ഡിംപലിന്റെ ഇരട്ടത്താപ്പ് തുറന്നു കാണിച്ച് രമ്യ; പ്രേക്ഷകരെ ഞെട്ടിച്ച വമ്പന്‍ ട്വിസ്റ്റ്!

ഓപ്പണ്‍ നോമിനേഷനില്‍ ഏറ്റവും അപ്രതീക്ഷിതമായ നിമിഷം രമ്യ ഡിംപലിനെ നോമിനേറ്റ് ചെയ്തതായിരുന്നു. ആദ്യ വരവ് മുതല്‍ തന്നെ രമ്യ ഡിംപലുമായി അടുത്ത സൗഹൃദം സൂക്ഷിച്ചിരുന്നു. രണ്ടാം വരവില്‍ ഈ ബന്ധം കൂടുതല്‍ ശക്തമായി മാറുകയായിരുന്നു. പലപ്പോഴും ഇരുവരും ഒരുമിച്ചു നില്‍ക്കുകയും പരസ്പരം പിന്തുണയ്ക്കുമൊക്കെ ചെയ്തിട്ടുണ്ട്. അതുകൊണ്ട് രമ്യ ഡിംപലിന്റെ പേര് പറഞ്ഞത് തീര്‍ത്തും അപ്രതീക്ഷിതമായിരുന്നു.

''പറയുന്നത് ഡിംപലിനെയാണ്. എന്റെയടുത്ത് എപ്പോഴും പറയാറുണ്ട് ഞാന്‍ എന്തുണ്ടെങ്കിലും തുറന്ന് പറയും. ആ പറയുന്ന കാര്യത്തില്‍ ഉറച്ചു നില്‍ക്കുമെന്ന്. റംസാന്റെ ക്യാപ്റ്റന്‍സിയെ കുറിച്ച് എന്നോട് പറഞ്ഞതാണ്. തന്നോട് ഓവര്‍ റിയാക്ട് ചെയ്യുന്നു എന്നൊക്കെ. എന്നാല്‍ ലാല്‍ സാര്‍ വന്നപ്പോള്‍ നേരെ തിരിച്ചു പറഞ്ഞു. വളരെ ക്യൂട്ടായിരുന്നു എന്നൊക്കെ''. എന്നായിരുന്നു ഡിംപലിന്റെ പേര് പറഞ്ഞു കൊണ്ട് രമ്യ പറഞ്ഞത്. ഡിംപലിന്റെ ഇരട്ടത്താപ്പ് രമ്യ തുറന്നു കാണിച്ചുവെന്നാണ് സോഷ്യല്‍ മീഡിയ പറയുന്നത്.

ഇന്ന് ഡിംപലിന്റെ മുഖത്ത് നോക്കി നോമിനേഷന്‍ ടൈമിന്‍ അവളുടെ ഇരട്ടത്താപ്പ് പൊളിച്ച രമ്യക്ക് കൈയ്യടി. പുറത്തു പിന്തുണ ഉള്ളത് കൊണ്ട് ഇനിയും ഡിംപലിനെ പതപ്പിച്ചു നില്‍ക്കും എന്ന് കരുതി. എന്നാല്‍ ഞെട്ടിച്ചു കളഞ്ഞു. ഇങ്ങനെ തന്റേടത്തോടെ എതിരാളി ആരായാലും പറയാന്‍ ഉള്ളത് മുഖത്ത് നോക്കി പറയുന്ന മത്സരാരത്ഥികള്‍ ആണ് ബിഗ് ബോസിന് ആവശ്യം എന്നായിരുന്നു ഒരാളുടെ പ്രതികരണം.

ഓപ്പണ്‍ നോമിനേഷന്‍ ആയിട്ടു പോലും അതു തുറന്നു പറഞ്ഞത് സമ്മതിക്കേണ്ടത് തന്നെ ആണ്.
തേപ്പിന് തേപ്പു ആണ് മറുപടി. രമ്യയോട് ആദ്യമായി ബഹുമാനം തോന്നി. വമ്പന്‍ ട്വിസ്റ്റ് ആയിരുന്നു. ഡിംപല്‍ തേഞ്ഞൊട്ടി. ഡബിള്‍ സ്റ്റാന്‍ഡ് ഗെയിം പൊളിച്ചടുക്കി. സത്യം അവിടെ എല്ലാവരും ഇത് പോലെ ചെയ്തിരുന്നെങ്കില്‍ പല മാന്യന്മാരും ഇത് പോലെ ചമ്മിയേനെ! ബി ലൈക്ക് രമ്യ ഗയ്‌സ്.. ഇതൊക്കെ അല്ലെ ബിഗ്ഗ്ബോസ്. എന്നെല്ലാമാണ് രമ്യയുടെ വാക്കുകളോടുള്ള സോഷ്യല്‍ മീഡിയയുടെ പ്രതികരണങ്ങള്‍.