സാറ അലി ഖാനും ശുഭ്മാൻ ഗില്ലും പ്രണയത്തിൽ തന്നെ!; സൂചന നൽകി സുഹൃത്തിന്റെ പോസ്റ്റ്

നേരത്തെ ശുഭ്മാൻ ഗില്ലും ഇതിഹാസ താരം സച്ചിന്‍ ടെണ്ടുല്‍ക്കറുടെ മകള്‍ സാറ ടെണ്ടുല്‍ക്കറും പ്രണയത്തിലാണെന്ന് റിപ്പോര്‍ട്ടുകളുണ്ടായിരുന്നു. 2020 മുതൽ അത്തരം വാർത്തകൾ ഉണ്ടായിരുന്നെങ്കിലും വാര്‍ത്തകളോട് നാളിതുവരെ സാറയും ഗില്ലും പ്രതികരിച്ചിരുന്നില്ല. എന്നാൽ ഇരുവരും പ്രണയത്തിലാണെന്ന് തന്നെയായിരുന്നു സോഷ്യല്‍ മീഡിയയുടെ വിശ്വാസം. ക്രിക്കറ്റ് ലോകത്തെ യുവതാരവും ഇതിഹാസ താരത്തിന്റെ മകളും തമ്മിലുള്ള പ്രണയം വലിയ ചര്‍ച്ചാ വിഷയമായി മാറുകയും ചെയ്‌തിരുന്നു. എന്നാൽ അതിനു പിന്നാലെയാണ് ശുഭ്മാൻ ഗില്ലും സാറ അലി ഖാനും ഡേറ്റിങ്ങിലാണെന്ന റിപ്പോർട്ടുകൾ വരുന്നത്.

ഇപ്പോഴിതാ, ആ റിപ്പോർട്ടുകളെ ശരിവെക്കുന്ന തരത്തിലുള്ള ശുഭ്മാൻ ഗില്ലിന്റെ സുഹൃത്തിന്റെ ഒരു ഇൻസ്റ്റാഗ്രാം പോസ്റ്റാണ് ഇപ്പോൾ ശ്രദ്ധനേടുന്നത്. ശുഭ്മാൻ ഗില്ലിന്റെ ജന്മദിനത്തോട് അനുബന്ധിച്ച് സുഹൃത്ത് ഖുശ്പ്രീത് പങ്കുവച്ച പോസ്റ്റിലാണ് ഒരു 'സാറ ബന്ധം' ഉള്ളത്. നീയില്ലെങ്കിൽ എന്റെ ജീവിതം നശിച്ചു പോയേനെ എന്നിങ്ങനെ പറയുന്ന പോസ്റ്റിൽ അവസാനം 'ബഹുത്ത് 'സാറ' പ്യാർ കർത്താഹും എന്ന് കുറിച്ചിട്ടുണ്ട്.

എല്ലാവരിൽ നിന്നും ഒരുപാട് സ്നേഹം സ്നേഹം നിനക്ക് ലഭിക്കട്ടെ എന്ന് അർത്ഥം വരുന്ന വരികളിൽ സാറ ഹൈലൈറ്റ് ചെയ്താണ് എഴുതിയിരിക്കുന്നത്. ഇതാണ് ആരാധകർക്ക് ഇടയിൽ ചർച്ചയായത്.

സാറയോട് എല്ലാ സ്‌നേഹവും നൽകണമെന്ന് ആവശ്യപ്പെടുന്ന അടിക്കുറിപ്പാണ് ഇതെന്നാണ് പലരും അഭിപ്രായപ്പെടുന്നത്. തങ്ങളുടെ ഡേറ്റിങ് കിംവദന്തികളോട് ശുഭ്‌മാനും സാറയും പ്രതികരിച്ചിട്ടില്ലെങ്കിലും ഖുശ്പ്രീതിന്റെ പോസ്റ്റ് നിലവിലുള്ള റിപ്പോർട്ടുകളെ ഏറെ കുറെ ശരിവെക്കുകയാണ്.

അതേസമയം, സാറ അലി ഖാൻ ആണോ സാറ ടെണ്ടുൽക്കർ ആണോ എന്ന സ്വാഭാവിക സംശയവും ആരാധകർ ഉന്നയിക്കുന്നുണ്ട്. നേരത്തെ വന്ന ഡേറ്റിങ് റിപ്പോർട്ടുകൾ ആരാധകർ ഏറ്റെടുത്തിരുന്നു. പട്ടൗഡി കുടുംബത്തില്‍ മുത്തശ്ശിയ്ക്ക് ശേഷം ക്രിക്കറ്റ് താരവുമായി പ്രണയത്തിലാകുന്ന നടിയായി മാറിയിരിക്കുകയാണ് സാറ എന്നാണ് റിപ്പോര്‍ട്ടുകളിൽ പറഞ്ഞിരുന്നത്. ഒരു സാറയില്‍ നിന്നും മറ്റൊരു സാറയിലേക്ക്, സാറ എന്ന പേരിനോട് ഗില്ലിന് കുറച്ചധികം പ്രിയമുണ്ടെന്ന് തോന്നുന്നു, സാറ പാരമ്പര്യം കാത്തു, എന്നൊക്കെയായിരുന്നു കമന്റുകള്‍. അതേസമയം സാറ അലി ഖാനും ശുബ്മാനും ഒരുമിച്ച് ചെയ്യുന്ന പരസ്യ ചിത്രത്തിന്റെ ഷൂട്ടിംഗില്‍ നിന്നുമുള്ളതാകാം വൈറല്‍ ചിത്രമെന്നും റിപ്പോര്‍ട്ടുകളുണ്ട്.

അതേസമയം, ബോളിവുഡിലെ മിന്നും താരമാണ് സാറ അലി ഖാന്‍ ഇന്ന്. സെയ്ഫ് അലി ഖാന്റേയും അമൃത സിംഗിന്റേയും മകളായ സാറ അവരുടെ പാതയിലൂടെ സിനിമയിലെത്തുകയായിരുന്നു. നിരവധി ആരാധകരാണ് താരപുത്രിക്ക് ഉള്ളത്. കേദാര്‍നാഥ് ആണ് സാറയുടെ അരങ്ങേറ്റ സിനിമ. ഇതിനോടകം തന്നെ സ്വന്തമായൊരു ഇടം നേടിയെടുക്കാന്‍ സാധിച്ചിട്ടുണ്ട് സാറയ്ക്ക്. അത് രംഗി രേയാണ് സാറയുടെ ഒടുവില്‍ പുറത്തിറങ്ങിയ സിനിമ.