മമ്മൂട്ടി പറഞ്ഞിട്ട് ഡയലോഗ് മാറ്റി, അതോടെ മോഹന്‍ലാല്‍ എന്ന നടനെ തനിക്ക് നഷ്ടമായി: സംവിധായകന്‍ പറയുന്നു

ഗീതത്തില്‍ മമ്മൂട്ടിയായിരുന്നു നായകന്‍. ഗീത ഇരട്ട വേഷത്തില്‍, തിലകന്റെ രണ്ടുമക്കളായി. ഇതില്‍ ഒരു മകള്‍ മമ്മൂട്ടിയുടെ കഥാപാത്രമായ യതീന്ദ്രന്റെ നാടക സമിതിയിലെ അസിസ്റ്റന്റ് ഡയറക്ടറാണ്. മറ്റേ മകള്‍ അച്ഛനോടൊപ്പം കഴിയുന്നു. പ്രസവത്തോടെ ഗീത മരിക്കുന്നു. അതോടെ ആ കുട്ടിയുടെ ഉത്തരവാദിത്തം മമ്മൂട്ടി ഏറ്റെടുക്കുന്നു. ആ കുട്ടിയുടെ അച്ഛന്‍ യഥാര്‍ത്ഥത്തില്‍ മോഹന്‍ലാല്‍ അവതരിപ്പിച്ച കഥാപാത്രമായിരിക്കും. അദ്ദേഹം സമ്പന്നന്‍ ആയ ശേഷം അമേരിക്കയില്‍ നിന്നും തിരിച്ചു വരികയാണ്.

ചിത്രത്തില്‍ മോഹന്‍ലാലിന്റേത് അതിഥി വേഷമാണ്. എന്നാല്‍ കഥാപാത്രത്തിന്റെ പ്രധാന്യം മനസിലാക്കി മോഹന്‍ലാല്‍ അഭിനയിക്കാന്‍ സമ്മതിക്കുകയായിരുന്നു. എന്നാല്‍ സിനിമയുടെ ചില സമയത്ത് ചില ഡയലോഗുകള്‍ മാറ്റണമെന്ന് മമ്മൂട്ടിയ്ക്ക് തോന്നി. ഇത് ഡബ്ബിംഗ് സമയത്ത് മോഹന്‍ലാല്‍ ചോദിച്ചു. ആ ഡയലോഗ് ഉണ്ടായിരുന്നല്ലോ ആ ഡയലോഗ് എവിടെ എന്ന്. അത് കട്ട് ചെയ്തുവെന്ന് പറഞ്ഞപ്പോള്‍ എന്തിനെന്ന് ലാല്‍ ചോദിച്ചു. അത് വേണ്ട എന്ന് താന്‍ പറഞ്ഞുവെന്നും സാജന്‍ പറയുന്നു.

ഓഹോ അത് വേണ്ടല്ലേ. ശരി ഓക്കെ ഓക്കെ എന്നായിരുന്നു മോഹന്‍ലാലിന്റെ പ്രതികരണം. ആ വാക്കുകളിലൂടെ അദ്ദേഹത്തിന്റെ മനസിന് മുറിവേറ്റുവെന്ന് തനിക്ക് ബോധ്യപ്പെട്ടുവെന്നാണ് സംവിധായകന്‍ ഓര്‍ക്കുന്നത്. സത്യത്തില്‍ മമ്മൂട്ടി പറഞ്ഞിട്ടായിരുന്നു ഡയലോഗ് മാറ്റിയത്. അത് എസ്എന്‍ സ്വാമിയ്ക്കും അറിയാം. എന്നാല്‍ ഇക്കാര്യം മോഹന്‍ലാലിനോട് പറഞ്ഞില്ല. അദ്ദേഹം അത് വളരെ ഡിപ്ലോമാറ്റിക് ആയാണ് കൈകാര്യം ചെയ്തത്. ഡബ്ബിംഗ് കഴിഞ്ഞ് പോകുമ്പോള്‍ എല്ലാം കഴിഞ്ഞല്ലോ അല്ലേ, ശരി ഇനി നമ്മള്‍ കാണില്ല കെട്ടോ എന്നും അദ്ദേഹം പറഞ്ഞുവെന്നും സാജന്‍ പറയുന്നു.

Recommended Video

നിന്റെയൊന്നും സഹായം വേണ്ടെന്നാണ് വാപ്പച്ചിയുടെ മറുപടി | FilmiBeat Malayalam

ഈ സംഭവം താന്‍ മമ്മൂട്ടിയോട് പറഞ്ഞില്ല. എന്നാല്‍ മമ്മൂട്ടി കാരണമാണ് മോഹന്‍ലാല്‍ എന്ന നടനെ തനിക്ക് പിന്നീടുള്ള സിനിമകളില്‍ നഷ്ടമായത്. ആ ഒരൊറ്റ ഡയലോഗിന്റെ പേരിലായിരുന്നുവെന്നും സാജന്‍ പറയുന്നു. അത് എസ്എന്‍ സ്വാമിക്കും നിര്‍മ്മാതാവിനും അറിയാമെന്നും താന്‍ ആരോടും പറഞ്ഞിട്ടില്ലെന്നും സാജന്‍ പറയുന്നു. ഇതെല്ലാം മമ്മൂട്ടിയ്ക്കും മോഹന്‍ലാലിനും അറിയുമോ എന്നറിയില്ലെന്നും ഇരുവരും ഇന്നും നല്ല സുഹൃത്തുക്കളാണെന്നും സാജന്‍ പറയുന്നു.