മഞ്ജുവിന് പുതിയ പ്രണയം? കോളേജിൽ എത്തിയ അമ്മയെ ഗൗനിക്കാതെ മീനാക്ഷി!, വാർത്തകളിലെ സത്യാവസ്ഥ ഇങ്ങനെ

മലയാളത്തിന് പുറമെ തമിഴ് സിനിമയിൽ ഉൾപ്പെടെ തിളങ്ങി നിൽക്കുകയാണ് മഞ്ജു ഇന്ന്. അതേസമയം, മഞ്ജുവിന്റെ പേരിൽ ചില ഗോസിപ്പുകളും തമിഴകത്ത് പ്രചരിക്കുന്നുണ്ട് ഇപ്പോൾ. താരം പ്രണയത്തിലാണെന്ന തരത്തിലുള്ള ഗോസിപ്പുകളാണ് തമിഴകത്ത് നിന്ന് വരുന്നത്. പതിവ് പോലെ തന്നെ ഗോസിപ്പുകളില്‍ മൗനം പാലിച്ചിരിക്കുകയാണ് മഞ്ജു.

അജിത് നായകനാവുന്ന തുനിവ് എന്ന മഞ്ജുവിന്റെ പുതിയ സിനിമയുടെ പ്രമോഷനുമായി ബന്ധപ്പെട്ട് നല്‍കിയ അഭിമുഖത്തിൽ മഞ്ജു പറഞ്ഞ വാക്കുകൾ ചൂണ്ടിക്കാട്ടിയാണ് തമിഴകത്ത് ഗോസിപ് പ്രചരിക്കുന്നത്.

ആരെയാണ് പ്രൊപ്പോസ് ചെയ്യാനാഗ്രഹിക്കുന്നതെന്ന് ചോദിച്ചപ്പോള്‍ അതേക്കുറിച്ച് ഇപ്പോള്‍ പറയാനാവില്ലെന്ന് മഞ്ജു പറഞ്ഞിരുന്നു. ഇതോടെയാണ് താരം പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ വന്നത്.

വ്യക്തി ജീവിതത്തിലെ കാര്യങ്ങള്‍ പുറത്തു പറയാനോ ചര്‍ച്ച ചെയ്യപ്പെടാനോ ആഗ്രഹിക്കാത്ത ആളാണ് മഞ്ജു. അതുകൊണ്ട് തന്നെ അത്തരം ചോദ്യങ്ങൾക്ക് ഒന്നും താരം പലപ്പോഴും മറുപടി നൽകാറില്ല. തമിഴ്നാട്ടിൽ എത്തിയപ്പോഴും ഇത് തന്നെയാണ് സംഭവിച്ചത്.

നേരത്തെ, മഞ്ജു വാര്യര്‍ മകള്‍ മീനാക്ഷിയുടെ കോളേജില്‍ അതിഥിയായി എത്തിയെന്നും മകള്‍ അമ്മയെ ഗൗനിച്ചില്ലെന്ന തരത്തിലുമുള്ള ഗോസിപ്പുകളും പ്രചരിച്ചിരുന്നു. ചെന്നൈയില്‍ എംബിബിഎസ് വിദ്യാര്‍ത്ഥിനിയായ മീനാക്ഷിയുടെ കോളേജിൽ മഞ്ജു എത്തിയെന്നായിരുന്നു വാർത്ത. ഇതേക്കുറിച്ച് മഞ്ജുവോ മീനാക്ഷിയോ ഇവരുമായി ബന്ധപ്പെട്ടവരോ പ്രതികരിച്ചിരുന്നില്ല.

ദിലീപുമായുള്ള വിവാഹബന്ധം വേര്‍പെടുത്തുന്ന സമയത്ത് അച്ഛനൊപ്പം പോവാനാണ് ഇഷ്ടമെന്ന് മകള്‍ പറഞ്ഞപ്പോള്‍ ആ തീരുമാനത്തെ പിന്തുണയ്ക്കുകയായിരുന്നു മഞ്ജു. അതിനുശേഷം മകളെക്കുറിച്ചോ, അച്ഛനെക്കുറിച്ചോ ഒന്നും മഞ്ജു എവിടെയും സംസാരിച്ചിട്ടില്ല. അഭിമുഖങ്ങളിൽ അങ്ങനെയുള്ള ചോദ്യങ്ങളിൽ നിന്ന് പിന്മാറുകയാണ് പതിവ്.

മഞ്ജു വാര്യര്‍ പ്രണയത്തിലാണെന്നും പുതുജീവിതത്തിലേക്ക് പ്രവേശിച്ചേക്കുമെന്ന തരത്തിലുള്ള ഗോസിപ്പുകള്‍ നേരത്തെയും പ്രചരിച്ചിട്ടുണ്ട്. വ്യക്തി ജീവിതത്തിലെ കാര്യങ്ങളെക്കുറിച്ചുള്ള ഗോസിപ്പുകള്‍ സജീവമായപ്പോഴും താരം പ്രതികരിച്ചിരുന്നില്ല.

ധനുഷ് നായകനായ അസുരനിലൂടെ ആണ് മഞ്ജു വാര്യർ തമിഴിലേക്ക് എത്തിയത്. കരിയറിന്റെ തുടക്കകാലത്ത് ഉൾപ്പെടെ തമിഴിലേക്ക് അവസരം ലഭിച്ചിരുന്നെങ്കിലും അതൊന്നും മഞ്ജു സ്വീകരിച്ചിരുന്നില്ല. അസുരനിലെ പ്രകടനത്തിന് മഞ്ജുവിന് മികച്ച പ്രേക്ഷക - നിരൂപക പ്രശംസയാണ് ലഭിച്ചത്. ഇതോടെയാണ് കൂടുതല്‍ സിനിമകള്‍ തേടിയെത്തിയത്.

പൊങ്കൽ റിലീസ് ആയിട്ടാണ് തുനിവ് തിയേറ്ററുകളിൽ എത്തുക. ആക്ഷൻ ത്രില്ലർ ആയ ചിത്രത്തിലെ മഞ്ജുവിന്റെ ചില ആക്ഷൻ രംഗങ്ങൾ ഇതിനകം ആരാധക ശ്രദ്ധനേടിയിട്ടുണ്ട്. ചിത്രത്തിന്റെ ട്രെയിലറിന് വലിയ സ്വീകാര്യതയാണ് ലഭിച്ചത്.