ഒരുപാട് ഓഫറുകള്‍ വന്നു, പക്ഷെ സംവിധായകന്റെ കൂടെ കിടക്കണം! വെളിപ്പെടുത്തി മോഹന്‍ലാല്‍ ചിത്രത്തിലെ താരം

ഇന്നത്തെ സൂപ്പര്‍ താരങ്ങള്‍ പോലും തുടക്കകാലത്ത് ഇത്തരം അനുഭവം നേരിടേണ്ടതായി തുറന്ന് പറഞ്ഞിട്ടുണ്ട്. മലയാളത്തിലടക്കം അഭിനയിച്ചിട്ടുള്ള നടിയായ മഞ്ജരി ഫഡ്‌നിസും ഒരിക്കല്‍ തനിക്ക് നേരിടേണ്ടി വന്ന അനുഭവം പങ്കുവച്ചിട്ടുണ്ട്. ബോളിവുഡിലെ അറിയപ്പെടുന്ന നടിയാണ് മഞ്ജരി ഫഡ്‌നിസ്. ജാനേ തു യ ജാനേ ന തുടങ്ങിയ ഹിറ്റുകളുടെ ഭാഗായിട്ടുണ്ട് മഞ്ജരി. ബോളിവുഡിന് പുറമെ തെലുങ്ക് ചിത്രങ്ങളിലും മലയാളത്തിലുമെല്ലാം മഞ്ജരി അഭിനയിച്ചിട്ടുണ്ട്.

എന്നാല്‍ താന്‍ ഒരുപാട് തെലുങ്ക് ചിത്രങ്ങള്‍ വേണ്ടെന്ന് വച്ചിട്ടുണ്ടെന്നാണ് മഞ്ജരി പറയുന്നത്. ഇതിനുള്ള കാരണമായി അവര്‍ ചൂണ്ടിക്കാണിക്കുന്നത് കാസ്റ്റിംഗ് കൗച്ചാണ്. രണ്ട് തെലുങ്ക് ചിത്രങ്ങളില്‍ അഭിനയിച്ചതിന് പിന്നാലെ തന്നെ തേടി തെലുങ്കില്‍ നിന്നും ധാരാളം ഓഫറുകള്‍ വന്നു. എന്നാല്‍ കാസ്റ്റിംഗ് കൗച്ച് കാരണം താന്‍ അതൊക്കെ ഉപേക്ഷിക്കുകയായിരുന്നു. കോമ്പര്‍മെയ്‌സിന് തയ്യാറാകണമെന്നും സംവിധായകരുടെ കൂടെ കിടക്ക പങ്കിടണമെന്നുമായിരുന്നു പറഞ്ഞിരുന്നതെന്നും അതിന് തയ്യാറാകത്തതിനാല്‍ താന്‍ ആ സിനിമകള്‍ വേണ്ടെന്ന് വെക്കുകയായിരുന്നുവെന്നാണ് മഞ്ജരി പറയുന്നത്.

കാസ്റ്റിംഗ് കൗച്ച് അനുഭവത്തെ തുടര്‍ന്ന് ഒരുപാട് കഴിവുള്ള അഭിനേതാക്കള്‍ സിനിമാലോകത്തു നിന്നും പിന്മാറുന്നതായും മഞ്ജരി വെളിപ്പെടുത്തിയിരുന്നു. അന്നത്തെ സംഭവങ്ങള്‍ തന്നെ കടുക്ക വിഷാദരോഗിയാക്കിയെന്നും സാധാരണ നിലയിലേക്ക് എത്താന്‍ തനിക്ക് സമയം വേണ്ടി വന്നുവെന്നുമാണ് മഞ്ജരി പറയുന്നത്.

ഹിന്ദിയിലൂടെയായിരുന്നു മേഘ്‌നയുടെ അരങ്ങേറ്റം. രോക്ക് സക്കോ തോ രോക്ക് ലോ ആയിരുന്നു ആദ്യ സിനിമ. പിന്നെ ഫാള്‍ട്ടു എന്ന ബംഗാളി ചിത്രത്തിലാണ്താരം അഭിനയിച്ചത്. 2008 ല്‍ പുറത്തിറങ്ങിയ ജാനേ തു യ ജാനേ ന എന്ന ചിത്രത്തിലൂടെയാണ് മഞ്ജരി ശ്രദ്ധ നേടുന്നത്. ഇമ്രാന്‍ ഖാനും ജനീലിയ ഡിസൂസയും പ്രധാന വേഷങ്ങളിലെത്തിയ ചിത്രത്തിലെ മഞ്ജരിയുടെ വേഷം ശ്രദ്ധിക്കപ്പെട്ടിരുന്നു. താരത്തെ തേടി പുരസ്‌കാരവുമെത്തി. പിന്നാലെ തെലുങ്കിലും തമിഴിലും കന്നഡയിലുമെല്ലാം അഭിനയിക്കുകയായിരുന്നു.

മോഹന്‍ലാല്‍ ചിത്രം മിസ്റ്റര്‍ ഫ്രോഡിലൂടെയാണ് മഞ്ജരി മലയാളത്തിലെത്തുന്നത്. മറാത്തിയിലും അഭിനയിച്ചിട്ടുണ്ട്. ഒടിടി ലോകത്തും മഞ്ജരി സാന്നിധ്യം അറിയിച്ചിട്ടുണ്ട്. സീ 5ന്റെ സ്‌റ്റേറ്റ് ഓഫ് സീജ് ടെമ്പിള്‍ അറ്റാക്ക് ആണ് ഒടുവിലിറങ്ങിയ ഹിന്ദി ചിത്രം. പോയ വര്‍ഷം ആദൃശ്യ എന്ന മറാത്തി ചിത്രത്തിലും അഭിനയിച്ചിരുന്നു. മാസൂം, മിയ ബിവി ഓര്‍ മര്‍ഡര്‍ തുടങ്ങിയ സീരീസുകളിലും അഭിനയിച്ചിട്ടുണ്ട്.

സിനിമയ്ക്ക് പുറമെ സംഗീത ആല്‍ബങ്ങളിലും അഭിനയിച്ചിട്ടുണ്ട് മഞ്ജരി. തമിഴിലും ഹിന്ദിയിലും താരം സംഗീത ആല്‍ബങ്ങള്‍ ചെയ്തിട്ടുണ്ട്. ഇതിന് പുറമെ നാടക രംഗത്തിലും സാന്നിധ്യം അറിയിച്ചിട്ടുണ്ട്. 2018 ല്‍ ദേവ്ദാസ് നാടകത്തില്‍ ചന്ദ്രമുഖിയായി എത്തിയത് മഞ്ജരിയായിരുന്നു. അഭിനയത്തിന് പുറമെ സാമൂഹിക പ്രവര്‍ത്തനങ്ങളിലും സജീവമാണ് മഞ്ജരി.