സുകേഷ് ചന്ദ്രശേഖർ അല്ല, ജാക്വിലിന്‍ ഫെര്‍ണാണ്ടസിന് പുതിയ പ്രണയം? വാർത്തകളുടെ സത്യാവസ്ഥ ഇങ്ങനെ

കേസിൽ പുതിയ വഴിത്തിരിവുകൾ സംഭവിക്കുന്നതിനിടെ ജാക്വിലിന്‍ വേറെ പ്രണയത്തിലാണെന്ന റിപ്പോർട്ടുകളും പുറത്തുവരുന്നുണ്ട്. 365 ഡേയ്‌സ് എന്ന ചിത്രത്തിലൂടെ ശ്രദ്ധേയനായ മിഷേൽ മോറോണുമായി താരം പ്രണയത്തിൽ ആണെന്നാണ് റിപ്പോർട്ടുകൾ.

ടോണി കക്കറും നേഹ കക്കറും ചേർന്ന് ആലപിച്ച ബോളിവുഡ് ഗാനമായ മഡ് മഡ് കെയിൽ ജാക്വലിനും മിഷേലും ഒരുമിച്ച് അഭിനയിച്ചതിന് ശേഷമാണ് ഇവർ പ്രണയത്തിലാണെന്ന റിപ്പോർട്ടുകൾ പുറത്തു വന്ന് തുടങ്ങിയത്. മ്യൂസിക് വീഡിയോ പുറത്തിറങ്ങിയതിന് ശേഷം അവരുടെ സ്‌ക്രീനിലെ കെമിസ്ട്രി ആരാധകരെ ആവേശത്തിൽ ആക്കിയിരുന്നു.

അതേസമയം, മിഷേൽ മോറോൺ കിംവദന്തികളെ തള്ളി രംഗത്തെത്തി. ഇൻസ്റ്റാഗ്രാം സ്റ്റോറിയിൽ ആരാധകരുടെ ചോദ്യങ്ങൾക്ക് മറുപടി നൽകുന്നതിനിടെയാണ് താരം അവ നിഷേധിച്ചത്. താൻ ഇപ്പോൾ ആരെയും ഡേറ്റ് ചെയ്യുന്നില്ലെന്നും സിംഗിൾ ആണെന്നും താരം അവകാശപ്പെട്ടു. ഇപ്പോൾ കരിയറിൽ ശ്രദ്ധിക്കാനാണ് താൻ ഉദ്ദേശിക്കുന്നതെന്നും താരം പറഞ്ഞു. 2020 ൽ 365 ഡെയ്‌സ് എന്ന ചിത്രം നെറ്റ്ഫ്ലിക്സിൽ റിലീസ് ചെയ്തതിന് പിന്നാലെ അതിവേഗമാണ് മിഷേൽ മോറോൺ ഇന്ത്യയിൽ ഉൾപ്പടെ ശ്രദ്ധനേടിയത്.

ഡിസൈനറായ തന്റെ മുൻ ഭാര്യ റൗബ സാദെയിൽ നിന്ന് വിവാഹമോചനം നേടിയതിന് ശേഷം വളരെ പ്രയാസകരമായ ഘട്ടത്തിലൂടെയാണ് താരം കടന്ന് പോയത്. രണ്ടുപേരുടെയും ഭാവിക്ക് നല്ലതെന്ന് തോന്നി മൊറോണും റൂബയും വേർപിരിഞ്ഞതായിട്ടായിരുന്നു റിപ്പോർട്ടുകൾ. വിവാഹമോചനത്തിന് ശേഷം ഡിപ്രഷനിലൂടെ കടന്നുപോയിരുന്നു മിഷേൽ. 365 ഡെയ്‌സ് എന്ന ചിത്രത്തിൽ എത്തുന്നത് വരെ താരം അഭിനയം വിട്ടു നിൽകുകയായിരുന്നു എന്നാണ് റിപ്പോർട്ടുകൾ.

Recommended Video

Dilsha Super Dance: ദിൽഷയുടെ തകർപ്പൻ സ്റ്റെപ്പുകൾ.. കൂടെ താരനിര | *Celebrity

ചന്ദ്രശേഖറിനൊപ്പമുള്ള ജാക്വിലിന്റെ റൊമാന്റിക് ചിത്രങ്ങൾ സോഷ്യൽ മീഡിയയിൽ ചോർന്നതിന് പിന്നാലെയാണ് ഇരുവരും ഡേറ്റിംഗിലാണെന്ന അഭ്യൂഹങ്ങൾ ഉയർന്നത്. എന്നാൽ ജാക്വിലിന്‍ ഇത് നിഷേധിച്ചിരുന്നു. പക്ഷേ ചെന്നൈയിൽ വെച്ച് ജാക്വലിനും സുകേഷും പരസ്പരം കണ്ടുമുട്ടിയതായും താരത്തെ കാണാൻ സുകേഷ് ഒരു സ്വകാര്യ ജെറ്റ് ഏർപ്പാടാക്കിയതായും റിപ്പോർട്ടുണ്ട്.

2021 ലാണ് അവരുടെ ബന്ധം ആരംഭിച്ചത് എന്നാണ് റിപ്പോർട്ടുകൾ, സുകേഷ് ജയിലിൽ നിന്ന് ജാക്വിലിന് സന്ദേശം അയച്ചിരുന്നു എന്ന് വാർത്തകൾ ഉണ്ടായിരുന്നു.