കീര്‍ത്തിയെ നായികയാക്കിയ പ്രിയദര്‍ശന്‍ കല്യാണിയെ അവഗണിച്ചതിന് പിന്നിലെ കാരണം ഇതാണ്!

പ്രിയദര്‍ശനും ലിസിയും

മലയാള സിനിമയിലെ എക്കാലത്തെയും മികച്ച നായികമാരിലൊരാളായ ലിസിയും സംവിധായകരിലൊരാളായ പ്രിയദര്‍ശനും ഒരുമിച്ചെത്തിയ സിനിമകളെല്ലാം സൂപ്പര്‍ഹിറ്റായിരുന്നു. ഈ കൂട്ടുകെട്ടില്‍ പുറത്തിയ ചിത്രം സര്‍വ്വകാല റെക്കോഡ് സൃഷ്ടിച്ചിരുന്നു. സിനിമയ്ക്ക് പുറമെ ജീവിതത്തിലും ഇരുവരും ഒരുമിക്കുകയാണെന്ന് കേട്ടപ്പോള്‍ ആരാധകരായിരുന്നു ഏറെ സന്തോഷിച്ചത്. വിവാഹത്തിന് ശേഷം നായികമാരുടെ പതിവ് ശൈലി തന്നെയാണ് ലിസിയും പിന്തുടര്‍ന്നത്. സിനിമയില്‍ നിന്നും മാറി നിന്ന താരം ഇടയ്ക്ക് പ്രിയദര്‍ശനുമായി വേര്‍പിരിയുകയാണെന്ന് അറിയിക്കുകയും വിവാഹ മോചനം നേടുകയും ചെയ്തിരുന്നു.

മക്കളുടെ അരങ്ങേറ്റം

പ്രണവ് ഭാവിയില്‍ നടനാവുമെന്ന് പ്രിയദര്‍ശന്‍ വര്‍ഷങ്ങള്‍ക്ക് മുന്‍പ് പ്രവചിച്ചിരുന്നു. ഏതോ ഒരു നാടകത്തിലെ പെര്‍ഫോമന്‍സ് കണ്ടായിരുന്നു അദ്ദേഹം ഇങ്ങനെ പറഞ്ഞതെന്ന് സുചിത്ര വ്യക്തമാക്കിയിരുന്നു. പ്രിയദര്‍ശന്റെയും ലിസിയുടെയും മക്കളായ കല്യാണിയുടെയും ചന്തുവിന്റെയും പാഷന്‍ സിനിമ തന്നെയായിരുന്നു. എന്നാല്‍ വിദ്യാഭാസത്തിനായിരുന്നു ഇരുവരും മുന്‍തൂക്കം നല്‍കിയത്. അച്ഛന്റെ സിനിമയിലൂടെ അരങ്ങേറാന്‍ അവസരമുണ്ടായിരുന്നിട്ട് കൂടി തെലുങ്കിലൂടെയായിരുന്നു കല്യാണി അരങ്ങേറിയത്. മറ്റ് താരപുത്രികളെയും താരപുത്രന്‍മാരെയും പരിചയപ്പെടുത്തുന്നത് പോലെ സ്വന്തം മക്കളെ പരിചയപ്പെടുത്തുന്നതിനോട് തനിക്ക് താല്‍പര്യമില്ലെന്ന് അച്ഛന്‍ നേരത്തെ തന്നെ വ്യക്തമാക്കിയിരുന്നതായി താരപുത്രി പറയുന്നു. ശക്തമായ പിന്തുണ നല്‍കി മാതാപിതാക്കള്‍ എല്ലാ കാര്യത്തിലും തങ്ങള്‍ക്കൊപ്പമുണ്ടെന്നും കല്യാണി പറയുന്നു.

ആകര്‍ഷിച്ച നടന്‍

ഫഹദ് ഫാസിലിനൊപ്പം അഭിനയിക്കാന്‍ താല്‍പര്യമുണ്ട്. അദ്ദേഹത്തിന്‍രെ അഭിനയം തന്നെ ഏറെ ആകര്‍ഷിച്ചിരുന്നുവെന്നും കല്യാണി വ്യക്തമാക്കുന്നു. നായകനേക്കാള്‍ കൂടുതല്‍ പ്രാധാന്യം എന്നും സംവിധായകനാണ്. ആവറേജ് ലെവലിലുള്ള താരം പോലും നല്ല സംവിധായകനൊപ്പം പ്രവര്‍ത്തിക്കുമ്പോള്‍ മികച്ച പ്രകടനം പുറത്തെടുക്കും. തൊണ്ടിമുതലും ദൃക്‌സാക്ഷിയും എന്ന ചിത്രത്തിലെ ഫഹദിന്റെ അഭിനയം തന്നെ ഏറെ സ്വാധീനിച്ചിരുന്നുവെന്നും താരപുത്രി പറയുന്നു.

അടുത്തെങ്ങും മലയാളത്തിലേക്കില്ല

മലയാളത്തില്‍ നിന്നും നിരവധി അവസരങ്ങള്‍ തേടിയെത്തിയിരുന്നുവെങ്കിലും ഒന്നും ഉറപ്പിച്ചിട്ടില്ല. ഷര്‍വാനന്ദിനൊപ്പമുള്ള ചിത്രത്തെക്കുറിച്ചുള്ള ചര്‍ച്ചകള്‍ പുരോഗമിച്ച് വരികയാണെന്നും താരപുത്രി പറയുന്നു. അച്ഛന്‍രെ സുഹൃത്തുക്കളുടെ മക്കളെല്ലാം ഇപ്പോള്‍ സിനിമയില്‍ തുടക്കം കുറിച്ചിട്ടുണ്ട്. അനുജന്‍ ചന്തുവും ഉടന്‍ തന്നെ സിനിമയില്‍ തുടക്കം കുറിക്കുമെന്നും കല്യാണി വ്യക്തമാക്കുന്നു.

ഏറ്റവും ഇഷ്ടപ്പെട്ട ചിത്രം

കാഞ്ചീവരവും കിലുക്കവുമാണ് അച്ഛന്‍ ചെയ്ത സിനിമകളില്‍ വെച്ച് ഏറെ ഇഷ്ടപ്പെട്ടത്. സിനിമ വിജയിക്കുന്നതിന് പ്രധാന കാരണങ്ങളിലൊന്ന് അതാത് താരങ്ങളുമായുല്‌ള അടുപ്പമാണെന്ന് അച്ഛന്‍ പറയാറുണ്ട്. ്അത്തരത്തില്‍ അച്ഛനൊപ്പം പ്രവര്‍ത്തിച്ചവരെല്ലാം അടുത്ത സുഹൃത്തുക്കള്‍ തന്നെയാണ്. താരപുത്രിയുടെ അഭിപ്രായത്തെ പ്രേക്ഷകരും ഒന്നടങ്കം ശരിവെക്കും. മോഹന്‍ലാല്‍ പ്രിയദര്‍ശന്‍ കൂട്ടുകെട്ട് മലയാള സിനിമയിലെ എക്കാലത്തെയും മികച്ച കൂട്ടുകെട്ട് കൂടിയാണല്ലോ!