അന്ന് അമ്പിളി ദേവിയോട് വഴക്കിട്ട് കരഞ്ഞ നവ്യ ഇന്ന് അവളെ ചേര്‍ത്തു പിടിച്ചു; ആശ്വസിപ്പിച്ച് ഫോണ്‍ കോള്‍!

കഴിഞ്ഞ കുറച്ച് ദിവസങ്ങളായി അമ്പിളിയുടെ ജീവിതമാണ് വാര്‍ത്തകളിലും സോഷ്യല്‍ മീഡിയയിലുമെല്ലാം ചര്‍ച്ചാ വിഷയം. ഭര്‍ത്താവ് ആദിത്യന്‍ ജയന് മറ്റൊരു സ്ത്രീയുമായി ബന്ധമണ്ടെന്നും തന്നെ ഭീഷണിപ്പെടുത്തുകയാണെന്നെല്ലാമായിരുന്നു അമ്പിളി ദേവിയുടെ വെളിപ്പെടുത്തല്‍. വലിയ വിവാദമായി മാറിയിരിക്കുകയാണ് അമ്പിളിയുടെ വെളിപ്പെടുത്തല്‍. പിന്നാലെ അമ്പിളിക്കെതിരെ ആരോപണങ്ങളുമായി ആദിത്യനുമെത്തി.

ശാരീരികവും മാനസികവുമായ ധാരാളം വെല്ലുവിളികള്‍ അനുഭവിച്ചു. ഇനിയും കരയാന്‍ വയ്യെന്നാണ് അമ്പിളി പറയുന്നത്. കഴിഞ്ഞ ദിവസം തന്റെ സുഹൃത്തായ നടി അനു ജോസഫിന്റെ വീഡിയോയിലെത്തിയും അമ്പിളി തന്റെ ജീവിതത്തെ കുറിച്ച് തുറന്ന് സംസാരിച്ചിരുന്നു. ഒരുപാട് സഹിച്ചുവെന്നാണ് അമ്പിളി ദേവി പറയുന്നത്. അതേസമയം ധാരാളം പേര്‍ തന്നെ ഫോണിലൂടെ വിളിച്ചും മറ്റും ആശ്വസിപ്പിച്ചുവെന്നും അമ്പിളി ദേവി പറയുന്നുണ്ട്.

നേരിട്ട് പരിചയമില്ലാത്തവര്‍ പോലും വിളിച്ച് ആശ്വസിപ്പിച്ചുവെന്നാണ് അമ്പിളി ദേവി പറയുന്നത്. സിനിമാ മേഖലയില്‍ നിന്നും പലരും തന്നെ വിളിച്ചുവെന്നാണ് അമ്പിളി പറയുന്ത്. നവ്യ നായരുടെ ഭര്‍ത്താവ് തന്നെ വിളിച്ചുവെന്നും അമ്പിളി ദേവി പറഞ്ഞു. വിഷമിക്കണ്ട ഞങ്ങളൊക്കെ കൂടെയുണ്ടെന്നാണ് സന്തോഷേട്ടന്‍ പറഞ്ഞതെന്നും അദ്ദേഹം വിളിച്ചപ്പോള്‍ അമ്മയാണ് ഫോണെടുത്തതെന്നും അമ്പിളി ദേവി പറഞ്ഞു.

ആദിത്യനെതിരെ അമ്പിളി ദേവിയുടെ അമ്മയും തുറന്നടിച്ചിരുന്നു. അവന് ഓസ്‌കാര്‍ നല്‍കണമെന്നാണ് അമ്പിളി ദേവിയുടെ അമ്മ പറയുന്നത്. ഈ ചെയ്തതിനൊക്കെ അനുഭവിക്കാതെ എങ്ങനെയാണെന്നാണ് അമ്മ ചോദിക്കുന്നത്. ചതി പറ്റിപ്പോയെന്നും ഒരുപാട് അനുഭവിക്കുകയും സഹിക്കുകയും ചെയ്തുവെന്നും അമ്മ പറഞ്ഞു.

ഇപ്പോള്‍ ഞാന്‍ ആലോചിച്ച് നോക്കുമ്പോള്‍, പെങ്ങള്‍ അടുക്കുന്നില്ല, ചേട്ടന്‍ അടുക്കുന്നില്ല, അമ്മ മരിച്ചു പോയി. അമ്മ മരിക്കുന്നതിന് മുമ്പ് വസ്തുക്കളൊക്കെ പെങ്ങള്‍ക്ക് എഴുതിക്കൊടുത്തു എന്നൊക്കെ ഞങ്ങളോട് പറഞ്ഞപ്പോള്‍ അതൊക്കെ സത്യമാണെന്ന് ഞങ്ങള്‍ കരുതി. പക്ഷെ അങ്ങനൊക്കെ സംഭവിച്ചത് ഇവനെ അവര്‍ ശരിക്കും മനസിലാക്കിയത് കൊണ്ടാണെന്നും അമ്മ പറഞ്ഞു.