കൊച്ചിയില്‍ പറന്നിറങ്ങി നയന്‍താര; കൈകള്‍ കോര്‍ത്തുപിടിച്ച് കൂട്ടിന് വിഗ്നേഷും, വരവിന് പിന്നില്‍!

നേരത്തേയും ഇരുവരും കേരളത്തിലേക്ക് വന്നിരുന്നു. ഇതിന്റെ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. ഇന്നലെയാണ് നയന്‍താരയും വിഗ്നേഷും കൊച്ചിയിലെത്തിയത്. പ്രൈവറ്റ് ജെറ്റിലായിരുന്നു നയന്‍താരയും വിഗ്നേഷും വന്നിറങ്ങിയത്. പരസ്പരം കൈകള്‍ കോര്‍ത്തുപിടിച്ച് നടക്കുന്ന നയന്‍താരയുടേയും വിഗ്നേഷിന്റേയും ചിത്രങ്ങള്‍ സോഷ്യല്‍ മീഡിയയില്‍ വൈറലായിയ മാറിയിരിക്കുകയാണ്. നയന്‍താര തന്നെയാണ് ചിത്രം സോഷ്യല്‍ മീഡിയയിലൂടെ പങ്കുവച്ചിരിക്കുന്നത്.

കഴിഞ്ഞ ആറ് വര്‍ഷമായി നയന്‍താരയും വിഗ്നേഷും തമ്മില്‍ പ്രണയത്തിലാണ്. ഇരുവരും വിവാഹിതരാവുകയാണെന്ന് നേരത്തെ വാര്‍ത്തകളുണ്ടായിരുന്നു. എന്നാല്‍ ഇപ്പോള്‍ വിവാഹത്തെ കുറിച്ച് ചിന്തിക്കുന്നില്ലെന്നും തങ്ങള്‍ പരസ്പരം പ്രണയിക്കുകയാണെന്നുമായിരുന്നു വാര്‍ത്തകള്‍ നിഷേധിച്ചു കൊണ്ട് വിഗ്നേഷ് പറഞ്ഞത്. കൊച്ചിയിലെത്തിയ നയന്‍താരയും വിഗ്നേഷും രണ്ട് ദിവസത്തിനകം തിരികെ ചെന്നൈയിലേക്ക് പോകുമെന്നാണ് അറിയാന്‍ സാധിക്കുന്നത്. ഇരുവരുടേയും ചിത്രങ്ങള്‍ വൈറലായി മാറിയിരിക്കുകയാണ്. നേരത്തെ കൊവിഡിനുള്ള വാക്‌സിന്‍ എടുക്കുന്ന തന്റേയും നയന്‍താരയുടേയും ചിത്രങ്ങള്‍ വിഗ്നേഷ് പങ്കുവച്ചിരുന്നു. എല്ലാവരോടും വാക്‌സിന്‍ എടുക്കണമെന്നും താരങ്ങള്‍ ആവശ്യപ്പെട്ടിരുന്നു.

അതേസമയം നയന്‍താരയുടെ നെട്രിക്കണ്‍ റിലീസിന് തയ്യാറെടുക്കുകയാണ്. കൊറിയന്‍ ത്രില്ലറായ ബ്ലൈന്‍ഡിന്റെ റീമേക്കാണ് ചിത്രം. വിഗ്നേഷ് ശിവന്‍ ആണ് ചിത്രം നിര്‍മ്മിച്ചിരിക്കുന്നത്. അതേസമയം വിഗ്നേഷ് സംവിധാനം ചെയ്യുന്ന കാത്തു വാക്കുളെ രണ്ട് കാതല്‍ ആണ് മറ്റൊരു നയന്‍താര ചിത്രം. ചിത്രത്തില്‍ വിജയ് സേതുപതിയും സമാന്തയും പ്രധാന വേഷങ്ങളിലെത്തുന്നുണ്ട്. നിഴല്‍ ആണ് നയന്‍താരയുടെ ഒടുവില്‍ റിലീസ് ചെയ്ത ചിത്രം. കുഞ്ചാക്കോ ബോബനായിരുന്നു ചിത്രത്തിലെ നായകന്‍.

Recommended Video

ചിമ്പു, പ്രഭുദേവ, വിഘ്നേശ് ... ഇത്തവണ അത് നടക്കുമോ? | filmibeat Malayalam

മൂക്കുത്തി അമ്മന്‍ ആയിരുന്നു നയന്‍താരയുടെ ഒടുവില്‍ പുറത്തിറങ്ങിയ തമിഴ് ചിത്രം. ചിത്രത്തില്‍ ദേവിയായിട്ടാണ് നയന്‍താര അഭിനയിച്ചത്. അണ്ണാത്തെയാണ് ഇനി പുറത്തിറങ്ങാനുള്ള മറ്റൊരു ചിത്രം. രജനീകാന്ത് ചിത്രമായ അണ്ണാത്തെയില്‍ കീര്‍ത്തി സുരേഷും പ്രധാനവേഷത്തിലെത്തുന്നുണ്ട്. ദര്‍ബാറിന് ശേഷം രജനീകാന്തും നയന്‍താരയും ഒരുമിച്ച് അഭിനയിക്കുന്ന ചിത്രമാണ് അണ്ണാത്തെ.