പതിനഞ്ചു വർഷം ഒന്നിക്കാതെ വിജയ്‍യും തൃഷയും, തമ്മിൽ യാതൊരു സൗഹൃദവുമില്ലെന്ന് നടി: ലിയോ എല്ലാം മാറ്റിമറിച്ചു

പ്രശസ്ത നടിയും മോഡലുമായ തൃഷ കൃഷ്ണൻ ദക്ഷിണേന്ത്യൻ സിനിമാ ലോകത്തെ ഏറ്റവും വിലപ്പിടിപ്പുള്ള താരങ്ങളിൽ ഒരാളാണ്. 'മൗനം പേസിയതേ' എന്ന ചിത്രത്തിലൂടെയാണ് തൃഷ നായികയായി അരങ്ങേറ്റം കുറിച്ചത്. കുറച്ചു കാലവുമായി തൃഷ വാർത്തകളിൽ നിറയുന്നത്, നടി തമിഴ് സൂപ്പർ താരം ദളപതി വിജയ്‌യുമായി പ്രണയത്തിലാണെന്ന ഗോസിപ്പുകളിലൂടെയാണ്. തൻ്റെ പ്രണയ ജീവിതത്തെക്കുറിച്ചുള്ള ചർച്ചകൾക്കിടയിൽ, നടി വിവാഹത്തെക്കുറിച്ച് സംസാരിക്കുകയുണ്ടായി. ഒരിക്കലും വിവാഹിതയായേക്കില്ല എന്ന സൂചനയാണ് നടി അടുത്തിടെയായി നൽകിയത്.

തൃഷ കൃഷ്ണനും ദളപതി വിജയും പ്രണയത്തിലാണെന്ന് അഭ്യൂഹങ്ങൾ വന്നു തുടങ്ങിയത് ലിയോ എന്ന സിനിമയുടെ സെറ്റിൽ വച്ചാണ്. എങ്കിലും, വിവാഹത്തെക്കുറിച്ചുള്ള ചോദ്യത്തിന് ഇപ്പോഴും താൻ വിവാഹം എന്ന ആശയത്തിൽ അടിയുറച്ചു വിശ്വസിക്കുന്നില്ലെന്നും, വിവാഹിതയായാലും ഇല്ലെങ്കിലും ഇപ്പോഴുള്ള തൻ്റെ ജീവിതത്തിൽ താൻ സംതൃപ്തയാണെന്നും അവർ പറഞ്ഞു.

ഗില്ലി, കുരുവി, തിരുപ്പാച്ചി, ആദി തുടങ്ങി നിരവധി സിനിമകളിൽ വിജയും തൃഷയും ഒരുമിച്ച് അഭിനയിച്ചിട്ടുണ്ട്. ഇതിൽ 'ഗില്ലി' തമിഴ് സിനിമയിലെ ഏറ്റവും വലിയ ഹിറ്റുകളിൽ ഒന്നായിരുന്നു. ആ സിനിമയിലെ ഗാനങ്ങൾ ഇന്നും ഹിറ്റ് ചാർട്ടുകളിൽ മുന്നിലാണ്. 2008ൽ പുറത്തിറങ്ങിയ 'കുരുവി' ആയിരുന്നു അവർ ഒരുമിച്ചുള്ള അവസാന ചിത്രം. ആ കാലത്ത്, വിജയ്‍യും തൃഷയും തമ്മിൽ പ്രണയത്തിലാണെന്ന് ഗോസിപ്പുകൾ വന്നതിനെ തുടർന്ന്, ഇരു താരങ്ങളും ഒരുമിച്ച് അഭിനയിക്കുന്നത് നിർത്തുകയായിരുന്നു. ആ കാലത്തെ ഒരു അഭിമുഖത്തിൽ, വിജയ്‌യുമായി തനിക്ക് യാതൊരു സൗഹൃദവും ഇല്ലെന്നും, താരം സിനിമാ രംഗത്തെ സഹപ്രവർത്തകൻ മാത്രമാണെന്നും തൃഷ പറഞ്ഞിരുന്നു.

2005ലാണ് തൃഷ കൃഷ്ണനും ദളപതി വിജയ്‍യും തമ്മിലുള്ള പ്രണയബന്ധം വാർത്തകളിൽ ഇടംപിടിച്ചത്. 'ഗില്ലി' എന്ന സിനിമയുടെ ചിത്രീകരണത്തിനിടെ കണ്ടുമുട്ടിയ ഇരുവരും, പിന്നീട് പല ചിത്രങ്ങളിലും ഒന്നിച്ച് അഭിനയിച്ചതോടെ പരസ്പരം അടുത്തുവെന്നാണ് ഗോസിപ്പുകൾ വന്നത്. ഇവരുടെ പ്രണയത്തെക്കുറിച്ചുള്ള അഭ്യൂഹങ്ങൾ സിനിമാ ലോകത്ത് വലിയ കോളിളക്കമുണ്ടാക്കി. തൃഷയുമായുള്ള വിജയുടെ അടുപ്പം നടനും ഭാര്യ സംഗീത സ്വർണലിംഗവും തമ്മിൽ അകൽച്ചയ്ക്ക് കാരണമായെന്ന് അന്ന് റിപ്പോർട്ടുകൾ ഉണ്ടായിരുന്നു.

ഒളിച്ച് പോയി കാണും, കണ്ണെടുക്കാതെ നോക്കി നിൽക്കും, എന്റെ സൂപ്പർ ഹീറോ; സിമ്രാന്റെ സീക്രട്ട് ക്രഷ് രജിനികാന്ത്!

എന്നാൽ, ഈ വാർത്തകൾക്കിടയിൽ തൃഷ മുന്നോട്ട് വരികയും മാധ്യമങ്ങളിലെ എല്ലാ ഊഹാപോഹങ്ങളും തള്ളിക്കളയുകയും ചെയ്തു. താനും 'ഗില്ലി'യിലെ സഹതാരമായ വിജയും സഹപ്രവർത്തകർ മാത്രമാണെന്നും തങ്ങൾക്കിടയിൽ മറ്റൊന്നുമില്ലെന്നും നടി പല വട്ടം വിശദീകരിച്ചു. മാധ്യമ റിപ്പോർട്ടുകൾ പ്രകാരം, ആ സമയത്ത് തൃഷയ്ക്കൊപ്പം അഭിനയിക്കുന്നത് നിർത്താൻ വിജയുടെ കുടുംബാംഗങ്ങൾ അദ്ദേഹത്തോട് കർശനമായി ആവശ്യപ്പെട്ടതിനാലാണ് വർഷത്തോളം ഇരുവരും ഒരുമിച്ച് സിനിമയിൽ അഭിനയിക്കാതിരുന്നത്. നടന്റെ ഭാര്യ സംഗീത സ്വർണലിംഗത്തിന്, തൃഷയുമായി അദ്ദേഹം ഒന്നിച്ച് അഭിനയിക്കുന്നതിൽ ബുദ്ധിമുട്ട് ഉണ്ടെന്നാണ് അന്ന് റിപോർട്ടുകൾ വന്നത്.

മാസ്റ്റർ എന്ന സിനിമ പുറത്തിറങ്ങിയതിന് പിന്നാലെ വിജയ്‍യും, ഭാര്യ സംഗീതയും വേർപിരിഞ്ഞുവെന്നാണ് പരക്കെ വിശ്വസിക്കപ്പെടുന്നത്. എന്നാൽ, താര പത്നി എവിടെയും പോയിട്ടില്ലെന്നും അവകാശപ്പെടുന്നവരുണ്ട്. എന്തായാലും, അതിന് ശേഷം വിജയ് വീണ്ടും ലോകേഷ് കനഗരാജുമായി ഒന്നിച്ച ലിയോ എന്ന ചിത്രത്തിൽ തൃഷ നായികയായി. പിന്നീട്, ഇരുവരും തമ്മിൽ പ്രണയത്തിലാണെന്ന് ഗോസിപ്പുകൾ വീണ്ടും വന്നു തുടങ്ങി. ഇത് വരെ താരങ്ങൾ ഈ വാർത്തകൾ നിഷേധിച്ചിട്ടില്ലെന്ന് മാത്രമല്ല, വിജയ് തന്റെ ജീവിതത്തിലെ സ്പെഷ്യൽ വ്യക്തിയാണെന്ന് സൂചിപ്പിക്കുന്ന തരത്തിലാണ് തൃഷ നടന്റെ പിറന്നാൾ ദിനങ്ങളിൽ കഴിഞ്ഞ കുറച്ചു വർഷങ്ങളായി സോഷ്യൽ മീഡിയ പോസ്റ്റുകൾ ഇടാറുള്ളത്.