'ഒരു വർഷം പെട്ടന്ന് കടന്നുപോയി....' മകളെ കുറിച്ച് ഭാമ; ഫോട്ടോ പങ്കുവെക്കാൻ ആവശ്യപ്പെട്ട് ആരാധകർ

തുടക്കകാലത്ത് കന്നട ചിത്രത്തിൽ ഐറ്റം ഡാൻസ് ചെയ്തതിന്റെ പേരിൽ വിമർശനം നേരിട്ട നടി കൂടിയാണ് ഭാമ. ഓട്ടോ രാജ എന്ന സിനിമയിലായിരുന്നു ഭാമ ആദ്യമായി ​ഗ്ലാമർ വേഷത്തിൽ ഐറ്റം ഡാൻസ് ചെയ്തത്. അന്ന് നിരവധി പേർ വിമർശിച്ചപ്പോൾ താരം പറഞ്ഞത് ഇങ്ങനെയായിരുന്നു. സിനിമയുടെ തിരക്കഥ അത്തരമൊരു നൃത്തം ആവശ്യപ്പെടുന്നുണ്ടെന്നും. നായികാ പ്രാധാന്യമുള്ള സിനിമയായിരുന്നു ഒട്ടോ രാജയെന്നും. താൻ അന്ന് അവതരിപ്പിച്ച ആ നൃത്തത്തെ ഒരിക്കലും ഐറ്റം ഡാൻസ് എന്ന് വിലയിരുത്താൻ സാധിക്കില്ലെന്നുമാണ് ഭാമ അന്ന് പറഞ്ഞത്. കഥവീട്, കൊന്തയും പൂണൂലും, നാക്കു പെന്റ നാക്കു ടാക്ക, മത്തായി കുഴപ്പക്കാരനല്ല, മാൽ​ഗുഡ് ഡെയ്സ്, മറുപടി എന്നിവയാണ് ഭാമയുടെ മറ്റ് പ്രധാന സിനിമകൾ.

2020 ജനുവരിയിലായിരുന്നു ഭാമയുടെ വിവാഹം നടന്നത്. കോട്ടയത്തെ സ്വകാര്യ ഹോട്ടലിൽ വെച്ചായിരുന്നു വിവാഹം. എറണാകുളം സ്വദേശിയും വിദേശ മലയാളിയുമായ അരുൺ ആണ് ഭാമയെ വിവാഹം ചെയ്തത്. അടുത്ത ബന്ധുക്കളും സുഹൃത്തുക്കളും വിവാഹത്തിൽ സന്നിഹിതരായിരുന്നു. വീട്ടുകാർ ആലോചിച്ച് ഉറപ്പിച്ച വിവാഹമാണെന്ന് അന്ന് ഭാമ പറഞ്ഞിരുന്നു. ഭാമയുടെ സഹോദരിയുടെ ഭർത്താവിന്റെ സഹപാഠി കൂടിയായിരുന്നു അരുൺ. കഴിഞ്ഞ വർഷമാണ് ഭാമയ്ക്കും അരുണിനും പെൺകുഞ്ഞ് പിറന്നത്. കുഞ്ഞ് പിറന്ന വിവരം ഭാമ തന്നെയാണ് സോഷ്യൽമീഡിയ വഴി പങ്കുവെച്ചത്. എന്നാണ് കുഞ്ഞിന്റെ ഫോട്ടോ ഇതുവരേയും ഭാമ പുറത്തുവിട്ടിരുന്നില്ല. ഇന്ന് താരത്തിന്റെ മകൾക്ക് ഒരു വയസ് ആയിരിക്കുകയാണ്. ഒരു വർഷം കടന്നുപോയത് അറിഞ്ഞില്ലെന്നാണ് ഭാമ മകളെ കുറിച്ച് സോഷ്യൽമീഡിയയിൽ എഴുതിയത്.

Recommended Video

Actress Bhama Wedding Reception Video | FilmiBeat Malayalam

'എന്റെ മകൾക്ക് ഒരു വയസ്' എന്നാണ് മകൾക്കൊപ്പമുള്ള വീഡിയോ പങ്കുവെച്ചുകൊണ്ട് ഭാമ കുറിച്ചത്. എന്നാൽ മകളുടെ ചിത്രം ഭാമ പങ്കുവെച്ചിട്ടില്ല. പിറന്നാൾ ആഘോഷശേഷം പങ്കിടാം എന്നാണ് ആരാധകരുടെ ചോദ്യത്തിന് മറുപടിയായി ഭാമ കുറിച്ചത്. സരയൂ മോഹൻ, സംവൃത സുനിൽ, രാധിക, സംസ്കൃതി തുടങ്ങി നിരവധി നാടിമാർ ഭാമയുടെ മാലാഖയ്ക്ക് പിറന്നാൾ ആശംസകൾ നേർന്നു. വിവാഹശേഷം സിനിമകളിൽ നിന്നും വിട്ട് നിൽക്കുകയാണ് ഭാമ. പക്ഷെ കുടുംബ ജീവിതത്തിന്റെ വിശേഷങ്ങളെല്ലാം താരം സോഷ്യൽമീഡിയ പേജുകൾ വഴി പങ്കുവെക്കാറുണ്ട്.