സംവിധായകന് നൽകിയ ഉറപ്പ്, പൃഥ്വിരാജിന്റെ ആ രഹസ്യം പുറത്തറിയാതിരിക്കാൻ ഞാനും ശ്രമിച്ചിരുന്നു: ഷോബി തിലകൻ

ഇപ്പോഴിതാ, പൃഥ്വിരാജിന്റെ ഹിറ്റ് ചിത്രമായ മുംബൈ പൊലീസിൽ ശബ്‍ദം നൽകിയതിനെ കുറിച്ച് ഒരിക്കെ ഷോബി തിലകൻ പറഞ്ഞ കാര്യങ്ങൾ വീണ്ടും ശ്രദ്ധനേടുകയാണ്. പൃഥ്വിരാജിന്റെ കരിയറിലെ തന്നെ ഏറ്റവും വ്യത്യസ്തമായ കഥാപാത്രമായിരുന്നു മുംബൈ പൊലീസിലേത്. ബോബി സഞ്ജയുടെ തിരക്കഥയിൽ റോഷൻ ആൻഡ്രൂസ് സംവിധാനം ചെയ്ത ചിത്രം അതുവരെ ഇറങ്ങിയ പൊലീസ് സിനിമകളിൽ നിന്നും ഏറെ വേറിട്ട് നിൽക്കുന്നതായിരുന്നു. ചിത്രം ബോക്സ്‌ ഓഫീസിൽ വമ്പൻ ഹിറ്റായി മാറുകയും ചെയ്തിരുന്നു.

ചിത്രത്തിന്റെ ഡബ്ബിങ് സമയത്ത് ഉണ്ടായ അപ്രതീക്ഷിതമായ പ്രതിസന്ധിയും അതിനെ സംവിധായകൻ റോഷൻ ആൻഡ്രൂസും താനും ചേർന്ന പരിഹരിച്ചതിനെ കുറിച്ചുമാണ് ഷോബി തിലകൻ പറഞ്ഞത്. മാസ്റ്റർ ബിൻ ചാനലിന് നൽകിയ ഒരു അഭിമുഖത്തിൽ ആയിരുന്നു ഇത്. ഷോബിയുടെ വാക്കുകൾ ഇങ്ങനെ.

'എറണാകുളം വിസ്മയ സ്റ്റിഡിയോയിലായിരുന്നു ചിത്രത്തിന്റെ ഡബ്ബിങ് നടന്നത്. ക്ലെെമാക്സ് സീനായപ്പോൾ സംവിധായകനായ റോഷൻ അൻ​ഡ്രൂസ് പറ‍ഞ്ഞു. ഒരു സീൻ കൂടി ബാക്കിയുണ്ട് നമ്മുക്ക് അത് ചെന്നെെയിൽ പോയി ചെയ്യാമെന്ന്. കാരണം തിരക്കിയപ്പോൾ അദ്ദേഹം പറ‍ഞ്ഞത് ക്‌ളൈമാക്‌സിലെ സസ്പെൻസിൽ ചെറിയ പ്രശ്‌നമുണ്ട് അത് ഇവിടെ ചെയ്താൽ ശരിയാവില്ലെന്ന് ആയിരുന്നു.'

'പക്ഷേ ചെന്നെെ യ്ക്ക് പോകാൻ കുറച്ച് ഫണ്ട് പ്രശ്നവുമുണ്ടായിരുന്നു. അങ്ങനെയിരിക്കുമ്പോൾ അദ്ദേഹം പിന്നീട് എന്നെ വിളിച്ചിട്ട് ക്‌ളൈമാക്‌സ് കുറച്ച് പ്രശ്‌നമാണ് ഇത് ആരോടും പറയരുത്. ക്‌ളൈമാക്‌സ് പുറത്തുപോയാൽ ചിത്രത്തിന് ഭാവിയില്ല ആരോടും പറയില്ലെങ്കിൽ ചിത്രത്തിന്റെ കെെമാക്സ് ഇവിടെ വച്ച് തന്നെ ചെയ്യാമെന്ന് പറഞ്ഞു. ഞാൻ ആരോടും പറയില്ലെന്ന് ഉറപ്പ് കൊടുത്തു,'

Recommended Video

ഷമ്മി തിലകനെ 'അമ്മ'യില്‍ നിന്ന് പുറത്താക്കി

'പിന്നീട് എറണാകുളത്ത് തന്നെ വച്ച് കെെമാക്സും ഡബ്ബ് ചെയ്തു. സ്റ്റുഡിയോയിൽ ഉള്ള മറ്റുള്ളവരെയെല്ലാം പുറത്താക്കി ഞാനും റോഷൻ ആൻഡ്രൂസും റെക്കോർഡിസ്റ്റും മാത്രം നിന്ന് അത് ഡബ്ബ് ചെയ്തു. പിന്നീട് സിനിമ പുറത്തിറങ്ങിയിട്ടും അതിനെ കുറിച്ച് പറഞ്ഞില്ല. പൃഥ്വിരാജിന്റെ കഥാപത്രത്തിന്റെ ആ രഹസ്യം പുറത്തറിയാതിരിക്കാൻ ഞാനും ശ്രമിച്ചു.' ഷോബി തിലകൻ പറഞ്ഞു.