സംവിധായകനുമായി രഹസ്യ വിവാഹം? ഇപ്പോൾ അയാളുടെ തടങ്കലിൽ!, ലവ് ആക്ഷൻ ഡ്രാമ താരത്തിനെതിരെ നടി

ചിത്രത്തിൽ ശ്രുതി ഹാസൻ അവതരിപ്പിച്ച കേന്ദ്ര കഥാപാത്രത്തിന്റെ സുഹൃത്തായാണ് ധന്യ എത്തിയത്. ആദ്യ ചിത്രത്തിൽ തന്നെ പ്രധാനപ്പെട്ട കഥാപാത്രം അവതരിപ്പിക്കാൻ അവസരം ലഭിച്ച ധന്യക്ക് പിന്നീട് കൂടുതൽ അവസരങ്ങൾ ലഭിക്കുകയായിരുന്നു. നീതാനെ എൻ പൊൻവസന്തം, നയൻ‌താര നായികയായ ആറ്റ്ലീയുടെ രാജ റാണി തുടങ്ങിയ സിനിമകളിലും നടി അഭിനയിച്ചിരുന്നു.

പിന്നീട് തെലുങ്കിലേക്കും കന്നഡത്തിലേക്കും ചേക്കേറിയ താരം തെലുങ്കിൽ തന്റേതായ ഇടം നേടിയെടുത്തിരുന്നു. അതിന് ശേഷമാണ് മലയാളത്തിലേക്ക് എത്തിയത്. ഇപ്പോഴിതാ, നടിയെ കുറിച്ച് ഞെട്ടിക്കുന്ന വെളിപ്പെടുത്തലുമായി എത്തിയിരിക്കുകയാണ് തെലുങ്കിലെ മറ്റൊരു നടി. തമിഴ്, തെലുങ്ക് സംവിധായകനായ ബാലാജി മോഹനുമായി പ്രണയത്തിലായ നടി ഈ വർഷം ആദ്യം സംവിധായകനെ വിവാഹം കഴിച്ചെന്നാണ് നടി കൽപിക പറയുന്നത്.

വിവാഹം കഴിച്ച് ഇത്ര നാളായിട്ടും ഇരുവരും അത് പരസ്യപ്പെടുത്തുകയോ ഒന്നും ചെയ്തിട്ടില്ല. നടി പൂർണമായും സംവിധായകന്റെ നിയന്ത്രണത്തിൽ ആണെന്നും അതുകൊണ്ട് തന്നെ താരത്തെ സിനിമാ പ്രമോഷനുകൾക്ക് പോലും വിടുന്നില്ലെന്നാണ് കൽപികയുടെ ആരോപണം. ഒരു അഭിമുഖത്തിലാണ് നടി ഇക്കാര്യങ്ങൾ പറഞ്ഞത്. നേരത്തെ വിവാഹത്തിനായിരുന്ന ബാലാജി 2017 ൽ വിവാഹമോചനം നേടിയിരുന്നു.

കൽപികയുടെ ആരോപണങ്ങൾ സോഷ്യൽ മീഡിയയിൽ വലിയ തരംഗം തീർത്തിരുന്നു. യൂട്യൂബിൽ ട്രെൻഡിങ് ആയിരുന്ന വീഡിയോ പിന്നീട് ഡിലീറ്റ് ചെയ്യപ്പെടുകയും ചെയ്തിരുന്നു. ധന്യ തന്റെ ഇൻഫ്ളുവൻസ് ഉപയോഗിച്ച് അഭിമുഖം നീക്കിയതാണെന്നാണ് കകൽപികയുടെ പുതിയ ആരോപണം.

ധന്യ കഴിഞ്ഞ രാത്രി പലതവണ തന്നെ വിളിക്കാൻ ശ്രമിച്ചിരുന്നെന്നും അവർ എന്നെ ഭയപ്പെടുത്താൻ ശ്രമക്കുകയാണോ അതോ ഭയപ്പെട്ടിട്ടാണോ എന്തായാലും തനിക്ക് ആരെയും ഭയമില്ലെന്നും താൻ നേരായ വഴിയിലൂടെയാണ് പോകുന്നതെന്നുമാണ് കൽപിക പറഞ്ഞത്. എന്നാൽ ആരോപണങ്ങളോട് പ്രതികരിക്കാൻ ധന്യ ഇതുവരെ തയ്യാറായിട്ടില്ല.

തമിഴിൽ ധനുഷിനെ നായകനാക്കി മാരിയും മാരി 2 വും സംവിധാനം ചെയ്തത് ബാലാജി മോഹനാണ്. മലയാളത്തിൽ ദുൽഖർ സൽമാനെ നായകനാക്കി സംസാരം ആരോഗ്യത്തിന് ഹാനീകരം എന്ന ചിത്രവും ബാലാജി സംവിധാനം ചെയ്തിട്ടുണ്ട്. തമിഴിലും ചിത്രം റിലീസ് ചെയ്തിരുന്നു. തമിഴിൽ നസ്രിയയാണ് നായികയായത്.