സംയുക്ത അഭിനയിക്കാത്തതിന് കാരണമെന്താണ്? ബിജു മേനോൻ പറഞ്ഞത് ഇതാണ്

മലയാള സിനിമയിൽ കുറച്ചു കാലം മാത്രം നിന്ന്, ഒരു വലിയ ആരാധക വൃന്ദത്തെ ഉണ്ടാക്കിയ നടിയാണ് സംയുക്ത വർമ്മ. കഷ്ടിച്ച് നാല് വർഷങ്ങൾ മാത്രമേ സിനിമയിൽ സജീവമായിരുന്നുള്ളുവെങ്കിലും, ഇന്നും വീണ്ടും ചില വീട്ടുകാര്യങ്ങൾ നായികയെ ഏറെ ഇഷ്ടത്തോടെ ഓർക്കുന്നവരാണ് മലയാളി പ്രേക്ഷകർ. 2002ലാണ് സംയുക്ത വർമ്മ സീനിയർ നടൻ ബിജു മേനോനെ വിവാഹം ചെയ്ത് സിനിമയോട് വിട പറഞ്ഞത്. അഭിനയം ഏറെ ആസ്വദിച്ചിരുന്നുവെങ്കിലും, അമ്മയായി നല്ലൊരു കുടുംബ ജീവിതം നയിക്കാനുള്ള ആഗ്രഹം കൊണ്ടാണ് താൻ അഭിനയത്തിൽ നിന്ന് വിടവാങ്ങിയതെന്ന് സംയുക്ത വർമ്മ വെളിപ്പെടുത്തിയിരുന്നു.

എന്നാൽ ഇപ്പോഴും, പ്രശസ്ത നടി അഭിനയത്തിലേക്ക് മടങ്ങി വരാത്തതിന്, അവരുടെ ഭർത്താവ് ബിജു മേനോനെ പഴിക്കുന്നവർ ഏറെയാണ്. എല്ലാ നടിമാരെയും പോലെ, സംയുക്തയും വിവാഹ ശേഷം ഭർത്താവിന്റെ സന്തോഷത്തിന് വേണ്ടി സിനിമ ഉപേക്ഷിക്കുകയായിരുന്നു എന്നാണ് പലരും വിശ്വസിക്കുന്നത്. എന്നാൽ, അതല്ല സത്യമെന്നും, അഭിനയം നിർത്തുക എന്നത് തന്റെ ഭാര്യ സ്വയം എടുത്ത തീരുമാനമായിരുന്നു എന്നും, ബിജു ഒരിക്കൽ വെളിപ്പെടുത്തിയിരുന്നു.

Photo Credit: Filmibeat

ബിജു മേനോൻ എന്തൊരു ജാഡക്കാരനാണെന്ന് എല്ലാവരോടും പറഞ്ഞു: ആദ്യ സംഭാഷണത്തെ കുറിച്ച് സംയുക്ത വർമ്മ

കുറച്ചു വർഷങ്ങൾക്ക് മുൻപ്, ലളിതം സുന്ദരം എന്ന സിനിമയുടെ പ്രൊമോഷൻ പരിപാടിയ്ക്കിടെ, "സംയുക്ത വർമ്മ ഇനി തിരിച്ചു വരുമോ?" എന്ന മാധ്യമങ്ങളുടെ ചോദ്യത്തിന്, രസകരമായൊരു മറുപടിയാണ് ബിജു മേനോൻ നൽകിയത്. "തിരിച്ചു വരാൻ അവൾ അതിന് എവിടെ പോയി? അവൾ ഇവിടൊക്കെ തന്നെയുണ്ട്," പ്രശസ്ത നടൻ ഒരു ചിരിയോടെ പറഞ്ഞു. "സിനിമയിലേക്ക് തിരിച്ചു വരിക എന്ന് പറഞ്ഞാൽ... വേറെയും ഒരുപാട് കാര്യങ്ങളില്ലേ? കുടുംബം ഉണ്ട്, മോന്റെ കാര്യങ്ങൾ നോക്കണം. രണ്ടു പേരും കൂടി അഭിനയിച്ചാൽ മോനെ ആര് നോക്കും?" ബിജു ചോദിച്ചു.

Photo Credit: Filmibeat

ഈ പരിപാടിയിൽ ബിജു മേനോന് ഒപ്പം പങ്കെടുത്ത സംയുക്ത വർമ്മയുടെ അടുത്ത സുഹൃത്ത് മഞ്ജു വാര്യർ ഈ കാര്യത്തിൽ ഉടൻ തന്നെ നടന് പിന്തുണയുമായി എത്തി. "ഇത് സംയുക്ത തന്നെ എടുത്ത തീരുമാനമാണ്, അത് എനിക്ക് നന്നായി അറിയാം," മഞ്ജു പറഞ്ഞു. അപ്പോൾ, "ഇപ്പോൾ ഇങ്ങനെയേ ചെയ്യാൻ പറ്റുന്നുള്ളു... ഇനി നാളെ അവൾക്ക് അഭിനയക്കണമെങ്കിൽ അഭിനയിക്കാം," ബിജു മേനോൻ കൂട്ടിച്ചേർത്തു. എന്നാൽ ഇപ്പോൾ കുടുംബ കാര്യങ്ങൾ നോക്കി കഴിയാൻ തന്നെയാണ് സംയുക്തയുടെ തീരുമാനം എന്നും, നാളെ അത് മാറിയാൽ അവർക്ക് തന്റെ പൂർണ്ണ പിന്തുണ ഉണ്ടാവുമെന്നും, അയ്യപ്പനും കോശിയും താരം പറഞ്ഞു.

മുൻപൊരു അഭിമുഖത്തിൽ, സിനിമ വിടാനുള്ള തന്റെ തീരുമാനത്തെ കുറിച്ച് സംയുക്ത വർമ്മ മനസ്സ് തുറന്നിരുന്നു. "സത്യം പറഞ്ഞാൽ ഒരു കുടുംബജീവിതം തുടങ്ങണം എന്ന് എനിക്ക് ഭയങ്കര ആഗ്രഹമായിരുന്നു. കാരണം ഞാൻ എന്നും ഭയങ്കരമായിട്ട് മദർഹുഡ് എന്ജോയ് ചെയ്യണം എന്ന് ആഗ്രഹിച്ചിരുന്ന ആളാണ്. അത് അങ്ങനെ ആസ്വദിക്കാൻ തുടങ്ങിയപ്പോൾ, ഞാൻ അങ്ങനെ നിന്നുവെന്നേയുള്ളു. എനിക്ക് ആദ്യം മുതൽക്കേ ആഗ്രഹം ഇത് തന്നെയായിരുന്നു. എനിക്ക് കല്യാണം കഴിക്കണം എന്ന് തോന്നിയതിന് തന്നെ പ്രധാന കാരണം, എനിക്കൊരു കുട്ടി വേണം എന്നുള്ളത് കൊണ്ടായിരുന്നു. എനിക്ക് നിറയെ കുട്ടികൾ വേണമെന്നായിരുന്നു. പക്ഷെ ഭഗവാൻ ദക്ഷിനെ മാത്രമേ തന്നുള്ളൂ," ഒരു വിടർന്ന നടി വിശദീകരിച്ചു.