പലതും പ്രതീക്ഷിച്ചെത്തുന്ന പ്രണയാഭ്യര്‍ത്ഥനകളെ തിരിച്ചറിയാം; മനസ് തുറന്ന് രഞ്ജു രഞ്ജിമാര്‍

പിന്നാലെ ലിംഗമാറ്റ ശസ്ത്രക്രിയയെക്കുറിച്ചും രഞ്ജു രഞ്ജുമാര്‍ സംസാരിക്കുന്നുണ്ട്. ശസ്ത്രക്രിയ ഭയങ്കര വേദന നിറഞ്ഞതാണെന്നാണ് രഞ്ജു രഞ്ജിമാര്‍ പറയുന്നു. ജീവിതത്തിന്റെ നൂല്‍ പാലത്തില്‍ നിന്നുള്ള സര്‍ജറിയാണെന്നാണ് അവര്‍ പറുന്നത്. ആണ്‍ ശരീരത്തില്‍ ഉണ്ടായിരിക്കുന്ന ഒരു ലിംഗത്തെ അറുത്തുമാറ്റികൊണ്ട് പെണ്‍ ശരീരത്തില്‍ ഉള്ള അവയവങ്ങളെ ക്രിയേറ്റ് ചെയ്യുക എന്നുള്ളതാണ്. അത് വളരെ സങ്കീര്‍ണമാണെന്നും എന്നാല്‍ തങ്ങളുടെ സ്വപ്നത്തിനു വേണ്ടിയുള്ളതാകുമ്പോള്‍ ആ വേദനകള്‍ നമ്മള്‍ അതിജീവിക്കുമെന്നാണ് രഞ്ജു രഞ്ജിമാര്‍ പറയുന്നു. പിന്നാലെ രഞ്ജു രഞ്ജിമാര്‍ തന്റെ സര്‍ജറിയെക്കുറിച്ചും മനസ് തുറന്നു.

എന്റെ സര്‍ജറി സമയത്താണ് അനന്യയ്ക്കും സര്‍ജറി ചെയ്യണം എന്ന് പറയുന്നത്. എന്നാല്‍ ഞാന്‍ പറഞ്ഞതാണ് കുറച്ചുകൂടി വെയിറ്റ് ചെയ്യാന്‍ വേണ്ടി. എന്നാല്‍ അവളുടെ സ്വപ്നത്തിന് വേണ്ടി നമ്മള്‍ ഒപ്പം നില്‍ക്കുകയായിരുന്നു എന്നും രഞ്ജു പറയുന്നു. പക്ഷെ സര്‍ജറി കഴിഞ്ഞപ്പോള്‍ അവള്‍ക്ക് അതുമായി പൊരുത്തപ്പെടാന്‍ കുറച്ചുബുദ്ധിമുട്ടുകള്‍ ഉണ്ടായി .മെന്റലി ഡിപ്രെസ്ഡ് ആയി പോയെന്നും അവര്‍ പറയുന്നു. എങ്കിലും നമ്മള്‍ അവള്‍ക്ക് പൂര്‍ണ്ണ പിന്തുണ നല്‍കിയെന്നും അവര്‍ പറയുന്നു. മൂന്നുഘട്ടങ്ങള്‍ ആയിട്ടാണ് സര്‍ജറി ചെയ്യുന്നത്. ഒരുപാട് കോമ്പ്‌ലിക്കേഷന്‌സിലൂടെയാണ് ആ സര്‍ജറി കടന്നുപോകുന്നത്. അനന്യ ഒരുപാട് പ്രതിസന്ധികള്‍ അതിജീവിച്ചിരുന്നു എന്നും രഞ്ജു രഞ്ജിമാര്‍ ഓര്‍ക്കുന്നു. അതേസമയം തന്റെ സര്‍ജറി വിജയകരം ആയിരുന്നുവെന്നും ഇത് വരെയും മറ്റു പ്രശ്‌നങ്ങള്‍ ഒന്നും ഉണ്ടായില്ലെന്നും രഞ്ജു രഞ്ജിമാര്‍ വ്യക്തമാക്കുന്നു.

Recommended Video

ശ്രദ്ധ നേടി ട്രാൻസ് വുമൺ 'ഹരിണി ചന്ദന'യുടെ വിവാഹ വീഡിയോ | Oneindia Malayalam

പിന്നാലെ പ്രണയത്തെക്കുറിച്ചാണ് രഞ്ജു രഞ്ജിമാര്‍ മനസ് തുറക്കുന്നത്. പ്രണയം എന്നത് സുഖമുള്ള ഒരു അനുഭവം ആണെന്നാണ് രഞ്ജു രഞ്ജിമാര്‍ അഭിപ്രായപ്പെടുന്നത്. സര്‍ജറി കഴിഞ്ഞു സ്ത്രീ ആയി മാറിയ ശേഷം പ്രണയം എന്ന ഒരുപാട് അനുഭവങ്ങള്‍ ഉണ്ടായിട്ടുണ്ടെന്നും അവര്‍ പറയുന്നു. അതേസമയം തന്നെ മറ്റ് ചില ഉദ്ദേശങ്ങള്‍ മനസില്‍ വച്ചു കൊണ്ട് സമീപിക്കുന്നവരെ കുറിച്ചും രഞ്ജു രഞ്ജിമാര്‍ സംസാരിക്കുന്നുണ്ട്. സിനിമ മോഹവുമായി എന്നോട് പ്രണയ അഭ്യര്‍ത്ഥന നടത്തിയവരുണ്ട്. അതുപോലെ തന്നെ സാമ്പത്തികമായി മെച്ചം കിട്ടുന്ന തരത്തില്‍ ഉള്ള പ്രണയഅഭ്യര്‍ത്ഥനകളും ഉണ്ടായിട്ടുണ്ടെന്നാണ് ര#്ജു പറയുന്നത്. പക്ഷെ ഇതൊക്കെ തിരിച്ചറിയാന്‍ തനിക്ക് കഴിഞ്ഞു എന്നുള്ളതാണ് സത്യമെന്നും അവര്‍ പറയുന്നു. ഞാന്‍ കുറച്ചു കണ്ണിങ് ആണ്. നമ്മള്‍ പൊരുതിയത് ജീവിതവിജയത്തിന് വേണ്ടിയാണെന്നും അവര്‍ കൂട്ടിച്ചേര്‍ക്കുന്നുണ്ട്.