അമ്മയെ കൂട്ടാന്‍ വന്ന പൃഥ്വിയെ ഡ്രൈവര്‍ ആക്കിയോ? സോഷ്യല്‍ മീഡിയയ്ക്ക് ജൂഡിന്റെ മറുപടി

ചിത്രത്തില്‍ മല്ലിക സുകുമാരന്‍ അവതരിപ്പിക്കുന്ന കഥാപാത്രത്തെ കൂട്ടിക്കൊണ്ടു പോകാനായി വരുന്ന ഡ്രൈവറാണ് ചര്‍ച്ചാവിഷയം. ഈ ഡ്രൈവര്‍ വേഷം ചെയ്ത നടന് മല്ലികയുടെ ഇളയമകനും മലയാളത്തിലെ സൂപ്പര്‍ താരവുമായ പൃഥ്വിരാജിന്റെ രൂപസാദൃശ്യം ഉണ്ടെന്നാണ് സോഷ്യല്‍ മീഡിയ പറയുന്നത്. ഷൂട്ടിംഗ് കഴിഞ്ഞ് പോകാന്‍ നിന്ന മല്ലികയെ കൊണ്ടു പോകാന്‍ വന്ന പൃഥ്വിയെ ജൂഡ് ഷൂട്ട് ചെയ്ത് സീനിലാക്കിയാതാണോ എന്നാണ് സോഷ്യല്‍ മീഡിയയുടെ ചോദ്യം. ഇതോടെ ചോദ്യങ്ങള്‍ക്ക് മറുപടിയുമായി എത്തിയിരിക്കുകയാണ് ചിത്രത്തിന്റെ സംവിധായകന്‍.

മല്ലികാമ്മ എനിക്ക് അമ്മയെപ്പോലെയാണ്. അവര്‍ക്ക് ഞാനൊരു മകനെ പോലെയാണെന്ന് പറയുന്നതിലും അഭിമാനമുണ്ട്. അതുകൊണ്ട് തന്നെ രാജു എനിക്ക് സഹദോരനെപ്പോലെയാണ്. എന്നാല്‍ സിനിമയിലെ ആ ചെറുപ്പക്കാരന്‍ രാജുവല്ലെന്നായിരുന്നു ജൂഡിന്റെ മറുപടി. രസകരമായ ചര്‍ച്ചകള്‍ക്കും അഭ്യൂഹങ്ങള്‍ക്കുമാണ് സംവിധായകന്‍ ഇങ്ങനെ ഒരു തീരുമാനം ആക്കിയിരിക്കുന്നത്. സോഷ്യല്‍ മീഡിയയിലൂടെയായിരുന്നു സംവിധായകന്റെ പ്രതികരണം. ഒരു ട്രോള്‍ പങ്കുവച്ചു കൊണ്ടായിരുന്നു സംവിധായകന്‍ വിശദീകരണം നടത്തിയത്.

അതേസമയം സാറാസ് കൈയ്യടികളുമായി മുന്നേറുകയാണ്. അന്ന ബെന്‍, സണ്ണി വെയ്ന്‍, മല്ലിക സുകുമാരന്‍ എന്നിവര്‍ക്ക് പുറമെ ബെന്നി പി നായരമ്പലം, ധന്യ വര്‍മ, തുടങ്ങിയവരും ചിത്രത്തില്‍ അഭിനയിച്ചിട്ടുണ്ട്. വിനീത് ശ്രീനിവാസന്‍, സിജു വില്‍സണ്‍ തുടങ്ങിയ താരങ്ങള്‍ അതിഥി വേഷത്തിലും എത്തിയിട്ടുണ്ട്.

Prithviraj and Dulquer's friendly chat in Instagram | FIlmiBeat Malayalam

ചിത്രത്തിന് എങ്ങും മികച്ച പ്രതികരണങ്ങളാണ് ലഭിച്ചു വരുന്നത്. അക്ഷയ് ഹരീഷ് ആണ് ചിത്രത്തിന്റെ രചന. ഷാന്‍ റഹ്‌മാന്റേതാണ് സംഗീതം. പികെ മുരളീധരനും ശാന്ത മുരളിയും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. റിയാസ് കെ ബദര്‍ ആണ് ചിത്രത്തിന്റെ എഡിറ്റര്‍. നിമിഷ് രവിയാണ് ഛായാഗ്രഹണം.