'പണവും പ്രശസ്തിയും നൽകുന്നതിനേക്കാൾ സന്തോഷം ഇവിടെ നിന്നും ലഭിക്കുന്നു'

കഴിഞ്ഞ വർഷം വരെ പിറന്നാൾ ദിനത്തിൽ മകളുടെ അടുത്തേക്ക് സമ്മാനങ്ങളുമായി ഓടി എത്തുകയും അവൾക്ക് പിറന്നാൾ ആശംസകൾ സോഷ്യൽമീഡിയയിൽ കുറിക്കുകയും ചെയ്യാറുണ്ടായിരുന്ന ബാല ഈ വർഷം മകൾക്ക് പിറന്നാൾ ആശംസിച്ചിരുന്നില്ല. ബാലയുടെ സുഹൃത്തും നടനുമായ ഉണ്ണി മുകുന്ദന് മാത്രമാണ് പിറന്നാളാശംസകൾ ബാല നേർന്നത്. മകളെ ജീവിന് തുല്യം സ്നേഹിക്കുന്നുണ്ടെന്ന് പലപ്പോഴായി പറയാറുണ്ടായിരുന്ന ബാല രണ്ടാമത് വിവാഹിതനായപ്പോൾ മകളെ ഒഴിവാക്കി എന്നാണ് താരത്തെ വിമർശിച്ചവർ കുറിച്ചത്. ജീവകാരുണ്യ പ്രവർത്തനങ്ങളിലും സജീവമായിട്ടുള്ള നടനാണ് ബാല.

ജീവിത്തതിലെ പുതിയ സന്തോഷം പങ്കുവെച്ച് എത്തിയിരിക്കുകയാണ് ബാല ഇപ്പോൾ. താരത്തിന്റെ അമ്മയുടെ ജന്മദിനം ആ​ഘോഷമായി കൊണ്ടാടിയിരിക്കുകയാണ് ബാലയും ഭാര്യ എലിസബത്തും. അമ്മ പിറന്നാൾ കേക്ക് മുറിച്ച് എലിസബത്തിനും ബാലയ്ക്കും നൽകുന്ന വീഡിയോയും താരം പങ്കുവെച്ചിട്ടുണ്ട്. കാശ്, പ്രശസ്തി, ബം​ഗ്ലാവ്, കാർ എന്നിവയേക്കാളും തനിക്ക് സന്തോഷം ലഭിക്കുന്നത് അമ്മയിൽ നിന്നാണ് എന്നാണ് ബാല പറയുന്നത്. ഒപ്പം വീട്ടിലുള്ള വൃദ്ധരെ കഴിയും പോലെ എല്ലാം സന്തോഷിപ്പിക്കണമെന്നും അവരില്ലാതെ നമ്മൾ ഇല്ലെന്ന സത്യം മനസിലാക്കി അവരെ സ്നേഹിക്കണമെന്നും ബാല പറഞ്ഞു.

Recommended Video

കുറ്റം പറയുന്നവര്‍ക്ക് സന്തോഷമായാല്‍ അവര്‍ പറഞ്ഞോട്ടെ, അമൃത സുരേഷ് പറയുന്നു

അമ്മയ്ക്ക് മധുരം നൽകികൊണ്ട് എത്ര വയസായി എന്ന് ബാല ചോദിക്കുമ്പോൾ ഒരു കള്ള ചിരിയാണ് അമ്മ മറുപടിയായി കൊടുത്തത്. ബാലയ്ക്കും ഭാര്യയ്ക്കുമൊപ്പമാണ് താരത്തിന്റെ അമ്മ താമസിക്കുന്നത്. ബാലയുടെ സഹോദരൻ സിരുത്തെ ശിവ സംവധാനം ചെയ്ത അണ്ണാത്തയിലാണ് അവസാനമായി ബാല അഭിനയിച്ചത്. വില്ലൻ വേഷമായിരുന്നു ചിത്രത്തിൽ ബാലയ്ക്ക്. രജനികാന്ത് നായകനായ സിനിമ ദീപാവലി റിലീസായാണ് തിയേറ്ററുകളിലെത്തിയത്. ബോക്സ് ഓഫീസിൽ പല സിനിമകളുടേയും റെക്കോർഡ് തിരുത്തി കുറിച്ച് അണ്ണാത്ത പ്രദർശനം തുടരുകയാണ്. രജനി കാന്തിന് പുറമെ നയൻതാര, കീർത്തി സുരേഷ്, ജ​ഗപതി ബാബു, ബാല തുടങ്ങിവരും സിനിമയുടെ ഭാ​ഗമായി.

തമിഴ് സിനിമകളിലൂടെയായിരുന്നു ബാല അഭിനയം ആരംഭിച്ചത്. ശേഷം കളഭം എന്ന സിനിമയിലൂടെ മലയാളത്തിലേക്ക് എത്തി. ബാലയുടെ വില്ലൻ വേഷങ്ങളാണ് ഏറ്റവും കൂടുതൽ ശ്രദ്ധിക്കപ്പെട്ടിട്ടുള്ളത്. ഹരീന്ദ്രൻ ഒറു നിഷ്കളങ്കൻ, ബി​ഗ് ബി, പുതിയ മുഖം, ബ്ലാക്ക് സ്റ്റാലിയൺ, കയം, മകരമഞ്ഞ്, എന്ന് നിന്റെ മൊയ്തീൻ, പുലിമുരുകൻ, ആനക്കള്ളൻ, ലൂസിഫർ തുടങ്ങി നിരവധി സിനിമകളിലും ബാല അഭിനയിച്ചിട്ടുണ്ട്. ​ഗിന്നസ് പക്രു നിർമിച്ച ഫാൻസി ഡ്രസ് എന്ന ചിത്രമാണ് അവസാനമായി ബാല അഭിനയിച്ച് റിലീസ് ചെയ്ത മലയാള സിനിമ.