'കല്യാണം കഴിക്കുന്നില്ലേ....? എന്ന ചോദ്യം അധികം നേരിടേണ്ടി വന്നിട്ടില്ല', ഉണ്ണി മുകുന്ദൻ

2011ൽ പുറത്തിറങ്ങിയ നന്ദനം സിനിമയുടെ തമിഴ് റീമേക്കായ സീടനിലൂടെയാണ് ഉണ്ണി അഭിനയരംഗത്തേക്കെത്തുന്നത്. പിന്നീട് അതേവർഷം തന്നെ പുറത്തിറങ്ങിയ ബോംബെ മാർച്ച് 12 എന്ന സിനിമയിലൂടെ മലയാളത്തിലേക്കും ഉണ്ണി മുകുന്ദൻ എത്തി. ബാബു ജനാർദ്ദനൻ സംവിധാനം ചെയ്ത സിനിമയിൽ ഷാജഹാൻ എന്ന കഥാപാത്രത്തെയാണ് ഉണ്ണി മുകുന്ദൻ അവതരിപ്പിച്ചത്. ശേഷം ത്മസമയം ഒരു പെൺകുട്ടി, മല്ലുസിങ് തുടങ്ങിയ ചിത്രങ്ങളിലും ഉണ്ണി മുകുന്ദൻ അഭിനയിച്ചു. മല്ലുസിങിലെ ഉണ്ണി മുകുന്ദന്റെ അഭിനയം അദ്ദേഹത്തിന് മലയാള സിനിമയിൽ വലിയൊരു ബ്രേക്ക് നൽകി. സിനിമയുടെ ചിത്രത്തിലെ ഉണ്ണിയുടെ കഥാപാത്രവും ശ്രദ്ധിക്കപ്പെട്ടതോടെ നിരവധി അവസരങ്ങൾ ഉണ്ണിയേ തേടി എത്തി തുടങ്ങി. ഹർവിന്ദർ സിങ് എന്ന കഥാപാത്രത്തെയാണ് ഉണ്ണി മുകുന്ദൻ ചിത്രത്തിൽ അവതരിപ്പിച്ചത്.

തീവ്രം, വിക്രമാദിത്യൻ, ഏഴാം സൂര്യൻ, രാജാധിരാജ, ഒരു മുറൈ വന്ത പാർത്തായ, ഭാ​ഗമതി, മിഖായേൽ തുടങ്ങിയ സിനിമകളുടെയും ഭാ​ഗമായി ഉണ്ണി മുകുന്ദൻ വെള്ളിത്തിരയിലെത്തി. ഒക്ടോബർ ഏഴിന് ഉണ്ണി മുകുന്ദൻ ഒരു സുപ്രധാന കഥാപാത്രത്തെ അവതരിപ്പിച്ച പൃഥ്വിരാജ് സിനിമ ഭ്രമം ഒടിടി റിലീസിന് ഒരുങ്ങുകയാണ്. പൊലീസുകാരന്റെ വേഷമാണ് ചിത്രത്തിൽ ഉണ്ണി മുകുന്ദന്. ബോളിവുഡ് സിനിമ അന്ധാധുന്നിന്റെ മലയാളം റീമേക്കാണ് ഭ്രമം. ഇപ്പോൾ സിനിമാ ജീവിതത്തെ കുറിച്ചും വ്യക്തി ജീവിതത്തെ കുറിച്ചുമെല്ലാം തുറന്ന് സംസാരിച്ചിരിക്കുകയാണ് ഉണ്ണി മുകുന്ദൻ. ഇന്ത്യാ ​ഗ്ലിറ്റ്സ് മലയാളത്തിന് നൽകിയ അഭിമുഖത്തിലാണ് വിശേഷങ്ങളെല്ലാം ഉണ്ണി മുകുന്ദൻ പങ്കുവെച്ചത്.

ഭ്രമം എല്ലാവർക്കും ഇഷ്ടപ്പെടുന്ന സിനിമയായിരിക്കുമെന്നും പൊലീസ് കഥാപാത്രത്തെ ഏറെ പ്രതീക്ഷയോടെയാണ് കാണുന്നതെന്നും ഇതുവരം കരിയറിൽ ചെയ്യാത്ത പൊലീസ് വേഷമാണ് ഭ്രമത്തിലേത് എന്നുമാണ് ഉണ്ണി മുകുന്ദൻ പറഞ്ഞത്. കല്യാണം കഴിക്കുന്നില്ലേയെന്ന് ആരെങ്കിലും ചോദിച്ചിട്ടുണ്ടോ എന്ന ചോദ്യത്തിന് തന്നോട് ഇന്നേവരെ നേരിട്ട് കാണുമ്പോൾ ആരും ചോദിച്ചിട്ടില്ലെന്നും അഭിമുഖങ്ങളിൽ പങ്കെടുക്കുമ്പോൾ മാത്രമാണ് ഇത്തരം ചോദ്യങ്ങൾ കേൾക്കാറുള്ളതെന്നുമാണ് ഉണ്ണി മുകുന്ദൻ പറഞ്ഞത്. പൃഥ്വിരാജ് എന്ന മനുഷ്യനോട് എന്നും ആരോ​ഗ്യപരമായ അസൂയയുണ്ടെന്നും അദ്ദേഹത്തിന്റെ പ്രവൃത്തികൾ പ്രചോദനമാകാറുണ്ടെന്നും ഉണ്ണി മുകുന്ദൻ പറയുന്നു.

Recommended Video

ഉണ്ണി മുകുന്ദന്റെ പിറന്നാള്‍ ദിനത്തില്‍ അണിയറ പ്രവര്‍ത്തകരുടെ സമ്മാനം

മാമാങ്കമാണ് ഏറ്റവും അവസാനമായി റിലീസിനെത്തിയ ഉണ്ണി മുകുന്ദൻ സിനിമ. 12ത് മാൻ, മേപ്പടിയാൻ എന്നിവയാണ് ഭ്രമത്തിന് പുറമെ അണിയറയിൽ ഒരുങ്ങുന്ന മറ്റ് സിനിമകൾ. 12ത് മാനിൽ മോഹൻലാലിനൊപ്പമാണ് ഉണ്ണി മുകുന്ദൻ അഭിനയിച്ചിരിക്കുന്നത്. ഇക്കഴിഞ്ഞ ദിവസമാണ് സിനമയുടെ ചിത്രീകരണം അവസാനിച്ചത്. ജീത്തു ജോസഫാണ് ചിത്രം സംവിധാനം ചെയ്തിരിക്കുന്നത്. മേപ്പടിയാനിലൂടെ ുണ്ണി മുകുന്ദൻ ഇപ്പോൾ നിർമാതാവിന്റെ കുപ്പായവും അണിഞ്ഞിരിക്കുകയാണ്. സിനിമയിലെ നായകനും ഉണ്ണി തന്നെയാണ്. ചിത്രത്തിന് വേണ്ടി ഉണ്ണി ശരീരഭാരം ഉയര്‍ത്തിയത് 93 കിലോയായിരുന്നു. ശേഷം പഴയ സ്ഥിതിയിലേക്ക് ശരീരം എത്തിച്ചതിന്റെ വർക്കൗട്ട് വീഡിയോയും ഉണ്ണി മുകുന്ദൻ പങ്കുവെച്ചിരുന്നു.