മോഹൻലാലിനെയാണോ മമ്മൂട്ടിയെയാണോ ഇഷ്ടം, വിജയ് സേതുപതിയുടെ മറുപടി വൈറലാകുന്നു

മലയാളത്തിൽ മോഹൻലാലിനെയാണോ മമ്മൂട്ടിയെയാണോ ഇഷ്ടം എന്ന ചോദ്യത്തിനായിരുന്നു നടന്റെ മറുപടി. വിജയ് സേതുപതിയുടെ വാക്കുകൾ ഇങ്ങനെ... മലയാള സിനിമ എനിക്ക് ഏറെ ഇഷ്ട്ടമാണ്. മോഹൻ ലാലിനെയും മമ്മൂട്ടിയെയും ഫഹദ് ഫാസിലിനെയും ഒക്കെ വളരെ ഇഷ്ട്ടമാണ്. ഒരുപാട് മികച്ച ചിത്രങ്ങളും മികച്ച അഭിനേതാക്കളും ഉള്ള സിനിമാ മേഖലയാണ് മലയാളം.

കുമ്പളങ്ങി നൈറ്റ്സ് കണ്ടിട്ട് അതിലെ സഹോദരങ്ങളുടെ കൂടെ ജീവിക്കാൻ എനിക്ക് തോന്നി. അതൊരു സിനിമയായിട്ടല്ല ജീവിതമായാണ് തോന്നിയത്. അത്രത്തോളം മികച്ചതായിരുന്നു. ഓരോ സിനിമയും വ്യത്യസ്തങ്ങളായ ജീവിത അനുഭവമാണ്. നമ്മുടെയൊക്കെ ജീവിതമാണ് സിനിമയിൽ നമ്മൾ കാണുന്നത്. എനിക്ക് എല്ലാവരെയും ഇഷ്ട്ടമാണ്. ആരെയും വേർപിരിച്ച് പറയരുത്.

സിനിമയെ കുറിച്ച് ചോദിക്കു, താരങ്ങളെ കുറിച്ചല്ല. സിനിമയാണ് പ്രധാനം. എത്ര വലിയ സ്റ്റാർ അഭിനയിക്കുന്ന പടമായാലും സിനിമ തുടങ്ങി പത്ത് പതിഞ്ച് മിനിറ്റിനു ശേഷം സ്റ്റാറിനപ്പുറത്ത് കഥയ്ക്കാണ് പ്രധാന്യം. അത് തന്നെയാണ് ഏറ്റവും പ്രധാനപ്പെട്ടത്. അതുകൊണ്ടാണ് അത്തരം സിനിമകൾ ജനങ്ങൾ സ്വീകരിക്കുന്നതും- വിജയ് സേതുപതി അഭിമുഖത്തിൽ പറഞ്ഞു. പൃഥ്വിരാജ്, ബിജു മേനോൻ ചിത്രമായ അയ്യപ്പനും കോശിയും, കപ്പേള തുടങ്ങിയ ചിത്രങ്ങളെ കുറിച്ചും നടൻ അഭിമുഖത്തിൽ വാചാലനാകുന്നുണ്ട്.

മാസ്റ്ററാണ് വിജയ് സേതുപതിയുടെ ഏറ്റവും പുതിയ ചിത്രം. തിയേറ്റർ റിലീസായിട്ടാണ് ചിത്രം പുറത്ത് വന്നത്. കോളിവുഡ് പ്രേക്ഷകർ മാത്രമല്ല മലയാളി പ്രേക്ഷകരും ചിത്രത്തിനായി ആകാംക്ഷയോടെ കാത്തിരിക്കുകയായിരുന്നു. ഇളയദളപതിയുടെ വില്ലനായിട്ടാണ് മാസ്റ്റേഴ്സിൽ വിജയ് സേതുപതി എത്തിയത്. വിജയ്ക്കൊപ്പം തന്നെ വില്ലനായി തിളങ്ങാനും നടന് കഴിഞ്ഞിരുന്നു. ഭവാനി എന്നാൻ വില്ലൻ കഥപാത്രത്തിലൂടെ അഭിനയത്തിന്റെ മറ്റൊരു മുഖമാണ് തരം കാണിച്ച് തന്നത്.