For Quick Alerts
    ALLOW NOTIFICATIONS  
    For Daily Alerts

    പോണിടെയിലൊക്കെ കെട്ടിയ കുഞ്ഞു കുട്ടി, അന്ന് ഒട്ടും ഹാപ്പി ആയിരുന്നില്ല; അമാലിനെ ആദ്യമായി കണ്ടതിനെ പറ്റി ദുൽഖർ!

    |

    മലയാളത്തിലെ മിന്നും താരമാണ് ദുൽഖർ സൽമാൻ. തമിഴും, തെലുങ്കും എല്ലാം കടന്ന് ഹിന്ദിയിൽ വരെ തന്റെ സാന്നിധ്യം ഉറപ്പിച്ചിരിക്കുകയാണ് നടനിന്ന്. മെഗാസ്റ്റാർ മമ്മൂട്ടിയുടെ മകൻ എന്ന ലേബലിൽ സിനിമയിൽ എത്തിയ ദുൽഖർ ഇന്ന് അറിയപ്പെടുന്നത് പാൻ ഇന്ത്യൻ താരമായിട്ടാണ്. ഇന്ത്യയൊട്ടാകെ വലിയ ആരാധകവൃന്ദമാണ് ഇന്ന് ദുൽഖറിന് ഉള്ളത്.

    പോയ വർഷം പുറത്തിറങ്ങിയ സീതാരാമം, ഛുപ്പ് തുടങ്ങിയ സിനിമകളിലൂടെയാണ് ദുൽഖർ വലിയ ഫാൻ ബേസ് ഉണ്ടാക്കിയെടുത്തത്. വിവാഹിതനാണെങ്കിലും പെൺകുട്ടികളുടെ ഹേർട്ട് ത്രോബാണ് നടൻ. സീതാരാമം സിനിമയുടെ വിജയത്തോടെ നിരവധി ആരാധികമാരെയാണ് നടന് ലഭിച്ചിരിക്കുന്നത്.

    Also Read: ആരാധകരേ ശാന്തരാകുവിന്‍! ഇന്നലെ മുതല്‍ മെസേജ് അയക്കുകയാണ്; പ്രണയത്തെക്കുറിച്ച് ഐശ്വര്യ ലക്ഷ്മി

    സിനിമയിൽ എത്തുന്നതിനെ മുൻപ് വിവാഹിതനായതാണ് ദുൽഖർ. അത് തന്നെ കരിയറിൽ ഒരുപാട് സഹായിച്ചിട്ടുണ്ട് എന്ന് ദുൽഖർ പറഞ്ഞിട്ടുണ്ട്. അമാൽ സൽമാൻ ആണ് ദുൽഖറിന്റെ പ്രിയതമ. ഇവർക്ക് മറിയം എന്നൊരു മകളുമുണ്ട്. 2011 ഡിസംബർ 21 നാണ് ദുൽഖറും അമാലും വിവാഹിതരായത്. 2017ലാണ് മറിയം ജനിക്കുന്നത്.

    ഭാര്യയെ അത്രമേൽ സ്നേഹിക്കുന്ന ഒരു ഭർത്താവാണ് ദുൽഖർ. ദുൽഖറിന് അമാലിനോടുള്ള സ്നേഹത്തെ കുറിച്ച് ദുൽഖറിന്റെ നായികമാർ തന്നെ പലപ്പോഴും വാചാലരായിട്ടുണ്ട്. പല അഭിമുഖങ്ങളിലും അമാലിനെ കുറിച്ച് ദുൽഖറിനോട് ചോദ്യങ്ങൾ ഉണ്ടാവാറുണ്ട്. ഭാര്യയെ കുറിച്ച് സംസാരിക്കാനും ദുൽഖർ മടിക്കാറില്ല.

    ഒരിക്കൽ ഒരു അഭിമുഖത്തിൽ അമാലിനെ ആദ്യമായി കണ്ടതിനെ കുറിച്ച് ദുൽഖർ പറഞ്ഞത് ഇപ്പോൾ വീണ്ടും ശ്രദ്ധനേടുകയാണ്. താൻ സ്കൂളിൽ പഠിക്കുമ്പോൾ അമാൽ തന്റെ അഞ്ചുവർഷം ജൂനിയറായിരുന്നുവെന്ന് ദുൽഖർ സൽമാൻ പറയുന്ന പഴയ അഭിമുഖത്തിൽ നിന്നുള്ള വീഡിയോയാണ് ഫാൻസ്‌ ഗ്രൂപ്പുകളിലും മറ്റും വൈറലാവുന്നത്.

    അമാലിനെ ആദ്യമായി കണ്ട ഓർമയെക്കുറിച്ചുള്ള അവതാരകയുടെ ചോദ്യത്തോട് പ്രതികരിക്കുകയായിരുന്നു ദുൽഖർ. അഞ്ചിലോ ആറിലോ പഠിക്കുമ്പോഴാണ് താൻ അമാലിനെ ആദ്യമായി കണ്ടതെന്നും ആകെ അപ്‌സെറ്റായാണ് അന്ന് അമാലിനെ കണ്ടതെന്നുമാണ് ദുൽഖർ പറഞ്ഞത്.

    സ്പോർട്സ് ഡേ ആയതുകൊണ്ട് വെയിലത്ത് വിഷമിച്ചു നിന്ന അമാലിന്റെ മുഖം തനിക്ക് ഇപ്പോഴും ഓർമയുണ്ടെന്നും ദുൽഖർ അഭിമുഖത്തിൽ പറയുന്നുണ്ട്. പിന്നീട് തനിക്ക് 20 വയസായപ്പോഴാണ് അമാലിനെ വീണ്ടും കാണുന്നതെന്നും ദുൽഖർ പറയുന്നു.

    'അമാൽ ശരിക്കും എന്റെ സ്കൂളിൽ അഞ്ച് വർഷം ജൂനിയർ ആയിരുന്നു. അമാലിനെക്കുറിച്ചുള്ള എന്റെ ആദ്യ ഓർമ എന്ന് പറയുന്നത് അവൾ അഞ്ചിലോ ആറിലോ പഠിക്കുമ്പോഴുള്ളതാണ്. പോണിടെയിൽ ഒക്കെ കെട്ടി ഉണ്ട്, വളരെ കുഞ്ഞു കുട്ടിയാണ് അന്ന്. സ്കൂളിൽ എന്തോ സ്പോർട്സിന്റെ പരിപാടി നടക്കുകയാണ്. അമാൽ ഒട്ടും ഹാപ്പി അല്ലായിരുന്നു. വളരെ അപസെറ്റായിട്ട് കയ്യും കെട്ടി നിൽക്കുകയായിരുന്നു. അത് എനിക്ക് ഇപ്പോഴും നല്ല ഓർമയുണ്ട്,'

    Also Read: 'എന്നോടൊപ്പം എന്റെ കുഞ്ഞിനും ഈ ഭാ​ഗ്യം ലഭിച്ചു, എന്റെ കണ്ണുകൾ നിറയുന്നു'; വയറ്റിലുള്ള കുഞ്ഞിനെ കുറിച്ച് ഉപാസന

    'പിന്നെ എനിക്ക് ഒരു 20 വയസായപ്പോഴാണ് വീണ്ടും കണ്ടത്. അപ്പോഴേക്കും അമാലും വളർന്നിട്ടുണ്ട്. അന്ന് വിഷമിച്ച് ഇരുന്നത് സ്പോർട്സായിട്ട് വെയിലത്ത് നിൽക്കേണ്ടി വന്നുകൊണ്ടാണ്. ആർക്കും അത്തരം സാഹചര്യത്തിൽ വിഷമം വരും,' ദുൽഖർ പറഞ്ഞു.

    അതേസമയം, കിംഗ് ഓഫ് കൊത്തയാണ് ദുൽഖറിന്റെ ഇനി പുറത്തിറങ്ങാൻ ഇരിക്കുന്ന ചിത്രം. ജോഷിയുടെ മകന്‍ അഭിലാഷ് ജോഷിയാണ് സിനിമയുടെ സംവിധാനം ചെയ്യുന്നത്. ദുല്‍ഖർ തന്നെയാണ് ചിത്രം നിർമ്മിക്കുന്നത്. ഗോകുല്‍ സുരേഷ്, ഐശ്വര്യ ലക്ഷ്മി എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.

    Read more about: dulquer salmaan
    English summary
    Viral: When Dulquer Salmaan Recalled Meeting His Wife Amal Salman For The First Time In School Days
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X