ്റർ പേജിലൂടെയാണ് ടീസർ വീഡിയോ പുറത്തുവിട്ടിരിക്കുന്നത്. താരദമ്പതികൾ തങ്ങളുടെ വിശ്വാസങ്ങളും അവരുടെ പ്രണയ ബന്ധത്തെക്കുറിച്ചുള്ള കാര്യങ്ങളും പറയുന്നതാണ് വീഡിയോയിൽ. "ഞാൻ ജോലിയിലാണ് വിശ്വസിക്കുന്നത്. നമുക്ക് ചുറ്റും ഇത്രയധികം ആളുകളുടെ സ്നേഹമുണ്ടെന്ന് അറിയുന്നതിൽ തീർച്ചയായും സന്തോഷമുണ്ട്," എന്ന് നയൻതാര പറയുന്നത് വീഡിയോയിൽ കാണാം.
സിനിമയ്ക്കൊപ്പം തുടങ്ങി വിവാഹത്തിലേക്ക്; മഹേഷ് ബാബു - നമ്രത പ്രണയമിങ്ങനെ
ഒരു സ്ത്രീയെന്ന നിലയിൽ, നയൻതാരയുടെ സ്വഭാവം പ്രചോദനകരമാണെന്നും അകത്തും പുറത്തും നയൻതാര വളരെ സുന്ദരിയാണെന്നും വിഘ്നേഷ് പറയുന്നതും ടീസറിൽ കാണാം. എന്നാൽ ഡോക്യുമെന്ററിയുടെ റിലീസ് തീയതി ഇതിൽ പ്രഖ്യാപിച്ചിട്ടില്ല.
നാനും റൗഡി താൻ സിനിമയുടെ ചിത്രീകരണത്തിനിടെയായിരുന്നു നയൻതാരയും വിഘ്നേഷ് ശിവനും പ്രണയത്തിലാകുന്നത്. ചിത്രം എഴുതി സംവിധാനം ചെയ്തത് വിഘ്നേഷ് തന്നെയായിരുന്നു. സംവിധായകൻ എന്ന നിലയിൽ വിക്കിക്ക് കരിയർ ബ്രേക്ക് നൽകിയതും നാനും റൗഡി താൻ എന്ന സിനിമയായിരുന്നു. ഇരുവരും ചേർന്നിപ്പോൾ റൗഡി പിക്ചേഴ്സ് എന്ന പേരിൽ സിനിമകൾ നിർമിക്കുകയും ചെയ്യുന്നുണ്ട്. കാത്ത് വാക്കിലെ രണ്ട് കാതൽ എന്ന സിനിമയാണ് ഇരുവരും ഒരുമിച്ച് അവസാനമായി പുറത്തിറങ്ങിയ ചിത്രം.
Recommended Video
വിജയ് സേതുപതി നായകനായ ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിച്ചത് നയൻതാരയും സാമന്തയും ആയിരുന്നു. എന്നാൽ ചിത്രത്തിന് തിയേറ്ററുകളിൽ നിന്ന് കാര്യമായ കളക്ഷൻ നേടാനായില്ല.
പത്തനംതിട്ടയിലെ തിരുവല്ലയിലാണ് നയൻതാര ജനിച്ചത്. മോഡലിങ്, ടെലിവിഷൻ അവതാരക എന്നീ നിലകളിൽ തിളങ്ങുമ്പോളാണ് നയൻതാരയുടെ സിനിമാ പ്രവേശനം. 2003ൽ സത്യൻ അന്തിക്കാട് സംവിധാനം ചെയ്ത മനസിനക്കരെ ആയിരുന്നു ആദ്യ ചിത്രം. പിന്നീട് തമിഴിലേക്ക് എത്തിയ നയൻതാര അവരുടെ ലേഡി സൂപ്പർസ്റ്റാറായി മാറുകയായിരുന്നു. ഇപ്പോഴിതാ, ഷാരൂഖിനൊപ്പം ബോളിവുഡിലും അരങ്ങേറ്റത്തിന് ഒരുങ്ങുകയാണ് താരം.
-
'അന്ന് പ്രതിഫലം ഒരു രൂപ... ഇപ്പോൾ വാങ്ങുന്നത് മൂന്ന് കോടി വരെ'; ചാക്കോച്ചനൊപ്പമെത്തി പ്രണവിന്റെയും പ്രതിഫലം?
-
ചെയ്യാവുന്നതൊക്കെ ചെയ്തിട്ടുണ്ടെന്ന് ഡോക്ടര് പറഞ്ഞു; അവസാനം ആ ശീലവും നിര്ത്തി; സലിം കുമാര്
-
'വനിത ഒരു ദ്രോഹി, കുടുംബത്തിന്റെ മാനം ഇല്ലാതാക്കുന്നു, ആക്ഷേപിക്കുന്നത് നിർത്തിയില്ലെങ്കിൽ പ്രത്യാഘാതം വരും'