അസ്വാരസ്യങ്ങള്‍ക്ക് വിട.. ഒടിയന്‍ ക്ലൈമാക്‌സ് ചിത്രീകരണം പുരോഗമിക്കുന്നു.. ഉദ്വേഗഭരിതമായ രംഗങ്ങള്‍!

ഉദ്വേഗഭരിതമായ ക്ലൈമാക്‌സ്

വര്‍ഷങ്ങള്‍ക്ക് മുന്‍പ് നിലനിന്നിരുന്ന ഒടിവിദ്യയെക്കുറിച്ചും അത് ചെയ്യുന്നവരായ ഒടിയനെക്കുറിച്ചുമാണ് ചിത്രം പറയുന്നത്. ചിത്രത്തെക്കുറിച്ച് അനൗണ്‍സ് ചെയ്തപ്പോള്‍ മുതല്‍ പ്രേക്ഷകര്‍ ഏറെ ആകാംക്ഷയിലായിരുന്നു. ഉദ്വേഗഭരിതമായ ക്ലൈമാക്‌സ് രംഗങ്ങളാണ് ഇപ്പോള്‍ ചിത്രീകരിച്ചുകൊണ്ടിരിക്കുന്നത്.

ഒരു മാസത്തോളം നീളും

ഒക്ടോബര്‍ ആറിനാണ് ക്ലൈമാക്‌സ് രംഗത്തിന്റെ ഷൂട്ടിങ്ങ് ആരംഭിച്ചത്. ചിത്രീകരണം ഏതാണ്ട് ഒരു മാസത്തോളം നീളുമെന്ന് നേരത്തെ തന്നെ സംവിധായകന്‍ അറിയിച്ചിരുന്നു.

രാത്രികാലങ്ങളിലെ ചിത്രീകരണം

രാത്രി കാലങ്ങളിലാണ് കൂടുതല്‍ ഭാഗവും ചിത്രീകരിക്കുന്നത്. ഷൂട്ടിങ്ങിനിടയിലെ ചില ചിത്രങ്ങള്‍ സോഷ്യല്‍ മീഡിയയിലൂടെ പ്രചരിച്ചിരുന്നു. നിമിഷങ്ങള്‍ക്കകമാണ് ചിത്രം വൈറലായത്.

പീറ്റര്‍ ഹെയ്‌നിന്റെ നേതൃത്വത്തില്‍

പുലിമുരുകന് ശേഷം പീറ്റര്‍ ഹെയ്ന്‍ ആക്ഷന്‍ ഒരുക്കുന്ന ചിത്രമാണ് ഒടിയന്‍. രണ്ട് സിനിമകള്‍ മാറ്റി വെച്ചാണ് അദ്ദേഹം ഒടിയനിലേക്ക് എത്തിയത്. പീറ്റര്‍ ഹെയ്ന്‍ വീണ്ടും എത്തുന്നുവെന്ന് കേട്ടപ്പോള്‍ മുതല്‍ തന്നെ ആരാധകര്‍ സന്തോഷത്തിലായിരുന്നു.

ദേശീയ പുരസ്‌കാരം നേടുമെന്ന പ്രത്യാശ

പുലിമുരുകനിലൂടെ മികച്ച സറ്റണ്ട് കോറിയോഗ്രാഫറിനുള്ള പുരസ്‌കാരം സ്വന്തമാക്കിയ പീറ്റര്‍ ഹെയ്‌നിന് ഈ ചിത്രത്തിലൂടെയും പുരസ്‌കാരം ലഭിക്കുമെന്ന പ്രത്യാശയും സംവിധായകന്‍ പങ്കുവെക്കുന്നു.

ഒരാഴ്ചയ്ക്കുള്ളില്‍ അറിയിക്കാം

ചിത്രീകരണത്തിന്റെ തിരക്കിലാണ് തങ്ങള്‍ എന്ന് സംവിധായകന്‍ പറയുന്നു. ഒരാഴ്ചയ്ക്കുള്ളില്‍ ചിത്രീകരണത്തെക്കുറിച്ചുള്ള വിശേഷങ്ങള്‍ പങ്കുവെക്കാമെന്നും അദ്ദേഹം അറിയിച്ചു.