ചേട്ടന്റെ സിനിമ കാണാറില്ല; ഇ​ന്ത്യ​ൻ​ 2​ ​കാ​ണു​മോ​ ​എന്നറിയില്ല: നെ​ടു​മു​ടി​ ​വേ​ണു​വി​ന്റെ​​​ ഭാര്യ ​

ചില സിനിമകൾ വർഷങ്ങൾ കഴിഞ്ഞാലും പ്രേക്ഷകരെ ബോറഡിപ്പിക്കില്ല. വീണ്ടും വീണ്ടും കാണാനുള്ള താത്പര്യം ജനിപ്പിക്കും. അത്തരത്തിലുള്ള ഒരു ശങ്കർ ചിത്രമാണ് ഇന്ത്യൻ. 1996ൽ റിലീസ് ചെയ്തെങ്കിലും ആ കഥാപാത്രത്തിനും സിനിമക്കും ഇപ്പോഴും ഫാൻസ് ഉണ്ട്. ചിത്രത്തിന്റെ രണ്ടാം ഭാ​ഗം ജൂലൈ 12ന് റിലീസിന് ഒരുങ്ങുന്നു.

കമൽഹാസൻ വീണ്ടും സേനാപതിയായി അവതരിക്കാൻ പോകുന്നു എന്നത് വലിയ ആകാംഷയുണ്ടാക്കുന്നുണ്ട്. വലിയ ക്യാൻവാസിലാണ് രണ്ടാം ഭാ​ഗം ഒരുക്കിയത്. സിദ്ധാർത്ഥ്, പ്രിയ ഭവാനി ശങ്കർ, രാഖുൽ പ്രീത്, എസ്. ജെ സൂര്യ തുടങ്ങി വലിയൊരു താരനിര ചിത്രത്തിലുണ്ട്.

എപ്പോഴും ഒരു മലയാളി സാന്നിധ്യം ശങ്കർ സിനിമകളിൽ ഉണ്ടാവാറുണ്ട്. അങ്ങനെയാണ് ഇന്ത്യൻ സിനിമയിൽ നെടുമുടി വേണുവിന്റെ ഇൻസ്പെക്ടർ കൃഷ്ണ സ്വാമി എന്ന കഥാപാത്രം വരുന്നത്. സിനിമയിൽ അതി ശക്തനായ കഥാപാത്രം തന്നെയായിരുന്നു കൃഷ്ണ സ്വാമി. രണ്ട് വർഷം മുന്നേ വിട പറഞ്ഞ നെടുമുടി വേണുവും രണ്ടാം ഭാ​ഗത്തിലുണ്ട്. വീണ്ടും കൃഷ്ണ സ്വാമിയായി അദ്ദേഹത്തെ സ്ക്രീനിൽ കാണാൻ പോകുമ്പോൾ നെ​ടു​മു​ടി​ ​വേ​ണു​വി​ന്റെ​​​ ഭാര്യ ​സു​ശീ​ല​ ​വേ​ണുവിന്റെ വാക്കുകൾ ഇങ്ങനെ.

'​'​ചേ​ട്ട​ൻ​ ​‌​ഞ​ങ്ങ​ളെ​ ​വി​ട്ടു​പോ​യ​തി​നു​ശേ​ഷം​ ​ചേ​ട്ട​ന്റെ​ ​ഒ​രു​ ​സി​നി​മ​ ​വ​രു​ന്നെ​ന്ന് ​കേ​ൾ​ക്കു​മ്പോ​ൾ​ ​ത​ന്നെ​ ​വ​ള​രെ​ ​സ​ന്തോ​ഷ​മു​ണ്ട്.​ ​മ​ക്ക​ളും​ ​വ​ള​രെ​ ​സ​ന്തോ​ഷ​ത്തി​ലാ​ണ്.​ ​എ​ന്നാ​ൽ​ ​ചേ​ട്ട​നി​ല്ലാ​ത്ത​തി​ന്റെ​ ​വി​ഷ​മ​മു​ണ്ട്.​ ​തി​യേ​റ്റ​റി​ൽ​ ​കാ​ണാ​ൻ​ ​എ​നി​ക്ക് ​പ്ര​യാ​സ​മാ​ണ്.​ ​ചേ​ട്ട​ൻ​ ​പോ​യ​തി​നു​ ​ശേ​ഷം​ ​ചേ​ട്ട​ന്റെ​ ​സി​നി​മ​ ​കാ​ണാ​ൻ​ ​വ​ള​രെ​ ​ബു​ദ്ധി​മു​ട്ടാ​ണ്.​ ​അ​ഭി​മു​ഖം​ ​പോ​ലും​ ​കാ​ണാ​റി​ല്ല.​ ​ഇ​ന്ത്യ​ൻ​ 2​ ​കാ​ണു​മോ​ ​എ​ന്നും​ ​അ​റി​യി​ല്ല.​ ​അ​ച്ഛ​ന്റെ​ ​സി​നി​മ​ ​വീ​ണ്ടും​ ​തി​യേ​റ്റ​റി​ൽ​ ​വ​രു​ന്ന​തി​ൽ​ ​മ​ക്ക​ൾ​ ​കാ​ത്തി​രി​ക്കു​ക​യാ​ണ്.​ സ​ന്തോ​ഷ​വും​ ​വേ​ദ​ന​യും​ ​അ​നു​ഭ​വ​പ്പെ​ടു​ന്ന​ ​നി​മി​ഷ​ത്തി​ലൂ​ടെ​യാ​ണ് ​ഞാൻ ക​ട​ന്നു​ ​പോ​കു​ന്ന​ത്."

2019​ ​ലാണ് ​ഇ​ന്ത്യ​ൻ​ 2​ ​ചി​ത്രീ​ക​ര​ണം​ ​ആ​രം​ഭി​ക്കു​ന്നത്. ആ സമയങ്ങളിൽ നെടുമുടി വേണുവിന്റെ​ ​ആ​രോ​ഗ്യം​ ​മോ​ശ​മാ​യി​ തുടങ്ങിയിരുന്നു. എന്നിട്ടും ഇന്ത്യൻ 2 ൽ​ ​അ​ഭി​ന​യി​ക്കാ​ൻ​ അദ്ദേഹം​ ​പോ​യ​തു​ ​ത​ന്നെ​ ​ശ​ങ്ക​റി​ന്റെ​ ​നി​ർ​ബ​ന്ധം​ ​കാ​ര​ണ​മാ​ണ്.​ ​ശാ​രീ​രി​ക​ ​അ​വ​ശ​ത​ ​നേ​രി​ട്ടി​ട്ടും​ ​ത​ന്റെ​ ​രം​ഗ​ങ്ങ​ൾ​ ​മു​ക്കാ​ൽ​ ​ഭാ​ഗ​വും​ ​പൂ​ർ​ത്തി​യാ​ക്കു​ക​യും​ ​ചെ​യ്തു.​ ​മോ​ശ​മാ​യ​ ​അ​വ​സ്ഥ​യി​ലും​ ​അ​ഭി​ന​യ​ത്തി​ൽ​ ​താ​ൻ​ ​തൃ​പ്ത​നായിരുന്നെന്ന്​ ​​വീ​ട്ടുകാരോട് ​പ​ങ്കു​വെച്ചിരുന്നു.​ ​

എ​ന്നാ​ൽ​ ​കൊ​വി​ഡും,​ ​മ​റ്റു​ ​പ്ര​ശ്ന​ങ്ങ​ളെ​ ​തു​ട​ർ​ന്നും​ ​ചി​ത്രീ​ക​ര​ണം​ ​താത്കാലികമായി നിർത്തേണ്ടി​ ​വ​ന്നു.​ 2021​ ​ഒ​ക്ടോ​ബ​ർ​ 21​ന് ​നെ​ടു​മു​ടി​ വേണു ​വി​ട​ ​പ​റ​ഞ്ഞു.​ ​നെ​ടു​മു​ടി പൂ​ർ​ത്തി​യാ​ക്കാ​ത്ത​ ​ഭാ​ഗ​ത്താ​ണ് ​ശ​ങ്ക​ർ​ ​ആ​ർ​ട്ടി​ഫി​ഷ്യ​ൽ​ ​ഇ​ന്റ​ലി​ജ​ന്റ്സി​ന്റെ​ ​സ​ഹാ​യം​ ​തേ​ടി​യ​ത്.​ ഒപ്പം നന്ദു പൊതുവാളിന്റെ സഹകരണവും നെടുമുടി വേണു എന്ന പ്രതിഭയെ വീണ്ടും സ്ക്രീനിൽ കാണാൻ സഹായിച്ചു. ​അ​കാ​ല​ത്തി​ൽ​ ​വി​ട​ ​പ​റ​ഞ്ഞ​ ​ത​മി​ഴ് ​താ​ര​ങ്ങ​ളാ​യ​ ​വി​വേ​ക്,​​​ ​മ​നോ​ബാ​ല​ ​എ​ന്നി​വ​രെ​യും​ ​ഇ​ന്ത്യ​ൻ​ 2​ ​ൽ​ ​കാ​ണാം.

മോ​ഗമുൾ എന്ന ചിത്രത്തിലൂടെയാണ് നെടുമുടി വേണു തമിഴ് സിനിമയിലേക്ക് അരങ്ങേറുന്നത്. തൊട്ടടുത്ത വർഷമാണ് ഇന്ത്യൻ സിനിമയിൽ അഭിനയിക്കുന്നത്. പിന്നീട് ശങ്കറിന്റെ തന്നെ അന്യൻ എന്ന ചിത്രത്തിലും നല്ലൊരു വേഷം ചെയ്തിട്ടുണ്ട്. പൊയ് സൊല്ല പോറേൻ, സിലമ്പാട്ടം, സർവ്വം താള മയം തുടങ്ങിയ ചിത്രങ്ങളിലും നല്ല വേഷങ്ങൾ ചെയ്തിട്ടുണ്ട്. മലയാളത്തിനു പുറമേ അദ്ദേഹം തമിഴിലും സംസ്കൃതത്തിലുമാണ് സിനിമകൾ ചെയ്തത്. മാത്രമല്ല ഒരു ഇന്ത്യൻ ഇം​ഗ്ലീഷ് ചിത്രത്തിലും അഭിനയിച്ചിട്ടുണ്ട്.