മമ്മൂക്ക അന്ന് കളിയാക്കുമായിരുന്നു; നിന്റെ പല്ലെന്താ ഇങ്ങനെ, അച്ഛന്റെ കഷണ്ടി കിട്ടിയല്ലോ എന്നൊക്കെ പറയും: അനിഖ

ചിത്രത്തിൽ മംമ്‌തയുടെയും ആസിഫ് അലിയുടേയും മകളായിട്ടാണ് അനിഖ അഭിനയിച്ചത്. ഇതിന് ശേഷം കൂടുതൽ അവസരങ്ങൾ അനിഖയെ തേടി എത്തി. മമ്മൂട്ടിക്ക് ഒപ്പം ബാവൂട്ടിയുടെ നാമത്തിൽ, ഭാസ്‌കർ ദി റാസ്‌കൽ, ദി ഗ്രേറ്റ് ഫാദർ തുടങ്ങിയ സിനിമകളിൽ അടക്കം അനിഖ അഭിനയിച്ചിട്ടുണ്ട്. ഇതിനിടെ തമിഴിൽ നിന്നും അനിഖയ്ക്ക് അവസരങ്ങൾ ലഭിച്ചു.

തമിഴിൽ അജിത് നായകനായ യെനെ അറിന്താൽ എന്ന ചിത്രത്തിലൂടെ ആയിരുന്നു അരങ്ങേറ്റം. ചിത്രം സൂപ്പർ ഹിറ്റായതോടെ അനിഖയും താരമായി മാറി. തെലുങ്കിൽ ബുട്ട ബൊമ്മ എന്ന ചിത്രത്തിൽ നായികയായ ശേഷമാണ് അനിഖ മലയാളത്തിലും നായികയായി എത്തുന്നത്. ചിത്രത്തിന്റെ പ്രമോഷൻ തിരക്കുകളിലാണ് താരമിപ്പോൾ. അതിനിടെ മമ്മൂട്ടിക്ക് ഒപ്പം അഭിനയിച്ചതിന്റെ അനുഭവങ്ങൾ പങ്കുവച്ചിരിക്കുകയാണ് അനിഖ.

മമ്മൂട്ടി നായകനായെത്തിയ ദി ഗ്രേറ്റ് ഫാദറെന്ന ചിത്രത്തിൽ മമ്മൂട്ടിയുടെ മകളുടെ വേഷമാണ് അനിഘ കൈകാര്യം ചെയ്തത്. സിനിമയുടെ ഷൂട്ടിങ് സമയത്ത് നടൻ ഷൂട്ടിങ് സെറ്റിൽ മമ്മൂട്ടിയ്‌ക്കൊപ്പമുള്ള രസകരമായ അനുഭവങ്ങളാണ് അനിഖ പങ്കുവച്ചത്. ക്ലബ് എഫ്എമ്മിന് നൽകിയ അഭിമുഖത്തിൽ സംസാരിക്കവെയാണ് നടി ഇക്കാര്യം പറഞ്ഞത്.

ഗ്രേറ്റ് ഫാദർ സിനിമയുടെ സെറ്റിൽ വെച്ച് മമ്മൂട്ടി എപ്പോഴും തന്റെ പല്ലിനെ കുറിച്ച് പറഞ്ഞ് കളിയാക്കുമായിരുന്നെന്നും, മമ്മൂക്കയെ കുറിച്ച് ഓർക്കുമ്പോൾ തനിക്ക് ഇക്കാര്യമാണ് ആദ്യം ഓർമ വരുന്നതെന്നുമാണ് അനിഖ പറഞ്ഞത്. അനിഖയുടെ വാക്കുകൾ ഇങ്ങനെ.

'ഗ്രേറ്റ് ഫാദർ സെറ്റിൽ വെച്ച് മമ്മുക്ക എന്നെ തമാശക്ക് കുറേ കളിയാക്കിയിരുന്നു. ആ സമയത്ത് എന്റെ പല്ലൊക്കെ നല്ല പോലെ ഡിസോർഡറായിട്ടായിരുന്നു ഇരുന്നത്. മിക്കപ്പോഴും കാണുമ്പോൾ നിന്റെ പല്ലെന്താ ഇങ്ങനെ, ശരിയാക്കിക്കൂടെ എന്നൊക്കെ മമ്മൂക്ക പറയും. അങ്ങനെ എന്റെ പല്ലിനെ കുറേ കളിയാക്കും,' അനിഖ പറയുന്നു.

'അതുപോലെ എനിക്ക് എന്റെ തലയുടെ ഇടത് ഭാഗത്ത് കുറച്ച് കഷണ്ടിയുണ്ട്. എന്റെ അച്ഛനും കഷണ്ടി ഉണ്ടായിരുന്നു. അത് കാണുമ്പോൾ മമ്മുക്ക പറയും നിനക്ക് അച്ഛന്റെ കഷണ്ടി കിട്ടിയിട്ടുണ്ടല്ലേ എന്ന്,' അനിഘ പറഞ്ഞു.

അടുത്തിടെ സംവിധായകൻ ജൂഡ് ആന്റണിയുടെ തലയിൽ മുടിയിലെന്ന് പറഞ്ഞ് മമ്മൂട്ടി നടത്തിയ വിവാദമായി മാറിയിരുന്നു. പിന്നീട് തെറ്റ് മനസിലാക്കി നടൻ തന്നെ മാപ്പ് പറഞ്ഞിരുന്നു. അതിനു ശേഷം ഒരു അഭിമുഖത്തിൽ കറുപ്പ് മോശം എന്ന് വ്യാഖ്യാനിച്ചു കൊണ്ട് നടൻ നടത്തിയ പരാമർശവും വിവാദമായി മാറിയതാണ്.

അതേസമയം, നാളെയാണ് ഓ മൈ ഡാർലിങ് തിയേറ്ററുകളിൽ എത്തുക. ആൽഫ്രഡ് ഡി സാമുവൽ സംവിധാനം ചെയ്യുന്ന ചിത്രത്തിൽ യുവതാരം മെൽവിൻ ജി.ബാബുവാണ് നായകനാവുന്നത്. കൗമാരക്കാരുടെ പ്രണയവും, അവരുടെ ജീവിത പ്രതിസന്ധികളും പശ്ചാത്തലമാക്കി കഥ പറയുന്ന ചിത്രത്തിൽ ജോണി ആന്റണി, മുകേഷ്, മഞ്ജു പിള്ള, ഫുക്രു എന്നിവരും പ്രധാന വേഷങ്ങളിൽ എത്തുന്നുണ്ട്.