മോഹൻലാൽ സിംഹം, മമ്മൂട്ടി അങ്കിളിനെ പോലെ, ദുൽഖറിനൊപ്പം മൾട്ടിസ്റ്റാർ സിനിമ ചെയ്യണം: വിജയ് ദേവരകൊണ്ട

ഓഗസ്റ്റ് 25നാണ് ചിത്രം തിയേറ്ററുകളിൽ എത്തുന്നത്. ചിത്രത്തിന്റെ പ്രൊമോഷൻ തിരക്കുകളിലാണ് നടനിപ്പോൾ. പ്രൊമോഷന്റെ ഭാഗമായി വിജയ് ദേവരകൊണ്ടയും നടി അനന്യ പാണ്ഡേയും ഇന്നലെ കൊച്ചിയിൽ എത്തിയിരുന്നു. കൊച്ചിയിൽ ആരാധകരെയും മാധ്യമങ്ങളെയും കാണുന്നതിനിടെ നടൻ മലയാളത്തിലെ സൂപ്പർ താരങ്ങളെ കുറിച്ച് പറഞ്ഞ വാക്കുകളാണ് ഇപ്പോൾ ശ്രദ്ധനേടുന്നത്.

മോഹന്‍ലാല്‍ എന്ന് കേള്‍ക്കുമ്പോള്‍ തനിക്ക് സിംഹത്തെയാണ് ഓര്‍മ്മവരുതെന്നും മമ്മൂട്ടി തനിക്ക് അങ്കിളിനെ പോലെ ആണെന്നും എന്നുമാണ് വിജയ് ദേവരകൊണ്ട പറഞ്ഞു. അതേസമയം, മമ്മൂട്ടിയെ പുലി എന്നാണ് അനന്യ വിശേഷിപ്പിച്ചത്.

തനിക്ക് ഈ ലോകത്ത് ഏറ്റവും ഇഷ്ടമുള്ള ഒരാൾ ദുല്‍ഖര്‍ സല്‍മാന് ആണ് അതുകൊണ്ട് അദ്ദേഹത്തിന്റെ പിതാവായ മമ്മൂട്ടി തനിക്ക് അങ്കിളിനേപ്പോലെയാണെന്നാണ് വിജയ് പറഞ്ഞത്. ദുല്‍ഖര്‍ തനിക്ക് കുഞ്ഞിക്കയാണെന്നും നടന്‍ പറഞ്ഞു. കണ്ണ്‌കൊണ്ട് അഭിനയിക്കുന്ന നടനാണ് എന്നാണ് ഫഹദ് ഫാസിലിനെ കുറിച്ച് പറഞ്ഞത്. ടൊവിനോയെ കുറിച്ച് ചോദിച്ചപ്പോൾ ഹാന്‍ഡ്‌സം ആണെന്നായിരുന്നു ഒറ്റവാക്കിലെ മറുപടി.

വേദിയിൽ ബിഗ് ബിയിലെ മമ്മൂട്ടിയുടെ ഡയലോഗായ 'കൊച്ചി പഴയ കൊച്ചിയല്ല' ഒക്കെ പറഞ്ഞു ആരാധകരെ കയ്യിൽ എടുത്ത് കൊണ്ടായിരുന്നു വിജയ്‌യുടെ സംസാരം. അതേസമയം, ദുൽഖർ തനിക്ക് ഏറെ പ്രിയപ്പെട്ട നടനാണെന്ന് പറഞ്ഞ വിജയ്, ദുൽഖറിനൊപ്പം ഒരു മൾട്ടിസ്റ്റാർ ചിത്രം ചെയ്യാൻ ആഗ്രഹമുണ്ടെന്നും പറഞ്ഞിരുന്നു.

മഹാനടിയിൽ ഒരുമിച്ച് വന്നിരുന്നു. എന്നാൽ അത് കുറച്ചു മാത്രമായിരുന്നു. ഒരു മുഴുനീള മൾട്ടി സ്റ്റാർ ചിത്രം ചെയ്യണമെന്നാണ് ആഗ്രഹം. നേരത്തെ ഒരുമിച്ചൊരു ചിത്രം പ്ലാൻ ചെയ്തിരുന്നെങ്കിലും അത് നടക്കാതെ പോയെന്നും വിജയ് പറഞ്ഞു.

'ഞാൻ ദുൽഖറിന്റെ വലിയ ആരാധകനാണ്. എനിക്ക് ഒരുമിച്ച് മൾട്ടി സ്റ്റാർ ചിത്രങ്ങൾ ചെയ്യാൻ താൽപ്പര്യമുള്ള ചുരുക്കം നടന്മാരിൽ ഒരാളാണ് ദുൽഖർ, മഹാനടിയിൽ ഞങ്ങൾ ഒരുമിച്ച് അഭിനയിച്ചിട്ടുണ്ട്. പക്ഷെ അത്തരത്തിലുള്ള ഒരു വേഷമല്ല മറിച്ച് പോലീസ് വേഷങ്ങളും കോമഡിയും ചെയ്യാനാണ് കൂടുതൽ താല്പര്യം,' വിജയ് ദേവരകൊണ്ട പറഞ്ഞു.

Recommended Video

Tovino Thomas: ടോവിനോയെ തല്ലുമാലയാക്കി ജനം, ഒടുവിൽ കൂട്ടിൽ കേറി ഒളിക്കുന്ന കണ്ടോ | *

കരൺ ജോഹറിന്റെ നിർമാണ കമ്പനിയായ ധർമ പ്രൊഡക്ഷൻസാണ് ലൈഗർ നിർമ്മിക്കുന്നത്. ഈ പാൻ-ഇന്ത്യ. മിക്സഡ് മാർഷ്യൽ ആർട്‍സ് താരമായാണ് വിജയ് ദേവെരകൊണ്ട ലൈഗറില്‍ വേഷമിടുന്നത്. ചിത്രം ഹിന്ദി, തെലുങ്ക് ഭാഷകളിലാണ് പ്രദര്‍ശനത്തിന് എത്തുക.

തമിഴിലും കന്നഡയിലും മലയാളത്തിലും ചിത്രം മൊഴിമാറ്റിയും പ്രദര്‍ശനത്തിന് എത്തും. കേരളത്തിൽ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ചിത്രം പ്രദർശനത്തിന് എത്തിക്കുന്നത്. വിജയ് ദേവെരകൊണ്ടയുടെ ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് 'ലൈഗര്‍'. സംവിധാകൻ പുരി ജഗനാഥ് തന്നെയാണ് ചിത്രത്തിന്റെ തിരക്കഥ എഴുതിയിരിക്കുന്നത്.