മോഹന്‍ലാലിന്റെ ആദ്യ സംവിധാന സംരംഭം ഒക്ടോബറില്‍? ബറോസ്സിന്‌റെ വരവിനായി കാത്ത് ആരാധകര്‍! കാണൂ

ബറോസ് എന്ന സിനിമ

ബറോസ് എന്ന പേരില്‍ ഒരു ത്രീഡി ചിത്രമായിരിക്കും ഒരുക്കയെന്ന് മോഹന്‍ലാല്‍ മുന്‍പ് അറിയിച്ചിരുന്നു. അഭിനേതാവായുളള തിരക്കുകള്‍ക്കിടയാണ് ലാലേട്ടന്‍ സംവിധാനത്തിലേക്കും നീങ്ങിയിരിക്കുന്നത്. ഗോവ കേന്ദ്രീകരിച്ചായിരിക്കും സിനിമയുടെ ഷൂട്ടിംഗ് നടക്കുകയെന്നും നേരത്തെ റിപ്പോര്‍ട്ടുകള്‍ വന്നിരുന്നു. പോര്‍ച്ചൂഗീസ് പശ്ചാത്തലത്തിലാണ് സിനിമയുടെ കഥ പറയുന്നത്. ബറോസ് പ്രേക്ഷകര്‍ക്ക് ഒരു വ്യത്യസ്തമായൊരു ലോകം തീര്‍ക്കുമെന്നും ബ്ലോഗിലൂടെ ലാലേട്ടന്‍ അറിയിച്ചിരുന്നു.

ബിഗ് ബഡ്ജറ്റിലാണ്

ത്രീഡി ഫോര്‍മാറ്റില്‍ അണിയിച്ചൊരുക്കുന്ന സിനിമ കുട്ടികള്‍ക്കും വലിയവര്‍ക്കും ഒരേപോലെ ആസ്വദിക്കാന്‍ കഴിയുന്ന തരത്തിലായിരിക്കും ഒരുക്കുക. മൈഡിയര്‍ കുട്ടിച്ചാത്തന്‍ സംവിധാനം ചെയ്ത ജിജോ നവോദയ എഴുതിയ കഥയുടെ പശ്ചാത്തലത്തിലാണ് മോഹന്‍ലാല്‍ തന്റെ ആദ്യ ചിത്രം അണിയിച്ചൊരുക്കുന്നത്. വലിയ തയ്യാറെടുപ്പുകള്‍ വേണ്ടി വരുന്ന സിനിമ ബിഗ് ബഡ്ജറ്റിലാണ് അണിയിച്ചൊരുക്കുന്നത്

ബറോസിന്റെ ഷൂട്ടിംഗ്

ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ഈ ബിഗ് ബഡ്ജറ്റ് ചിത്രം നിര്‍മ്മിക്കുന്നത്. ഗോവ പ്രധാന ലൊക്കേഷനായ ചിത്രം നിരവധി വിദേശരാജ്യങ്ങളിലും ചിത്രീകരിക്കുമെന്നാണ് അറിയുന്നത്. ബറോസിന്റെ ഷൂട്ടിംഗ് ഒക്ടോബറില്‍ ആരംഭിക്കുമെന്ന് പുതിയ റിപ്പോര്‍ട്ടുകള്‍ വന്നിരുന്നു. പ്രീ പ്രൊഡക്ഷന്‍ ജോലികള്‍ കൃത്യസമയത്ത് പുരോഗമിക്കുകയാണെങ്കില്‍ ഒക്ടോബറോടു കടി സിനിമയുടെ ഷൂട്ടിംഗ് ആരംഭിക്കുമെന്നാണ് അറിയുന്നത്.

കാസ്റ്റിംഗും പ്രീ പ്രൊഡക്ഷന്‍ വര്‍ക്കുകളും

കൂടാതെ സിനിമ പ്രധാന ഭാഷകളിലെല്ലാം തന്നെ മൊഴിമാറ്റി പ്രദര്‍ശിപ്പിക്കുമെന്നും അറിയുന്നു. സിനിമയുടെ കാസ്റ്റിംഗും പ്രീ പ്രൊഡക്ഷന്‍ വര്‍ക്കുകളും ആരംഭിച്ചെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. സിനിമയെ സംബന്ധിച്ചുളള മറ്റു വിവരങ്ങള്‍ ഉടന്‍ തന്നെ അണിയറക്കാര്‍ പുറത്തുവിടുമെന്നും അറിയുന്നു. സംവിധായകനായുളള മോഹന്‍ലാലിന്റെ അരങ്ങേറ്റത്തിന് ആശംസകളറിയിച്ച് നേരത്തെ നിരവധി പേര്‍ രംഗത്തുവന്നിരുന്നു.

മോഹന്‍ലാല്‍ ചിത്രത്തിനായി

നടന്‍ പൃഥ്വിരാജ് ചിത്രത്തെക്കുറിച്ച് നേരത്തെ തന്നെ അറിയാമെന്ന് പറഞ്ഞുകൊണ്ടായിരുന്നു എത്തിയിരുന്നത്. ഒപ്പം മുന്‍പ് ലാലേട്ടനെക്കുറിച്ച് പൃഥ്വി പറഞ്ഞ വാക്കുകളും വീണ്ടും വൈറലായി മാറുകയും ചെയ്തിരുന്നു. മഞ്ജു വാര്യര്‍,വിഎ ശ്രീകുമാര്‍,ടൊവിനോ തോമസ് തുടങ്ങിയ സിനിമാ പ്രവര്‍ത്തകരെല്ലാം ചിത്രത്തിന് ആശംസകളുമായി എത്തിയിരുന്നു. സിനിമാ പ്രവര്‍ത്തകരെ പോലെ പ്രേക്ഷകര്‍ ഒന്നടങ്കം വലിയ പ്രതീക്ഷകളോടെയാണ് മോഹന്‍ലാല്‍ ചിത്രത്തിനായി കാത്തിരിക്കുന്നത്.