പൃഥ്വിച്ചിത്രമെടുത്ത് സമയം പാഴാക്കാനില്ലെന്ന് ഷാജി

By Nisha Bose

| Updated: Saturday, October 6, 2012, 12:07 [IST]

സിംഹാസനം പൊളിഞ്ഞിട്ടും പൃഥ്വ്വിയെ വച്ച് പുതിയ ചിത്രമെടുക്കാന്‍ ഷാജിയൊരുങ്ങുന്നുവെന്ന തരത്തില്‍ വാര്‍ത്തകള്‍ വന്നിരുന്നു. ഏറെക്കാലം മുമ്പ് പാതിവഴിയ്ക്ക് ഉപേക്ഷിച്ച 'രഘുപതി രാഘവ രാജാറാം' എന്ന സിനിമ പൂര്‍ത്തിയാക്കാനാണ് ഷാജി കൈലാസും പൃഥ്വിരാജും ഒന്നിയ്ക്കുന്നതെന്നായിരുന്നു റിപ്പോര്‍ട്ട്. എന്നാല്‍ ഈ വാര്‍ത്ത അടിസ്ഥാനരഹിതമാണെന്ന് ഷാജി കൈലാസ് പറയുന്നു. ചിത്രത്തിലെ നായകനായ പൃഥ്വിരാജിന്റെ രൂപത്തിലും ഭാവത്തിലും ഒരുപാട് മാറ്റം വന്നു. തുടക്കത്തില്‍ തന്നെ ഷൂട്ടിങ് നിന്നു പോയ ആ ചിത്രം ഇപ്പോള്‍ കാലഹരണപ്പെട്ട് കഴിഞ്ഞു. ഇനി അതിന്റെ പുറകേ നടന്ന് പണവും സമയവും പാഴാക്കാനില്ലെന്നും ഷാജി കൈലാസ് വ്യക്തമാക്കി.

പൃഥ്വിരാജ് മൂന്ന് വ്യത്യസ്ത വേഷങ്ങള്‍ അവതരിപ്പിക്കുന്ന രീതിയില്‍ തുടങ്ങിയ ചിത്രത്തിന്റെ ആദ്യ ഷെഡ്യൂള്‍ പൂര്‍ത്തിയായതിന് ശേഷമാണ് ഉപേക്ഷിയ്ക്കപ്പെട്ടത്. റീമ കല്ലിങ്കല്‍ അടക്കം വന്‍താരനിരയെ അണി നിരത്തി ഷൂട്ടിങ് ആരംഭിച്ച ചിത്രത്തിന് വേണ്ടി നിര്‍മാതാവ് 50 ലക്ഷം രൂപ മുടക്കിയെന്നും വാര്‍ത്തകളുണ്ടായിരുന്നു.പ്രൊഡ്യൂസര്‍ പണവുമായെത്തിയാല്‍ പടം പൂര്‍ത്തിയാക്കാമെന്ന് ഷാജി മുന്‍പ് വാക്കു കൊടുത്തിരുന്നു.

എന്നാല്‍ ഈ ചിത്രം വീണ്ടും പൊടിതട്ടിയെടുക്കുന്നതില്‍ യാതൊരര്‍ത്ഥവുമില്ലെന്നാണ് ഷാജി ഇപ്പോള്‍ പറയുന്നത്. അതേസമയം ചിത്രത്തിന്റെ നിര്‍മ്മാതാവുമായുള്ള പ്രശ്‌നം ഒത്തുതീര്‍ക്കാനുള്ള നീക്കങ്ങള്‍ ആരംഭിച്ച് കഴിഞ്ഞതായും വാര്‍ത്തയുണ്ട്.

അടുത്ത പേജില്‍

ഷാജിയ്‌ക്കെതിരെ നിര്‍മ്മാതാവ് പരാതി നല്‍കി? ഷാജിയ്‌ക്കെതിരെ നിര്‍മ്മാതാവ് പരാതി നല്‍കി?