നസ്രിയ നാല് മാസം ഗര്‍ഭിണി! തെളിവായി ചിത്രങ്ങളും; വാര്‍ത്തകള്‍ക്ക് പിന്നിലെ സത്യാവസ്ഥ

ആരാധകരുടെ പ്രിയങ്കരിയാണ് നസ്രിയ. സോഷ്യല്‍ മീഡിയയില്‍ വളരെ സജീവമായിട്ടുള്ള താരങ്ങളില്‍ ഒരാളാണ് നസ്രിയ. ഫഹദ് സോഷ്യല്‍ മീഡിയയില്‍ സജീവമല്ലെങ്കിലും തങ്ങളുടെ ജീവിതത്തിലെ രസകരമായ നിമിഷങ്ങളും സന്തോഷങ്ങളും വിശേഷങ്ങളുമൊക്കെ നസ്രിയ പങ്കുവെക്കാറുണ്ട്. കഴിഞ്ഞ കുറച്ച് നാളുകളായി സോഷ്യല്‍ മീഡിയയിലെങ്ങളും പ്രചരിക്കുന്നത് നസ്രിയയെക്കുറിച്ചുള്ളൊരു വാര്‍ത്തയാണ്.

Also Read: അവനൊരു വൃത്തിക്കെട്ടവനാണ്, മദ്യപിച്ച് ബോധമില്ലാതെ കാജോളിന്റെ മകള്‍; നൈസയെ പരിഹസിച്ച് ആരാധകരും

നസ്രിയ നാല് മാസം ഗര്‍ഭിണിയാണെന്നാണ് സോഷ്യല്‍ മീഡിയയും ചില യൂട്യൂബ് ചാനലുകളും പ്രചരിപ്പിക്കുന്നത്. ഇത് തെളിയിക്കാനുള്ള ചിത്രങ്ങളും തെളിവായി അവര്‍ പങ്കുവെക്കുന്നുണ്ട്. എന്നാല്‍ സത്യാവസ്ഥയെന്താണെന്ന് വിശദമായി വായിക്കാം തുടര്‍ന്ന്.

നസ്രിയ ഗര്‍ഭിണിയാണെന്ന് പ്രചരിപ്പിക്കുന്ന വാര്‍ത്തകള്‍ക്കൊപ്പം താരത്തിന്റെ ചിത്രങ്ങളുമുണ്ട്. നീല നിറത്തിലുള്ള ഗൗണ്‍ ധരിച്ചാണ് ചിത്രങ്ങളില്‍ നസ്രിയ എത്തുന്നത്. ഈ ചിത്രങ്ങളില്‍ നസ്രിയയ്ക്ക് അല്‍പ്പം വയറുള്ളതായി കാണാം. ഇത് ചൂണ്ടിക്കാണിച്ചാണ് നസ്രിയ ഗര്‍ഭിണിയാണെന്ന തിയറി യൂട്യൂബ് ചാനലുകള്‍ മുന്നോട്ട് വെക്കുന്നത്. ഇതോടെയാണ് പലരും വാര്‍ത്തകള്‍ ശരിയാണെന്ന് വിശ്വസിക്കാന്‍ തുടങ്ങിയത്.

എന്നാല്‍ താരം ഗര്‍ഭിണിയല്ല. പ്രചരിക്കുന്ന ചിത്രം മോര്‍ഫ് ചെയ്തതാണെന്നാണ് റിപ്പോര്‍ട്ടുകള്‍ വ്യക്തമാക്കുന്നത്. ഇതിനിടെ താരത്തിന്റേതായി പ്രചരിക്കുന്ന മറ്റ് വീഡിയോകള്‍ നസ്രിയയുടെ പുതിയ സിനിമയുടെ ലൊക്കേഷനില്‍ നിന്നുള്ളതാണെന്നാണ് റിപ്പോര്‍ട്ടുകള്‍. ഈ ചിത്രത്തില്‍ നസ്രിയ അവതരിപ്പിക്കുന്നത് ഗര്‍ഭിണിയെയാണെന്നാണ് റിപ്പോര്‍ട്ടുകള്‍ പറയുന്നത്. ഇത് താരം ഗര്‍ഭിണിയാണെന്ന തരത്തിലുള്ള വാര്‍ത്തയായി പ്രചരിക്കുകയായിരുന്നുവെന്ന് വേണം കരുതാന്‍.

ക്രിസ്തുമസ് ആഘോഷത്തിന്റെ ഭാഗമായി നസ്രിയ പങ്കുവച്ച ചിത്രങ്ങളും താരം ഗര്‍ഭിണിയാണെന്ന വാര്‍ത്തകള്‍ തള്ളിക്കളയുന്നതാണ്. നേരത്തെ തന്നെ വ്യാജ ഗര്‍ഭവാര്‍ത്തകളോട് നസ്രിയയും ഫഹദും പ്രതികരിച്ചിരുന്നു. തങ്ങളുടെ ജീവിതത്തില്‍ അങ്ങനൊരു സന്തോഷ വാര്‍ത്തയുണ്ടെങ്കില്‍ അത് ആരാധകരുമായി തങ്ങള്‍ തന്നെ പങ്കുവെക്കുമെന്നായിരുന്നു മുമ്പൊരിക്കല്‍ നസ്രിയയും ഫഹദും പറഞ്ഞത്. മുമ്പും താരം ഗര്‍ഭിണിയാണെന്ന തരത്തിലുള്ള വാര്‍ത്തകള്‍ പ്രചരിച്ചിരുന്നു. അന്ന് നസ്രിയ തന്നെ വാര്‍ത്തകള്‍ നിഷേധിച്ച് രംഗത്തെത്തുകയായിരുന്നു.

അവതാരകയായും ബാല താരമായും കയ്യടി നേടിയാണ് നസ്രിയ മലയാളികളുടെ പ്രിയങ്കരിയായി മാറുന്നത്. പിന്നീട് നായികയായി മാറുകയായിരുന്നു. 2014 ലായിരുന്നു നസ്രിയയും ഫഹദും വിവാഹിതരാകുന്നത്. പിന്നാലെ താരം സിനിമയില്‍ നിന്നും ഇടവേളയെടുക്കുകയായിരുന്നു. നാല് വര്‍ഷത്തെ ഇടവേളയ്ക്ക് ശേഷം 2018 ല്‍ കൂടെ എന്ന ചിത്രത്തിലൂടെ നസ്രിയ അഭിനയത്തിലേക്ക് മടങ്ങിയെത്തി.

തെലുങ്ക് ചിത്രമായ അന്‍ഡെ സുന്ദരാകിനിയാണ് നസ്രിയയുടെ ഒടുവില്‍ പുറത്തിറങ്ങിയ സിനിമ. നാനിയായിരുന്നു ചിത്രത്തിലെ നായകന്‍. നസ്രിയയുടെ ആദ്യ തെലുങ്ക് ചിത്രമായിരുന്നു ഇത്. ചിത്രം മികച്ചൊരു വിജയമായി മാറുകയും ചെയ്തു. മലയാളത്തില്‍ നസ്രിയ അവസാനം അഭിനയിച്ച് മണിയറയിലെ അശോകന്‍ എന്ന ചിത്രത്തിലെ അതിഥി വേഷത്തിലായിരുന്നു. മലയാളത്തില്‍ ട്രാന്‍സിലാണ് നസ്രിയ അവസാനമായി മുഴുനീള വേഷം ചെയ്തത്. ഫഹദായിരുന്നു ചിത്രത്തിലെ നായകന്‍. അഭിനയത്തിന് പുറമെ നിർമ്മാണത്തിലും താരം സാന്നിധ്യം അറിയിച്ചിട്ടുണ്ട്. നസ്രിയയുടെ പുതിയ ചിത്രത്തിനായി കാത്തിരിക്കുകയാണ് ആരാധകര്‍.