രശ്മികയ്ക്കൊപ്പം വിജയ് ദേവരകൊണ്ടയുണ്ട്; രഹസ്യം കണ്ടുപിടിച്ച് ആരാധകർ

രശ്മിക മന്ദാനയുടെ ആദ്യ ബോളിവുഡ് സിനിമ ​​ഗുഡ് ബൈ റിലീസ് ചെയ്തിരിക്കുകയാണ്. അമിതാബ് ബച്ചനൊപ്പമാണ് നടി സിനിമയിൽ അഭിനയിച്ചത്. ചിത്രത്തിന്റെ പ്രോമോഷൻ പരിപാടികളിൽ പങ്കെടുക്കവെ രശ്മികയ്ക്ക് വരുന്ന ചോദ്യങ്ങളിൽ പലതും വിജയ് ദേവരകൊണ്ടയുമായുള്ള ​ഗോസിപ്പിനെക്കുറിച്ചാണ്. നേരത്തെ ലൈ​ഗർ എന്ന സിനിമയുടെ പ്രൊമോഷൻ പരിപാടികളിൽ പങ്കെടുക്കവെ വിജയ് ദേവരകൊണ്ടയ്ക്ക് നേരെയും ഈ ചോദ്യങ്ങൾ വന്നിരുന്നു.

Also Read: 'ഇരുപത് വർഷങ്ങൾക്കുള്ളിൽ വന്ന മാറ്റം...'; സുരേഷ് ​ഗോപിക്കൊപ്പമുള്ള ചിത്രം പങ്കുവെച്ച് നടി ജ്യോതി കൃഷ്ണ!

കഴിഞ്ഞ ദിവസമാണ് വിജയ് ദേവരകൊണ്ടയും രശ്മികയും മാലിദ്വീപിലേക്ക് യാത്ര പോയത്. അവധി സമയം ആഘോഷിക്കാൻ പോയ ഇരുവരും
ഒന്നിച്ചാണ് പോയത് എന്ന് റിപ്പോർട്ടുകൾ പുറത്തു വന്നിരുന്നു. എന്നാൽ അവധി ആഘോഷിക്കുന്നന രശ്മിക ഫോട്ടോകൾ പോസ്റ്റ് ചെയ്യുന്നുണ്ടെങ്കിലും ഇവയിൽ വിജയ് ദേവരകൊണ്ടയെ കാണുന്നില്ല. താരങ്ങൾ തങ്ങൾ ഒരുമിച്ചാണെന്ന കാര്യം മറച്ചു വെക്കുകയാണെന്നാണ് ആരാധകർ അഭിപ്രായപ്പെടുന്നത്. ഇതിന് ചില തെളിവുകളും ഇവർ നിരത്തുന്നു.

Also Read: കല്യാണത്തിന് മുന്നേ നയൻ‌താര ഗർഭിണി ആയിരുന്നെങ്കിൽ ഇവിടെ ആർക്കാണ് പ്രശ്‌നം?; വൈറലായി കുറിപ്പ്

രശ്മിക മാലിദ്വീപിൽ നിന്നു പങ്കുവെച്ച ഒരു ഫോട്ടോയിൽ നടി കൂളിം​ഗ് ​ഗ്ലാസ് ധരിച്ചതായി കാണാം. ഇതേ ​ഗ്ലാസ് കഴിഞ്ഞ ദിവസം എയർപോർട്ടിൽ വിജയ് ദേവരെകാണ്ട ധരിച്ചിരുന്നെന്നാണ് ആരാധകർ ഫോട്ടോ സഹിതം ചൂണ്ടിക്കാട്ടുന്നത്. വിജയ് ദേവരകൊണ്ട ഇതുവരെയും വെക്കേഷൻ ചിത്രങ്ങൾ ഇൻസ്റ്റ​ഗ്രാമിൽ പങ്കുവെച്ചിട്ടില്ല.

നേരത്തെ രശ്മികയെക്കുറിച്ചുള്ള ചോദ്യത്തിന് വിജയ് ദേവരകൊണ്ട മറുപടി നൽകിയിരുന്നു. കരിയറിന്റെ തുടക്കത്തിൽ ഒരുമിച്ച് സിനിമകൾ ചെയ്തവരാണ് ഞങ്ങൾ. വിജയവും പരാജയവും ഒരുപോലെ കണ്ടിട്ടുണ്ട്. അതിന്റേതായ ആത്മബന്ധവും ഉണ്ടെന്നായിരുന്നു വിജയ് ദേവരകൊണ്ട പറഞ്ഞത്.

Also Read: 'നിങ്ങളെ കാണുമ്പോൾ സന്തോഷവും അഭിമാനവും തോന്നുന്നു'; സർ‌ജറിക്ക് പിന്നാലെ ജോലിക്കെത്തി താര കല്യാൺ!

പ്രണയമുണ്ടെങ്കിൽ തുറന്ന് പറയാത്തതെന്തെന്ന ചോദ്യത്തിനും നടൻ മറുപടി നൽകി. വിവാഹം കഴിക്കുന്ന സമയത്ത് എല്ലാവരോടും തുറന്നു പറയുമെന്നും തന്റെ ഡേറ്റിം​ഗ് ലൈഫിനെക്കുറിച്ച് പറഞ്ഞ് ആരാധകരെ വിഷമിപ്പിക്കാനില്ലെന്നുമാണ് വിജയ് ദേവരകൊണ്ട പറഞ്ഞത്. കോഫി വിത്ത് കരണിൽ അതിഥിയായി എത്തിയപ്പോഴാണ് താരം ഇക്കാര്യം വ്യക്തമാക്കിയത്.