വിമർശിച്ചാൽ പ്രതികരണം എന്താവുമെന്ന് ചോദ്യം, ശ്രീനിവാസന്റെ കിടിലം മറുപടി; ധ്യാൻ ഇതിലും പൊളിയാണെന്ന് ആരാധകർ

ശ്രീനിവസാന്റെ തിരക്കഥകൾ മിക്കതും കാലത്തിന് മുമ്പ് സഞ്ചരിച്ചവയാണ്. ശ്രീനിവാസൻ സിനിമകൾ എപ്പോൾ കണ്ടാലും അതിലെ നർമ്മം പ്രേക്ഷകന് ആസ്വദിക്കാനാവുമെന്നതാണ് മറ്റൊരു പ്രത്യേകത. ശാരീരികമായ അസ്വസ്ഥതകളെ തുടർന്ന് വിശ്രമത്തിലാണ് ശ്രീനിവാസൻ. അതിനിടയിലും പുതിയ കഥയുടെ പണിപ്പുരയിലാണ് അദ്ദേഹമെന്നാണ് റിപ്പോർട്ടുകൾ.

അതേസമയം, ശ്രീനിവാസന്റെ പഴയ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധനേടുന്നത്. കൈരളി ചാനലിലെ ശ്രീനിവാസന്റെ പ്രത്യേക പരിപാടിയിൽ നിന്നുള്ളതാണ് വീഡിയോ. പരിപാടിയുടെ സ്ഥിരം പ്രേക്ഷകനായ ഒരാൾ ശ്രീനിവാസനോട് കത്തിലൂടെ ചോദിച്ച ചോദ്യവും അതിന് ശ്രീനിവാസൻ നൽകിയ മറുപടിയുമാണ് ശ്രദ്ധിക്കപ്പെടുന്നത്. ശ്രീനിവാസനോടുള്ള ചോദ്യം ഇങ്ങനെ.

Also Read: 'ചലഞ്ചിം​ഗ് ആയിരിക്കുമെന്ന് പൃഥിരാജിന്റെ മെസേജുകൾ'; എന്ന് നിന്റെ മൊയ്തീൻ വേദനിപ്പിച്ചെന്ന് എം ജയചന്ദ്രൻ

'മറ്റുള്ളവരെ പലതരത്തിൽ താങ്കൾ വിമർശിക്കുന്നു. പക്ഷെ താങ്കളെ ആരും വിമർശിച്ച് കാണുന്നില്ല. ഞാൻ താങ്കളെയും താങ്കളുടെ സിനിമകളെയും ശക്തമായി വിമർശിച്ചാൽ എന്തായിരിക്കും താങ്കളുടെ പ്രതികരണം', അതിന് ശ്രീനിവാസൻ നൽകുന്ന രസകരമായ മറുപടി ഇങ്ങനെയാണ്.

'താങ്കളുടെ വിമർശനം കത്തിലൂടെയാണോ നേരിട്ടാണോ എന്ന് എനിക്ക് ആദ്യം അറിയണം. നേരിട്ട് ആണെങ്കിൽ താങ്കളുടെ തടി തൂക്കം എന്നിവ എന്നെ നേരത്തെ അറിയിച്ചാൽ നന്നായിരിക്കും. പിന്നെ കരാട്ടെ കളരി തുടങ്ങിയവ പഠിച്ചിട്ടുണ്ടെങ്കിൽ അക്കാര്യവും. ഇതൊന്നും പഠിക്കാതെ ഇരിക്കുകയും ആവശ്യത്തിനുള്ള ആരോഗ്യ സ്ഥിതി ഇല്ലാതെയിരിക്കുകയും ചെയ്യുകയാണെങ്കിൽ ഇങ്ങനെ ഒരു വിമർശനം വേണോ?' എന്നാണ്,'

Also Read: ശരിക്കും വെള്ളം പോലെയാണ് മമ്മൂക്ക; സെറ്റിൽ ചിരിപ്പിച്ചും സന്തോഷിപ്പിച്ചും നിർത്തും; അനുഭവം പങ്കുവച്ച് ഗ്രേസ്

മറ്റൊരു ചോദ്യം സിനിമയിൽ വന്നില്ലായിരുന്നെങ്കിൽ ശ്രീനിവാസൻ ആരാകുമായിരുന്നു എന്നാണ്. അത് തരക്കേടില്ലാത്ത ചോദ്യമാണെന്ന് പറഞ്ഞ ശേഷം അതിനും കിടിലം മറുപടിയാണ് ശ്രീനിവാസൻ നൽകുന്നത്. 'സിനിമയിൽ വന്നില്ലായിരുന്നെങ്കിൽ, സിനിമ വാരികകൾ ഒക്കെ വായിച്ച്, ആവശ്യമില്ലാത്ത സിനിമകൾ കണ്ട്, കണ്ട നാടിനടന്മാർക്ക് കത്തുകളൊക്കെ അയച്ച്. ചാനലുകളിലേക്കും ആവശ്യമില്ലാതെ കത്തുകൾ അയക്കുന്ന ഒരു ഞരമ്പ് രോഗി ആകുമായിരുന്നു എന്നാണ്,'

അതേസമയം, രസകരമായ കമന്റുകളാണ് വീഡിയോക്ക് താഴെ വരുന്നത്. ശ്രീനിവാസന്റെ മകൻ ധ്യാൻ ശ്രീനിവാസന്റെ അഭിമുഖങ്ങളും ധ്യാൻ നൽകുന്ന മറുപടികളുമാണ് ആളുകൾ താരതമ്യപ്പെടുത്തുന്നത്. ധ്യാൻ ഇതിലും പൊളിയാണ് എന്നാണ് ഒരാൾ കമന്റ് ചെയ്തിരിക്കുന്നത്. കത്തിന് നൽകിയ മറുപടികൾ അടിപൊളി ആയെന്നും ഒരുപാട് പേർ കമന്റ് ചെയ്യുന്നുണ്ട്. മറ്റു രസകരമായ കമന്റുകളും കാണാം.