ആരേയും തകർക്കാനില്ല, ചോദ്യങ്ങൾക്ക് ഉത്തരം കിട്ടണം, പാർവതിയും എഎംഎംഎയും തമ്മിലുള്ള പ്രശ്നം ഇത്....

തിരഞ്ഞെടുപ്പിൽ മത്സരിക്കാൻ ആഗ്രഹിച്ചിരുന്നു

എഎംഎംഎയുടെ സംഘടന തിരഞ്ഞെടുപ്പിൽ മത്സരിക്കാൻ ഗ്രഹിച്ചിരുന്നെന്ന് പാർവതി നേരത്തെ ഇന്ത്യൻ എക്സ്പ്രസ് മലയാളത്തിൽ എഴുതിയ ലേഖനത്തിൽ പറഞ്ഞിരുന്നു. എന്നാൽ ചിലർ തന്നെ അതിൽ നിന്ന് പിന്തിരിപ്പിച്ചെന്നും നടി വ്യക്തമാക്കിയിരുന്നു. എന്നാൽ പാർവതിയെ ആരും എതിർത്തിട്ടില്ലെന്ന് മോഹൻലാൽ വാർത്ത സമ്മേളനത്തിൽ പറഞ്ഞിരുന്നു.

തെറ്റ് തിരുത്തണം

എഎംഎംഎയിലെന്നല്ല എല്ലാ മേഖലയിലും ഇത്തരത്തിലുള്ള ഒരു സംഭവം നടന്നാൽ അതിനെതിരെ വിമർശനങ്ങളും ചർച്ചകളും ഉണ്ടാകാറുണ്ട്. അത് സ്വാഭാവികം മാത്രമാണ്. ഇത് സിനിമയിൽ ആയതു കൊണ്ട് മാത്രം ഇത്രയധികം പ്രധാന്യം ലഭിക്കുന്നു. എന്നാൽ ഇത്തരത്തിലൊരു തെറ്റ് നടന്നൽ അതിനെ തിരുത്തുക. തെറ്റായ സംഭവം നടന്നാൽ അതിനെ വിമർശിക്കുക. ഒപ്പം നല്ല ആരോഗ്യകരമായ ചർച്ചയിലൂടെ മുന്നോട്ട് പോകുക. അതിനുളള ഒരു ഇടത്തിനാണ് ഞങ്ങൾ ശ്രമിക്കുന്നതെന്നും പാർവതി പറഞ്ഞു.

ചോദ്യങ്ങൾക്ക് ഉത്തരം വേണം

താനും പത്മപ്രിയയയും എഎംഎംഎയിലെ ഒരുപാട് അംഗങ്ങളും ചിലകാര്യങ്ങൾ ചോദിക്കുന്നുണ്ട്. അതിനുളള കൃത്യമായ ഉത്തരം കിട്ടണം. അതിലൂടെ ഒരുമിച്ച് മുന്നോട്ട് പോകാനുള്ള ഒരു സാധ്യതയുണ്ടാകണം. കഴിഞ്ഞ ഒരു വർഷം മുൻപ് നടന്നത് എല്ലാവരേയും ഞെട്ടിച്ച ഒരു ഒരു സംഭവമായിരുന്നു. ആ സംഭവത്തിന്റെ ഗൗരവം കുറയാതെ തന്നെ പരസ്പരം ബഹുമാനിച്ചു കൊണ്ടുളള ചർച്ച വേണമെന്നും പാർവതി വ്യക്തമാക്കി.

മാറ്റമുണ്ടാകം

മലയാളം സിനിമ മേഖലയിൽ ഒരു മാറ്റമുണ്ടാകുമെന്നും പാർവതി പറഞ്ഞു. അത് തനിയ്ക്ക് ആത്മവിശ്വാസമുള്ള കാര്യമാണ്. അതിലേയ്ക്കുളള യാത്രയിലാണ് ഇപ്പോഴെന്നും താരം പറ‍ഞ്ഞു.

ആർക്കും ഒരു ദേഷത്തിനില്ല

വിമൻ ഇൻ സിനിമ കളക്ടീവ് എന്ന സംഘടന ഒരു സംഘടനയ്ക്കോ അല്ലെങ്കിൽ ഒരു വ്യക്തിയ്ക്കോ ദോഷം വരുത്താൻ വേണ്ടിയുളളതല്ല. ഈ രംഗത്ത് കുറച്ച് പ്രശ്നങ്ങളുണ്ട്. അതിനെ ഒരുമിച്ച് എങ്ങനെ നേരിടാം എന്ന് ആലോചിക്കുന്നതിനു വേണ്ടിയാണ്. സിനിമ എന്നത് ഡബ്യൂസിസി അംഗങ്ങളുടെ മാത്രം ജോലിസ്ഥലമല്ല, ഇവരെല്ലാവരുടേയുമാണ്.

നല്ല അന്തരീക്ഷം

ഒരു ജോസി സ്ഥലം എന്ന രീതിയിൽ സിനിമ മേഖല കൊടുക്കേണ്ട അച്ചടക്കം ബഹുമാനം എന്നിവ ചർച്ചയാകണം. ജനങ്ങൾ ഡബ്യൂസിസിയെ പലതരത്തിൽ വ്യാഖ്യാനിക്കാം. എന്നാൽ സംഘടനയുടെ ആഗ്രഹം ഒരു തൊഴിൽ മേഖലയിൽ ഒരു ആരോഗ്യകരമായ അന്തരീക്ഷം ഉണ്ടാകുക എന്നത് മാത്രമാണ്.

ആക്രമണങ്ങളെ ഭയക്കുന്നില്ല

തനിയ്ക്കെതിരെ നടക്കുന്ന സൈബർ ആക്രമണങ്ങളെ ഭയക്കുന്നില്ലെന്ന് താരം പറഞ്ഞു. ഇത്തരത്തിൽ നിരന്തരം ആക്രമിക്കുന്നവരുടെ ലക്ഷ്യം താൻ മാത്രമണെന്ന് കരുതുന്നില്ലെന്നും അവർ വ്യക്തമാക്കിയിരുന്നു. ഹേറ്റ് ക്യാംപെയ്നുകൾ ഉണ്ടാകുന്നത് ശ്രദ്ധിക്കുന്നുണ്ട്. വ്യക്തിപരമായി തിരഞ്ഞ് പിടിച്ച് ആക്രമിക്കുന്നവരെ ഒന്നും ചെയ്യാൻ കഴിയില്ലെന്നും പാർവതി പറഞ്ഞു.