തിയേറ്ററിൽ പോയി സിനിമ കാണാറില്ല!! അച്ഛൻ ആകെ കണ്ടത് ഇരുപത്തിയെന്നാം നൂറ്റാണ്ട്

അമ്മയുടെ പ്രാർഥന.

പ്രതീക്ഷിച്ചതിലും മികച്ച പ്രതികരണമാണ് സൂത്രക്കാരന് ലഭിക്കുന്നത്. ചിത്രത്തിലെ തന്റെ കഥാപാത്രത്തിന് നല്ല റിപ്പോർട്ടാണ് ലഭിക്കുന്നത്. ദൈവാനുഗ്രഹം കൊണ്ടോ ഗുരുത്വമോ അച്ഛന്റേയും അമ്മയുടേയും പ്രാർഥന കൊണ്ടാകാം താൻ ഇതുവരെ ചെയ്ത കഥാപാത്രങ്ങൾക്ക് മോശമായ പ്രതികരണം കിട്ടിയിട്ടില്ല. അതുപോലെ സൂത്രക്കാരനിലെ എന്റെ കഥാപാത്രത്തിനും ആളുകൾക്കിടയിൽ മികച്ച പ്രതികരണം ലഭിക്കുന്നുണ്ട്.

പ്രായത്തിനു ചേർന്ന കഥാപാത്രങ്ങൾ

താൻ ഇതുവരെ ചെയ്തത് തന്റെ പ്രായത്തിന് ചേർന്ന കഥാപാത്രങ്ങളാണ്. അവയോട് എനിയ്ക്ക് നീതി പുലർത്താൻ കഴിഞ്ഞിട്ടുണ്ടെന്നാണ് വിശ്വാസം. ഇതുവരെ നെഗറ്റീവ് അഭിപ്രായങ്ങൾ കേട്ടിട്ടില്ലെന്നും. കേൾക്കുന്നതിൽ അൽപമെങ്കിലും കഴമ്പുണ്ടെങ്കിൽ താൻ സ്വീകരിക്കാറുണ്ടെന്നും ഗോകുൽ പറയുന്നു. അച്ഛനോ അദ്ദേഹത്തിന്റെ കൂട്ടത്തിൽപ്പെടുന്ന താരങ്ങളൊ ചെയ്യുന്ന തരത്തിലുളള കഥാപാത്രങ്ങൾ താൻ ഇതുവരെ ചെയ്തിട്ടില്ലെന്നും ഗോകുൽ കൂട്ടിച്ചേർത്തു.

ആകെ കണ്ടത് ഇരുപത്തിയൊന്നാം നൂറ്റാണ്ട്

അച്ഛൻ സ്വന്തം ചിത്രങ്ങൾ പോലും തിയേറ്ററിൽ പോയി കാണാറില്ല. അപൂർവ്വമായി മാത്രമാണ് അദ്ദേഹത്തിന്റെ സിനിമ തിയേറ്ററിൽ പോയി കാണുന്നത്. ആദ്യമായി കണ്ട എന്റെ ചിത്രം ഇരുപത്തിയൊന്നാം നൂറ്റാണ്ടാണ്. അതിനു കാരണം അമ്മയാണ്. അമ്മ കൂടി പറഞ്ഞപ്പോഴാണ് അദ്ദേഹം പോയി സിനിമ കണ്ടത്. പെട്ടെന്ന് കയറി വളരേണ്ട. പതുക്കെ വളർന്നാൽ മതി. ഞങ്ങളൊക്കെ ഇങ്ങനെയായിരുന്നു വളർന്നതെന്നായിരുന്നു അച്ഛന്റെ പ്രതികരണം. അദ്ദേഹത്തിൽ നിന്ന് ഞാൻ ഈ ഡയലോഗായിരുന്നു പ്രതീക്ഷിച്ചിരുന്നതെന്നും താരം കൂട്ടിച്ചേർത്തു.

താരപുത്രന്മാർ

താരപുത്രന്മാർ കേന്ദ്രകഥാപാത്രത്തിലെത്തിയ ചിത്രമായിരുന്നു സൂത്രക്കാരൻ. ഗോകുൽ സുരേഷിനെ കൂടാതെ നടനും നിർമാതാവുമായ മണിയൻപ്പിളള രാജുവിന്റെ മകൻ നിരഞ്ജനും ചിത്രത്തിൽ പ്രധാന കഥാപാത്രത്തെ അവതരിപ്പിച്ചിരുന്നു. വ്യത്യസ്ത ലുക്കിലായിരുന്നു ഈ ചിത്രത്തിൽ ഗോകുൽ പ്രത്യക്ഷപ്പെട്ടത്. വര്‍ഷയാണ് ചിത്രത്തിലെ നായിക. അനില്‍ രാജ് ആണ് ചിത്രം സംവിധാനം ചെയ്തിരിക്കുന്ന ചിത്രത്തിൽ ലാലു അലക്സ്, ധര്‍മജന്‍, ശ്വാസിക, കൈലാഷ്,വിജയരാഘവന്‍, സരയൂ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.