Don't Miss!
- News ശൈലജയുടെ സ്വീകാര്യത വര്ധിച്ചു; കേരളത്തില് ഇടത് തരംഗമെന്ന് പിണറായി
- Lifestyle ബ്രേക്ക് അപ്പ് നല്ലതാണ്, ഹൃദയം നുറുങ്ങുമെങ്കിലും ജീവിതം കൂടുതല് അര്ത്ഥവത്താകും
- Automobiles ഡാഷ്ക്യാം വാങ്ങാൻ ഉദ്ദേശിക്കുന്നുണ്ടോ, എൻട്രി ലെവൽ മോഡലുമായി സേഫ് ക്യാം
- Sports T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
നഷ്ടപ്പെടുമ്പോഴാണ് ഒന്നിന്റെ വില മനസിലാവുക, ആ സമയം ഞാനത് മിസ് ചെയ്തു; അഭിനയം നിർത്തി പോയതിനെ കുറിച്ച് ലെന
മലയാളി പ്രേക്ഷകരുടെ ഇഷ്ട താരമാണ് നടി ലെന. മിനിസ്ക്രീനിലൂടെയാണ് താരം അഭിനയലോകത്ത് എത്തുന്നത്. ശ്രദ്ധേയ പരമ്പരകളുടെ ഭാഗമായ ലെനയ്ക്ക് പിന്നീട് ബിഗ് സ്ക്രീനില് അവസരങ്ങൾ ലഭിക്കുകയായിരുന്നു. ഇതിനോടകം നിരവധി സിനിമകളിൽ ശ്രദ്ധേയ വേഷങ്ങളിൽ അഭിനയിച്ചിട്ടുള്ള ലെന. നാടന് വേഷങ്ങളിലും മോഡേണ് ലുക്കിലും ഒരേപോലെ തിളങ്ങിയിട്ടുണ്ട്.
ജയരാജ് സംവിധാനം ചെയ്ത സ്നേഹം എന്ന ചിത്രത്തിലൂടെയാണ് ലെന മലയാള സിനിമയിൽ അരങ്ങേറ്റം കുറിക്കുന്നത്. ഏകദേശം നൂറോളം സിനിമകളിൽ അഭിനയിച്ച് ലെന ഇന്ന് മലയാള സിനിമയുടെ അവിഭാജ്യ ഘടകമായി മാറിക്കഴിഞ്ഞു. മലയാളത്തിന് പുറമെ ഹിന്ദി, തെലുങ്ക്, തമിഴ്, ഇംഗ്ലീഷ് ഭാഷകളിലും നടി അഭിനയിച്ചിട്ടുണ്ട്. ക്യാമറയ്ക്ക് മുന്നിൽ നിന്ന് എഴുത്തിന്റെ വഴിയിലേക്കും നടി തിരിഞ്ഞിട്ടുണ്ട്.
മോഹൻലാൽ നായകനായ മോൺസ്റ്ററാണ് ലെനയുടേതായി അവസാനം പുറത്തിറങ്ങിയ ചിത്രം. ഇംഗ്ലീഷ് ഭാഷയിൽ എത്തുന്ന ഫുട്പ്രിന്റ്സ് ഓൺ വാട്ടർ അടക്കം നിരവധി ചിത്രങ്ങളാണ് ലെനയുടേതായി അണിയറയിൽ ഒരുങ്ങുന്നത്. ലെന തിരക്കഥ എഴുതുന്ന ഓളം എന്ന ചിത്രവും അണിയറയിൽ ഉണ്ട്. അതേസമയം, 1998 ൽ സിനിമയിൽ എത്തിയ ലെന ഇടയ്ക്ക് കരിയറിൽ ഒരു ഇടവേള എടുത്തിരുന്നു.
ഒരിക്കൽ അമൃത ടിവിയിലെ ആനീസ് കിച്ചൻ എന്ന പരിപാടിയിൽ അതിഥി ആയി എത്തിയപ്പോൾ ഇടവേളയെടുക്കാൻ ഉണ്ടായ കാരണത്തെ കുറിച്ചും അതിനു ശേഷം തന്റെ പ്രകടനത്തിൽ ഉണ്ടായ മാറ്റത്തെ കുറിച്ചുമെല്ലാം ലെന സംസാരിച്ചിരുന്നു. ഇപ്പോഴിതാ, ലെനയുടെ ആ അഭിമുഖം ശ്രദ്ധനേടുകയാണ്. പഠനത്തിൽ താൻ മിടുക്കി ആയിരുന്നെന്നും കുട്ടിക്കാലം മുതൽ അഭിനയത്തോട് തനിക്ക് ഭ്രാന്തായിരുന്നു എന്നും ലെന പറയുന്നുണ്ട്. ലെനയുടെ വാക്കുകൾ വിശദമായി വായിക്കാം തുടർന്ന്.
'വലുതാകുമ്പോൾ ആരാകും എന്നൊന്നും എന്നോട് ആരും ചോദിച്ചിട്ടില്ല. ചെറുപ്പത്തിൽ ഞാൻ ഭയങ്കര പഠിപ്പിസ്റ്റായിരുന്നു, നാസയിലെ ശാസ്ത്രജ്ഞ ആകുമെന്നാണ് ടീച്ചർമാരൊക്കെ കരുതിയിരുന്നത്. പതിനൊന്നാം ക്ലാസിൽ പഠിക്കുമ്പോഴാണ് ഞാൻ ആദ്യമായി സിനിമയിൽ അഭിനയിക്കുന്നത്. പിന്നെ എല്ലാവര്ക്കും മനസിലായി ഇനി ഈ കുട്ടിയെ ഇനി അധികം പഠിപ്പിക്കേണ്ട ആവശ്യം ഇല്ലെന്ന്.
ഞാൻ പൈലറ്റ് ആകണമെന്ന് വീട്ടിൽ പറയുമായിരുന്നു. പൈലറ്റ് ആവണമെങ്കിൽ നല്ല എക്സ്പെൻസീവ് ആണ്. പതിനായിരക്കണക്കിന് പൈലറ്റ്സ് ജോലി ഇല്ലാതെ ഇന്ത്യയിൽ നിൽക്കുന്നു എന്ന ഒരു വാർത്തയും അച്ഛൻ എന്റെ മുൻപിൽ കൊണ്ടുവന്നു വച്ചു. അതോടുകൂടി ആ ആഗ്രഹം വേണ്ടെന്ന് വച്ചു. അഭിനയം കുട്ടിക്കാലം മുതൽ ഒരുതരം ഭ്രാന്തായിരുന്നു. ഒരു മൂന്നു വയസ്സുള്ളപ്പോൾ മുതൽ കണ്ണാടിക്ക് മുന്നിൽ നിന്ന് മോണോ ആക്ട് ഒക്കെ ആയിരുന്നു. അമ്മ ഇത് കണ്ടിട്ട് മിററിന് മുന്നിൽ കർട്ടൻ ഇട്ടു. അതാണ് ഏറ്റവും ആദ്യത്തെ ഓർമ.
ആ ക്യമറയുടെ മുൻപിൽ ആക്ഷൻ, കട്ടിങ് അതിന്റെ ഇടയിൽ ഒരു സമയം, അത് ഞാൻ മിസ് ചെയ്തത് അഭിനയത്തിൽ നിന്ന് ഇടവേള എടുത്തപ്പോഴാണ്. ഞാൻ ഇടയ്ക്ക് പിജി ചെയ്യാൻ പോയിരുന്നു. ആ ഒരു ഗ്യാപ്പിലാണ് ഞാൻ എത്രത്തോളം അഭിനയം ഇഷ്ടപെടുന്നുവെന്നു എനിക്ക് മനസിലായത്. നഷ്ടപ്പെടുമ്പോൾ ആണ് ഒന്നിന്റെ വില മനസിലാകുന്നത് എന്ന് പറയും പോലെ ആയിരുന്നു. എന്നാൽ എനിക്ക് എന്നെ സ്ക്രീനിൽ കാണാനൊന്നും ഇഷ്ടമില്ല,' ലെന പറഞ്ഞു.
'ഓരോ ക്യാരക്ടറിനും വേണ്ടിയുള്ള തയ്യാറെടുപ്പ് വലുതാണ്. മെന്റൽ പ്രിപ്പറേഷൻ ആണ് അധികവും. ചില ദിവസമൊന്നും ഉറങ്ങാനേ പറ്റില്ല. ഈ കഥാപാത്രം മനസ്സിൽ അങ്ങനെ തങ്ങി നിൽക്കും. ക്ലിനിക്കൽ സൈക്കോളജി ചെയ്യാൻ പോയപ്പോഴാണ് അഭിനയത്തിൽ നിന്ന് ഇടവേളയെടുത്തത്. സൈക്കോളജി പഠിച്ചതുകൊണ്ട് കഥാപാത്രത്തിലേക്ക് ആഴ്ന്നിറങ്ങാൻ എളുപ്പമാണെന്ന് തോന്നിയിട്ടുണ്ട്.
അത് മാത്രമല്ല ജീവിതത്തിലെ അനുഭവങ്ങളും അഭിനയിക്കാൻ സഹായിച്ചിട്ടുണ്ട്. മൂന്നു കൊല്ലത്തെ ഇടവേളയ്ക്ക് മുൻപുള്ള എന്റെ അഭിനയവും അതിന് ശേഷമുള്ള എന്റെ അഭിനയവും തമ്മിൽ വലിയ വ്യത്യാസം ഉണ്ട്. കുറെ ഇമ്പ്രോവൈസ് ചെയ്യാൻ പറ്റിയിട്ടുണ്ട്,' ലെന കൂട്ടിച്ചേർത്തു.
-
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല
-
ജാസ്മിൻ ഒറ്റയ്ക്ക് കുതിച്ചുയരുന്നു, അപകടം മനസിലാക്കി ഗബ്രി; ഒഴിവാകാനുള്ള ശ്രമമെന്ന് പ്രേക്ഷകർ
-
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ