ജാൻവിയുടെ മുൻകാമുകനും സഹോദരി ഖുശിയും പ്രണയത്തിലോ? സംശയമുണർത്തി താരങ്ങളുടെ കമന്റ്

ആദ്യ ചിത്രം പുറത്തിറങ്ങുന്നതിന് മുന്നേ തന്നെ ഇപ്പോൾ ഇതാ ഖുശിയുടെ വ്യക്തിജീവിതവും വാർത്തകളിൽ നിറയുകയാണ്. തന്റെ സഹോദരി ജാൻവി കപൂറുമായി ഡേറ്റിംഗിലാണെന്ന് അഭ്യൂഹങ്ങൾ ഉയർന്ന അക്ഷത് രാജനുമായി ഖുശി പ്രണയത്തിലാണോ എന്ന സംശയങ്ങളാണ് ആരാധകർക്കിടയിൽ നിന്ന് ഉയരുന്നത്.

അടുത്തിടെ കാലിഫോർണിയയിൽ വെക്കേഷൻ ആഘോഷിക്കാൻ പോയ ഖുശി. അവിടെ നിന്നുള്ള കുറച്ച് ചിത്രങ്ങൾ ഇൻസ്റ്റാഗ്രാമിൽ പങ്കുവച്ചിരുന്നു. അതിൽ അക്ഷത്തിനൊപ്പമുള്ള ഒരു ചിത്രവും ഉണ്ടായിരുന്നു. ആ പോസ്റ്റിൽ തന്നെ താരങ്ങൾ രണ്ടു പേരും പരസ്‌പരം 'ഐ ലവ് യു' പറയുന്നതും കണ്ടതോടെയാണ് ആരാധകർക്കിടയിൽ സംശയം ഉയർന്നത്. ഈ പോസ്റ്റിൽ തന്നെ ജാൻവി എക്സ്ക്യൂസ്‌ മി എന്നും കമന്റ് ചെയ്തിരുന്നു. അതിന് ഐ മിസ് യു എന്നായിരുന്നു അക്ഷത്തിന്റെ മറുപടി.

2016ൽ ഗൗരി ഷിൻഡെയുടെ ഇംഗ്ലീഷ് വിംഗ്ലീഷ് എന്ന ചിത്രത്തിന്റെ പ്രത്യേക പ്രദർശനത്തിൽ ജാൻവിക്കും അമ്മ ശ്രീദേവിക്കും ഒപ്പം അക്ഷത്തും എത്തിയിരുന്നു. അന്നാണ് ജാൻവിയും അക്ഷത്തും തമ്മിൽ പ്രണയത്തിലാണെന്ന വാർത്തകൾ പ്രചരിച്ചത്. എന്നാൽ, കുട്ടിക്കാലം മുതലുള്ള തന്റെ ഏറ്റവും അടുത്ത സുഹൃത്താണ് അക്ഷത്ത് എന്ന് പറഞ്ഞു ജാൻവി അഭ്യൂഹങ്ങൾ നിഷേധിച്ചിരുന്നു. പാപ്പരാസികൾ കാരണം തനിക്കൊപ്പം കറങ്ങാൻ അക്ഷത്തിന് ഭയമാണെന്നും ജാൻവി പറഞ്ഞിരുന്നു.

എന്നാൽ, പുതിയ ചിത്രവും അതിലെ കമന്റുമൊക്കെ ഇവർക്കിടയിലെ സൗഹൃദം കാണിക്കുന്നത് മാത്രം ആകുമെന്നും ആരാധകർ പറയുന്നുണ്ട്. സുഹൃത്തുക്കൾ പരസ്‌പരം സ്നേഹം കൈമാറുന്നതായി മാത്രം കാണേണ്ടതുള്ളൂ എന്നാണ് ചിലർ അഭിപ്രായപ്പെടുന്നത്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അതേസമയം, ഖുശിയ്‌ക്കൊപ്പം ഷാരൂഖ് ഖാന്റെ മകൾ സുഹാന ഖാൻ, അമിതാഭ് ബച്ചന്റെയും ജയാ ബച്ചന്റെയും ചെറുമകനായ അഗസ്ത്യ നന്ദയും ദി ആർക്കീസിൽ അഭിനയിക്കുന്നുണ്ട്. ഇവരുടെയും അരങ്ങേറ്റ ചിത്രമാണിത്. 1960-കളുടെ പശ്ചാത്തലത്തിൽ, നെറ്റ്ഫ്ലിക്സിൽ പ്രീമിയർ ചെയ്യുന്ന ഒരു സംഗീത നാടകമാണ് ദി ആർക്കീസ്. ഇവരെ കൂടാതെ, മിഹിർ അഹൂജ, ഡോട്ട്, യുവരാജ് മെൻഡ, വേദാങ് റെയ്‌ന എന്നിവരും ചിത്രത്തിൽ പ്രധാന വേഷങ്ങളിൽ എത്തും.