പേളി മാണി പാടിയപ്പോള്‍ സംഭവിച്ചത്? ഇതിലും മികച്ച പണി ഇനി കിട്ടാനില്ല! വീഡിയോ ഉണ്ട് കേട്ടോ!

പേളിയുടെ പാട്ട്

ഡാന്‍സായാലും പാട്ടായാലും എന്ത് ചെയ്യാന്‍ പറഞ്ഞാലും ഉടന്‍ തന്നെ ചെയ്യുന്ന സ്വഭാവക്കാരിയാണ് പേളി മാണി. തനിക്കറിയാവുന്ന രീതിയില്‍ താരമങ്ങ് ചെയ്യും. അങ്ങനെയുള്ള ക്യാരക്ടര്‍ ആയതിനാല്‍ പലപ്പോഴും താരത്തിന് പണി കിട്ടിയിട്ടുമുണ്ട്. ആടാനും പാടാനുമൊക്കെ പരസ്യമായി പറയുമ്പോള്‍ താരം അത് ചെയ്യാറുമുണ്ട്. ചാനല്‍ പരിപാടികളില്‍ വെച്ചാണ് താരത്തിന് ഇത്തരത്തിലുള്ള ചലഞ്ചുകള്‍ ലഭിക്കാറുള്ളത്. അങ്ങനെ മുന്‍പൊരിക്കല്‍ അങ്ങോട്ട് ഗാനം ആലപിക്കാന്‍ ആവശ്യപ്പെട്ട പേളിയോട് കൂടെ പാടാന്‍ ആവശ്യപ്പെട്ട് പണി കൊടുത്തൊരു ഗായകനുണ്ട് മലയാളത്തിന്റെ സ്വന്തം ഭാവഗായകനായ ജി വേണുഗോപാല്‍.

മലയാളം അറിയില്ലേ?

പത്മരാജന്‍-മോഹന്‍ലാല്‍ കൂട്ടുകെട്ടില്‍ പുറത്തിറങ്ങിയ സിനിമകളില്‍ എക്കാലത്തെയും മികച്ച ചിത്രങ്ങളിലൊന്നായ തൂവാനത്തുമ്പികളിലെ ഒന്നാം രാഗം പാടി എന്ന ഗാനമായിരുന്നു വേണുഗോപാല്‍ ആലപിച്ചത്. ഇടയ്ക്കുള്ള ഫീമെയില്‍ വേര്‍ഷന്‍ പാടി കൂടെ നില്‍ക്കാനായിരുന്നുഅദ്ദേഹം പേളിയോട് പറഞ്ഞത്. അറിയില്ലെന്ന് പറഞ്ഞ് മടിച്ചുനിന്നെങ്കിലും പേളി പാടിയാലേ താന്‍ പാടുകയുള്ളൂവെന്ന് വേണുഗോപാല്‍ പറഞ്ഞു. ഇതോടെയാണ് ഒരുകൈ നോക്കാന്‍ പേളി തയ്യാറായത്.

സൗഭാഗ്യ ഏറ്റെടുത്തു

നിന്റെ നീല രജനികള്‍ എന്ന് തുടങ്ങുന്ന വരിയിലെ അവസാന ഭാഗത്ത് കെടന്നു എന്നായിരുന്നു പേളി പാടിയത്. ട്രോളര്‍മാര്‍ അന്നേ ഈ സംഭവം ഏറ്റെടുത്തിരുന്നു. ട്രോളുകള്‍ വൈറലായതിന് പിന്നാലെ തന്നെ ഈ സംഭവത്തെ എല്ലാവരും മറന്നുവെന്നായിരുന്നു കരുതിയത്. എന്നാല്‍ ഡബ്‌സ്മാഷ് വിദഗദ്ധയായ സൗഭാഗ്യ വീണ്ടും ഈ സംഭവവുമായി എത്തിയിരിക്കുകയാണ്. ഇതാവട്ടെ ക്ഷണനേരം കൊണ്ട് വൈറലാവുകയും ചെയ്തു.

കണ്ടുനോക്കൂ എങ്ങനെയുണ്ട്?

സൗഭാഗ്യയുടെ വീഡിയോ കണ്ടുനോക്കൂ, പേളിയുടെ പാട്ട് എങ്ങനെ? കാണൂ