Don't Miss!
- Automobiles എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Sports IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- News പൂരം അട്ടിമറിച്ച് ബിജെപിക്ക് വോട്ടുണ്ടാക്കി കൊടുക്കാനുള്ള ശ്രമമെന്ന് മുരളീധരൻ;സുരേഷ് ഗോപിയുടെ പ്രതികരണം ഇങ്ങനെ
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
'ഒരുപാട് സങ്കടങ്ങൾക്കിടയിൽ സന്തോഷിക്കാനുള്ള അവസരമാണിത്!', മകളുടെ പിറന്നാൾ ആഘോഷമാക്കി സൗഭാഗ്യയും അർജുനും
സോഷ്യല് മീഡിയയിൽ നിറയെ ആരാധകരുള്ള താരങ്ങളാണ് സൗഭാഗ്യ വെങ്കിടേഷും ഭര്ത്താവ് അർജുൻ സോമശേഖരനും. ടിക് ടോക് വീഡിയോകളിലൂടെയാണ് റീൽസുകളിലൂടെയുമാണ് ഇരുവരും പ്രേക്ഷകർക്ക് പ്രിയങ്കരകുന്നത്. പ്രേക്ഷകരുടെ ഇഷ്ട താരമായ നടി താരകല്യാണിന്റെ മകളാണ് സൗഭാഗ്യ വെങ്കിടേഷ് എന്നതും പ്രേക്ഷകരുടെ സ്നേഹത്തിന് കാരണമാണ്.
താര കല്യാണിന്റെ നൃത്ത വിദ്യാർത്ഥി ആയിരുന്നു സൗഭാഗ്യയുടെ ഭർത്താവ് അര്ജുന്. സൗഭാഗ്യക്ക് ഒപ്പമുള്ള വീഡിയോകളിലൂടെ തിളങ്ങിയ താരം ഇന്ന് ടെലിവിഷൻ പരമ്പരകളിൽ സജീവമാണ്. ആദ്യ പരമ്പരയായ ചക്കപ്പഴത്തിലൂടെ തന്നെ അർജുൻ പ്രേക്ഷകർക്ക് പ്രിയങ്കരനായി മാറിയിരുന്നു. സൗഭാഗ്യയും ഇപ്പോൾ അഭിനയ രംഗത്ത് ഉണ്ട്.
ചെറുപ്പം മുതലുള്ള സുഹൃത്തുക്കളായിരുന്നു അർജുനും സൗഭാഗ്യയും. പിന്നീട് ഇവരുടെ സൗഹൃദം പ്രണയമായി വളരുകയായിരുന്നു. തുടർന്നത് വിവാഹത്തിലേക്കും എത്തി. 2020 ഫെബ്രുവരിയിൽ ആയിരുന്നു ഇരുവരും വിവാഹിതരായത്. വീട്ടുകാരുടെ സമ്മതത്തോടെ നടന്ന വിവാഹമായിരുന്നു. ഇവർക്ക് ഇപ്പോൾ സുദർശന എന്നൊരു മകളുമുണ്ട്.
സേഷ്യല് മീഡിയയില് സജീവമാണ് സൗഭാഗ്യയും അര്ജുനും. യൂട്യൂബിലൂടെയും മറ്റും ഇവരുടെ വിശേഷങ്ങളും സന്തോഷങ്ങളുമെല്ലാം ഇവർ ആരാധകരുമായി പങ്കുവെയ്ക്കാറുണ്ട്. സുദർശനയുടെ വിശേഷങ്ങളും താരങ്ങൾ പങ്കുവയ്ക്കക്കാറുണ്ട്. അതുകൊണ്ട് തന്നെ സുദാപൂ എന്ന് വിളിക്കുന്ന സുദർശനയ്ക്കും ആരാധകർ ഏറെയാണ്.
ഇന്നലെ ആയിരുന്നു സുദർശനയുടെ ഒന്നാം പിറന്നാൾ. മകളുടെ പിറന്നാളിനോട് അനുബന്ധിച്ച് സൗഭാഗ്യ ഇൻസ്റ്റാഗ്രാമിൽ പങ്കുവച്ച ആശംസ ഇന്നലെ വൈറലായി മാറിയിരുന്നു. 'ഹാപ്പി ബർത്ത്ഡേ മൈ ലിറ്റിൽ പ്രിൻസസ്, മൈ നോട്ടി ഡ്രാഗൺ, മൈ തുടാപൂവിന് ഒരു വയസായി,' എന്നായിരുന്നു സൗഭാഗ്യയുടെ പോസ്റ്റ്. നിരവധി പേർ സുദർശനയ്ക്ക് ആശംസകളുമായി എത്തിയിരുന്നു. ഇപ്പോഴിതാ, മകളുടെ പിറന്നാളിനോട് അനുബന്ധിച്ച് സൗഭാഗ്യയും അർജുനും ചേർന്ന് നടത്തിയ ബർത്ത്ഡേ പാർട്ടിയുടെ വിശേഷങ്ങളാണ് പുറത്തുവരുന്നത്.
അടുത്ത സുഹൃത്തുകൾക്കും കുടുംബാംങ്ങൾക്കും ഒപ്പമായിരുന്നു പിറന്നാൾ ആഘോഷം. അമ്മുമ്മ താര കല്യാണിനും മുത്തശ്ശി സുബ്ബലക്ഷ്മിയമ്മയ്ക്കും ഒപ്പമായിരുന്നു സുദാപ്പൂവിന്റെ പിറന്നാൾ ആഘോഷം. അതേസമയം, ഒരുപാട് സങ്കടങ്ങൾക്കിടയിൽ നടത്തുന്ന ആഘോഷമാണിതെന്ന് സൗഭാഗ്യ പറഞ്ഞു. പിറന്നാൾ ആഘോഷത്തിന്റെ വെറൈറ്റി മീഡിയ എന്ന യൂട്യൂബ് ചാനലിനോട് ആയിരുന്നു സൗഭാഗ്യയുടെ പ്രതികരണം.
'ഇന്ന് മകളുടെ ആദ്യത്തെ പിറന്നാളാണ്. ഇത് നടത്തണോ വേണ്ടയോ എന്നൊക്കെ വലിയ കൺഫ്യുഷനിൽ ആയിരുന്നു ഞങ്ങൾ. കുറെ കഴിഞ്ഞ് പോസ്റ്റ്പോൺ ചെയ്ത് നടത്താമെന്നൊക്കെ കരുതിയതാണ്. പക്ഷെ അവസാനം നിമിഷമായപ്പോൾ ഇത് നടത്തിയില്ലെങ്കിൽ വലിയ കുറ്റബോധം ആകുമെന്ന് കരുതി പെട്ടെന്ന് തട്ടി കൂട്ടി ചെയ്തൊരു ബർത്ത്ഡേ പാർട്ടിയാണ്,'
'കൊച്ചു ബേബിക്ക് ഇത് ഇഷ്ടമാകുമെന്ന് കരുതുന്നു. ഞങ്ങളെ സംബന്ധിച്ച് ഒരുപാട് സങ്കടങ്ങൾക്കിടയിൽ സന്തോഷിക്കാനുള്ള ഒരു അവസരമായാണ് ഇതിനെ കാണുന്നത്. ഇനിയും അങ്ങോട്ട് ഞങ്ങളുടെ ഈ യാത്ര സന്തോഷം നിറഞ്ഞതാകട്ടെയെന്ന് ഈ ദിവസം പ്രാർത്ഥിക്കുന്നു. മോളുടെയും ലൈഫ് കളർഫുൾ ആകട്ടേയെന്ന് പ്രാർത്ഥിക്കുന്നു, നിങ്ങളുടെ എല്ലാവരുടെയും പിന്തുണ ഞങ്ങൾക്ക് വേണം,' സൗഭാഗ്യ പറഞ്ഞു.
ഒരുപാട് വിഷമങ്ങൾക്കിടയിൽ നമ്മുടെ സന്തോഷമാണ് ബേബിയെന്നും അവളെ സന്തോഷവതിയായി വെക്കാൻ എന്തൊക്കെ ചെയ്യാൻ പറ്റുമോ അതൊക്കെ ചെയ്യാനാണ് ആഗ്രഹമെന്ന് അർജുനും പറയുന്നുണ്ട്. അടുത്തിടെയാണ് അർജുന്റെ അമ്മ മരണപ്പെട്ടത്. കുടുംബം അതിന്റെ വിഷമത്തിൽ നിന്ന് പൂർണമായി കരകയറുന്നതിന് മുൻപാണ് സുദാപ്പൂവിന് പിറന്നാൾ വരുന്നത്. എന്നാൽ അതെല്ലാം മറന്ന് മക്കൾക്കുവേണ്ടി പിറന്നാൾ ആഘോഷമാകുകയായിരുന്നു സൗഭാഗ്യവും അർജുനും.