'ഗ്ലാമർ വേഷങ്ങൾ ചെയ്യാൻ കോൺഫിഡന്റ് ആയിരുന്നില്ല, ചില വേഷങ്ങൾ ശ്വാസം മുട്ടി ചെയ്തതാണ്': മീര ജാസ്മിൻ പറഞ്ഞത്

പിന്നീട് എത്തിയ കസ്തൂരിമാൻ, ഗ്രാമഫോൺ, സ്വപ്നക്കൂട് തുടങ്ങിയ ചിത്രങ്ങളെല്ലാം ശ്രദ്ധനേടിയതോടെ മീര മലയാളത്തിലെ തിരക്കുള്ള നായികമാരിൽ ഒരാളായി മാറുകയായിരുന്നു. മലയാളത്തിന് പുറമെ തമിഴിലും തെലുങ്കിലുമെല്ലാം മീര ജാസ്മിൻ തിളങ്ങി. മീര ആദ്യമായി ചെയ്ത തമിഴ് ചിത്രം റൺ, പിന്നീട് എത്തിയ സണ്ടക്കോഴി എന്നിവയൊക്കെ ഇൻഡസ്ട്രി ഹിറ്റുകളാണ്.

അങ്ങനെ 2001 മുതൽ 14 വർഷം തെന്നിന്ത്യൻ സിനിമാ ലോകത്ത് തിളങ്ങി നിന്ന മീര പിന്നീട് വലിയൊരു ഇടവേളയെടുത്തു. ഏകദേശം ആറ് വർഷക്കാലം സിനിമയിൽ നിന്ന് മാറിനിന്ന മീര ഈ വർഷം, സത്യൻ അന്തിക്കാട് സംവിധാനം ചെയ്ത മകൾ എന്ന ചിത്രത്തിലൂടെയാണ് വീണ്ടും സിനിമയിലേക്ക് തിരിച്ചുവരവ് നടത്തിയത്. ജയറാം നായകനായ ചിത്രം വിജയമായില്ലെങ്കിലും മീരയുടെ തിരിച്ചുവരവ് പ്രേക്ഷകർ ആഘോഷമാക്കിയിരുന്നു.

തിരിച്ചുവരവിൽ സോഷ്യൽ മീഡിയയിലും മീര ജാസ്മിൻ സജീവമായിരുന്നു. തന്റെ പുതിയ ചിത്രങ്ങൾ ആരാധകരുമായി പങ്കുവയ്കാനാണ് മീര കൂടുതലായി സോഷ്യൽ മീഡിയ ഉപയോഗിക്കുന്നത്. വളരെ ഗ്ലാമറാസയുള്ള മീരയുടെ ഫോട്ടോഷൂട്ട് ചിത്രങ്ങൾ എല്ലാം സോഷ്യൽ മീഡിയയിൽ വൈറലാകറുണ്ട്.

ഒരിക്കൽ കൈരളി ടിവിയിലെ ജെബി ജംഗ്ഷൻ എന്ന പരിപാടിയിൽ പങ്കെടുത്തപ്പോൾ മീര തനിക്ക് ഗ്ലാമർ വേഷങ്ങളോടും ഊർജസ്വലമായ സ്ത്രീകഥാപാത്രങ്ങൾ ചെയ്യുന്നതിനോടുമുള്ള കാഴ്ചപ്പാട് വ്യക്തമാക്കിയിരുന്നു. അത് ഇപ്പോൾ വീണ്ടും സോഷ്യൽ മീഡിയയിൽ ശ്രദ്ധനേടുകയാണ്. മീര സിനിമകളിൽ ഗ്ലാമർ കോഷ്യന്റ് ആയിരുന്നില്ലല്ലോ എന്ന അവതാരകൻ ജോൺ ബ്രിട്ടാസിന്റെ ചോദ്യത്തിന് മറുപടി നൽകുകയായിരുന്നു മീര.

'ആദ്യം ഗ്ലാമർ വേഷങ്ങൾ ചെയ്യാൻ ഞാൻ അത്ര കോൺഫിഡന്റ് ആയിരുന്നില്ല. അങ്ങനെ സ്റ്റാർട്ട് ചെയ്തതാണ്,' മീര പറഞ്ഞു. 'വസ്ത്രത്തിലുള്ള ഗ്ലാമർ വേഷങ്ങൾ ആണോ അതോ' എന്നും മീര പിന്നീട് ചോദിക്കുന്നുണ്ട്. അതല്ല വളരെ എനർജറ്റിക് ആയ കഥാപാത്രങ്ങൾ ആണ് ഉദേശിച്ചത് എന്ന് ജോൺ ബ്രിട്ടാസ് വിശദീകരിക്കുന്നുമുണ്ട്.

'അച്ചുവിന്റെ അമ്മയിൽ ഞാൻ ചെയ്ത കഥാപാത്രം കുറച്ച് ബബ്ലിയാണ്. അതും വേണമെങ്കിൽ പെപ്പി (എനർജെറ്റിക്) വേഷമാണെന്ന് പറയാം. തെലുങ്കിൽ എല്ലാം ഞാൻ അത് ചെയ്തിട്ടുണ്ട്. പക്ഷെ ഒരു പോയിന്റ് കഴിയുമ്പോൾ അത് തീരെ ഞാൻ അല്ലാതെ ആവുന്നു. അതിന് തീരെയൊരു സിനിമാറ്റിക് ഫീൽ വരുന്നു. അങ്ങനെ തികച്ചും സിനിമാറ്റിക് ആയ റോളുകളോട് ഞാൻ അത്ര കംഫർട്ടബിൾ ആയിരുന്നില്ല,'

'അച്ചുവിന്റെ അമ്മ ഒരു കൊമേർഷ്യൽ സിനിമയാണ്. പക്ഷെ അതിൽ ഒരു നല്ല കഥ പറയുന്നുണ്ട്. നല്ല കഥാപാത്രങ്ങളുണ്ട്. റിയൽ ലൈഫിൽ അങ്ങനെയൊരു അച്ചു എവിടെയെങ്കിലും ഉണ്ടാവും. അച്ചുവിനെ എനിക്ക് എവിടെയെങ്കിലും ഒക്കെയായി ബന്ധപ്പെടുത്താൻ പറ്റും. അല്ലെങ്കിൽ എവിടെയെങ്കിലും ഒരു അച്ചു ജീവിക്കുന്നുണ്ടാവും. ആ കഥാപാത്രം എനിക്ക് കണക്ട് ചെയ്യാൻ പറ്റുമായിരുന്നു ഈസി ആയിരുന്നു,'

Also Read: 'നമ്മൾക്ക് കിട്ടുന്നതിന്റെ പങ്ക് മറ്റുള്ളവർക്കും കൊടുക്കണമെന്ന തീരുമാനം ഏട്ടന്റേത്'; ദിലീപിനെ കുറിച്ച് അനൂപ്!

'ചില സിനിമകളിൽ വളരെ ഫേക്ക് സിനിമാറ്റിക്ക് എക്സ്പ്രഷൻസ് കൊടുക്കുക. അതൊന്നും റിയൽ ലൈഫിൽ ഞാൻ ചെയ്യത്തില്ല. ചിലപ്പോൾ സിനിമയ്ക്കു ഉള്ളിൽ ചിലത് ഓവറായി കാണിക്കേണ്ടി വന്നാൽ അത് ഞാൻ ചെയ്യും. മറ്റു ഭാഷകളിൽ ഒക്കെ കാണില്ലേ, വളരെ പേപ്പി, ഫേക്ക്, അതെ ഫേക്ക് ആണ് കറക്റ്റ് വാക്ക്. അങ്ങനെയുള്ള വേഷങ്ങൾ എനിക്ക് ചെയ്യാൻ കഴിയില്ല. ഭയങ്കര ബുദ്ധിമുട്ടാണ്,'

'തമിഴിലും തെലുങ്കിലുമൊക്കെ ഞാൻ അത് ശ്വാസം മുട്ടി ചെയ്ത വേഷങ്ങളാണ്. ഇഷ്ടമില്ലാതെ ചെയ്തതാണ്. ഒട്ടും കംഫർട്ടബിൾ ആയിരുന്നില്ല. ഒന്ന് കഴിഞ്ഞു കിട്ടിയാൽ മതിയെന്ന് ആയിരുന്നു,' മീര ജാസ്മിൻ പറഞ്ഞു.