For Quick Alerts
    ALLOW NOTIFICATIONS  
    For Daily Alerts

    ആ ഡാന്‍സുകാരിക്ക് ഒരെണ്ണം കൊടുക്കാനാ തോന്നിയത്; ആശ ശരത്തിന്റെ മറുപടി

    |

    ഏറെ പ്രതീക്ഷകളോടെ ആരാധകര്‍ കാത്തിരുന്ന ചിത്രമായിരുന്നു ദൃശ്യം 2. ആദ്യ ഭാഗം മലയാള സിനിമയുടെ ഗതി തന്നെ മാറ്റിയ ചിത്രമായിരുന്നു. അതുകൊണ്ട് തന്നെ വര്‍ഷങ്ങള്‍ക്ക് ശേഷം രണ്ടാം ഭാഗം എത്തുമ്പോള്‍ പ്രേക്ഷകര്‍ക്കും അണിയറ പ്രവര്‍ത്തകര്‍ക്കും ആശങ്കകളും സ്വാഭാവികമായിരുന്നു. എന്നാല്‍ എല്ലാ സംശയങ്ങളേയും അതിജീവിച്ച് ചിത്രം വന്‍ വിജയമായി മാറിയിരിക്കുകയാണ്. ജീത്തു ജോസഫ് എന്ന സംവിധായകന്റെ ബ്രില്യന്‍സിന് സോഷ്യല്‍ മീഡിയ കൈയ്യടിക്കുകയാണ്.

    ആദ്യ ഭാഗത്തില്‍ പ്രധാന വേഷത്തിലെത്തിയ താരമായിരുന്നു ആശാ ശരത്ത്. മകന്റെ തിരോദാനം അന്വേഷിക്കാനെത്തിയ പോലീസ് ഉദ്യോഗസ്ഥയായ ഗീത പ്രഭാകറിനെയാണ് ആശ അവതരിപ്പിച്ചത്. രണ്ടാം ഭാഗത്തിലും ആശ ശരത്തുണ്ട്. ശക്തായ പ്രകടനമാണ് രണ്ട് ചിത്രത്തിലും ആശ കാഴ്ചവച്ചത്. ഇപ്പോഴിതാ ആശാ ശരത്ത് സോഷ്യല്‍ മീഡിയയില്‍ പങ്കുവച്ചൊരു വീഡിയോ ആരാധകരുടെ ശ്രദ്ധ കവരുകയാണ്.

    Asha Sharath

    ദൃശ്യം 2 കണ്ട ഒരു അമ്മയുടെ പ്രതികരണമാണ് ആശ ശരത്ത് പങ്കുവച്ചിരിക്കുന്നത്. രസകരമായ വീഡിയോ സോഷ്യല്‍ മീഡിയയില്‍ വൈറലായി മാറിയിരുന്നു. ഇത് ആശയുടേയും ശ്രദ്ധയില്‍ പെടുകയായിരുന്നു. മനുഷ്യനെ ടെന്‍ഷന്‍ അടിപ്പിക്കുന്ന സിനിമ എന്നാണ് വീഡിയോയില്‍ ആ അമ്മ ചിത്രത്തെ കുറിച്ച് പറയുന്നത്. സിനിമ കണ്ട ആരാധകരും അതു തന്നെയാണ് പറയുന്നത്.

    മനുഷ്യനെ ടെന്‍ഷന്‍ അടിപ്പിക്കുന്ന സിനിമ. ഹോ ആ ഡാന്‍സുകാരത്തി അവള്‍ക്ക് ഒരെണ്ണം കൊടുക്കാനാ തോന്നിയത്. എന്താ അവളുടെ പേര്, ആ ആശ ശരത്ത്. ഹോ അവള്‍. അവളുടെ ഭര്‍ത്താവ് പാവമാണ്. ഹോ മനുഷ്യനെ ടെന്‍ഷന്‍ അടിപ്പിക്കുന്ന സിനിമ എന്നായിരുന്നു ദൃശ്യം 2വിനെ കുറിച്ചുള്ള വൈറല്‍ വീഡിയോയിലെ സ്ത്രീയുടെ വിലയിരുത്തല്‍. ഈ വീഡിയോയാണ് ആശ പങ്കുവച്ചിരിക്കുന്നത്.

    പുറത്തിറങ്ങിയാല്‍ ജോര്‍ജുകുട്ടി ഫാന്‍സിന്റെ അടികിട്ടുമോ ആവോ എന്നാണ് വീഡിയോ പങ്കുവച്ചു കൊണ്ട് ആശ ശരത്ത് ചോദിക്കുന്നത്. ആശയുടെ പോസ്റ്റും സോഷ്യല്‍ മീഡിയയില്‍ വൈറലാവുകയാണ്. ചിത്രത്തില്‍ ഗീത പ്രഭാകര്‍ പോലീസ് സ്‌റ്റേഷനില്‍ വച്ച് ജോര്‍ജുകുട്ടിയുടെ മുഖത്ത് അടിക്കുന്ന രംഗമുണ്ട്. ഈ രംഗത്തേക്കുറിച്ചാണ് വീഡിയോയിലെ സ്ത്രീ സംസാരിക്കുന്നത്. സോഷ്യല്‍ മീഡിയയിലും ചര്‍ച്ചയായ രംഗമാണിത്.

    ലൈല എന്ന വീട്ടമ്മയാണ് വീഡിയോയിലുള്ളത്. ഇവരുടെ മകന്‍ മാത്യുവാണ് വീഡിയോ പകര്‍ത്തിയത്. ഭര്‍ത്താവ് ജിജിയും ഒപ്പമുണ്ട്. രസകരമായ വീഡിയോ സോഷ്യല്‍ മീഡിയയില്‍ വൈറലായി മാറിയിട്ടുണ്ട്. ദൃശ്യം 2 എന്തുകൊണ്ട് ഇത്ര ഉദ്വേഗജനകമായ സിനിമയായി മാറുന്നുവെന്നതിന്റെ തെളിവാണ് ഈ വീഡിയോ എന്നാണ് സോഷ്യല്‍ മീഡിയ പറയുന്നത്.

    അതേസമയം, വന്‍ സ്വീകരണമാണ് ദൃശ്യം 2വിന് ലഭിച്ചത്. സോഷ്യല്‍ മീഡിയ നിറയെ ചിത്രത്തെ കുറിച്ചുള്ള പോസ്റ്റുകളാണ്. ഇതിനിടെ രണ്ടാം ഭാഗവും മറ്റ് ഭാഷകളിലേക്ക് റീമേക്ക് ചെയ്യപ്പെടുന്നതായാണ് റിപ്പോര്‍ട്ടുകള്‍. തെലുങ്ക് പതിപ്പിന്റെ ചിത്രീകരണം ആരംഭിക്കാനിരിക്കുകയാണെന്ന് ജീത്തു തന്നെ അറിയിച്ചിരുന്നു. വെങ്കടേഷും മീനയും പ്രധാന കഥാപാത്രങ്ങളായി മടങ്ങിയെത്തും.

    Recommended Video

    Mohanlal shares glimpse of wathing drishyam 2 with family

    വീഡിയോ കാണാം

    Read more about: drishyam asha sharath
    English summary
    Asha Sharath Shares Video Of A Lady Reacting After Watching Drishyam 2, Read More In Malayalam Here.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X