പ്രഭാസും അനുഷ്കയും വീണ്ടും പറ്റിച്ചു.. പുലി വരുമെന്ന് പറഞ്ഞ പോലെയായി ഇവരുടെ കാര്യം!

വിവാഹ വാര്‍ത്തയെക്കുറിച്ച് പ്രഭാസ് പറയുന്നത്

ആദ്യ ചിത്രത്തില്‍ ഒരുമിച്ച് അഭിനയിക്കുന്നതിനിടയില്‍ത്തന്നെ വിവാദങ്ങളുണ്ടാക്കരുതെന്ന് കരുതിയിരുന്നു. എന്നാല്‍ നായികയായെത്തിയ അനുഷ്‌കയുമായി ബന്ധപ്പെട്ട് ഗോസിപ്പുകള്‍ പരക്കുകയായിരുന്നുവെന്ന് പ്രഭാസ് പറയുന്നു. നവഭാരത് ടൈംസിനു നല്‍കിയ അഭിമുഖത്തിനിടയിലാണ് താരം കാര്യങ്ങള്‍ വ്യക്തമാക്കിയത്.

നല്ല സുഹൃത്തുക്കളാണ്

സിനിമയില്‍ മാത്രമല്ല ജീവിതത്തിലും അടുത്ത സുഹൃത്തുക്കളാണ് തങ്ങള്‍. 9 വര്‍ഷത്തിലേറെയായി തനിക്ക് അനുഷ്‌കയെ അറിയാം. അടുത്ത സുഹൃത്തുക്കളാണ് തങ്ങളെന്നും പ്രഭാസ് വ്യക്തമാക്കുന്നു.

ചിലപ്പോഴൊക്കെ തോന്നിയിട്ടുണ്ട്

തങ്ങളെ ചുറ്റിപ്പറ്റി ഗോസിപ്പുകള്‍ പ്രചരിക്കുമ്പോള്‍ അത്തരത്തില്‍ വല്ലതും ഉണ്ടായിരുന്നുവെങ്കിലെന്ന് തോന്നാറുണ്ടെന്ന് താരം പറയുന്നു. വര്‍ഷങ്ങളായി അടുത്തറിയാവുന്നവരാണ് പ്രഭാസും അനുഷ്‌കയും.

പ്രണയത്തിലല്ലായിരുന്നു

പാപ്പരാസികള്‍ പറഞ്ഞു പരത്തിയതു പോലെയല്ല കാര്യങ്ങള്‍ തങ്ങള്‍ പ്രണയത്തിലായിരുന്നുവെന്ന് താരം പറയുന്നു. ബാഹുബലി രണ്ടാം ഭാഗത്തിന് ശേഷമാണ് ഇവര്‍ പ്രണയത്തിലായതെന്ന തരത്തിലാണ് വാര്‍ത്തകള്‍ പ്രചരിച്ചിരുന്നത്.

പുതിയതായി ഒന്നുമില്ല

ഒന്നിലധികം സിനിമകളില്‍ ഒരുമിച്ചെത്തുമ്പോള്‍ സംഭവിക്കുന്ന സ്ഥിരം കാര്യമാണ് ഇപ്പോളും സംഭവിച്ചിട്ടുള്ളത്. പുതിയതായി ഒന്നും ഇപ്പോള്‍ അരങ്ങേറിയിട്ടില്ലെന്നും താരം വ്യക്തമാക്കുന്നു.

ഔദ്യോഗികമായി പ്രഖ്യാപിക്കാനൊരുങ്ങുന്നു

അനുഷ്‌കയുമായുള്ള ബന്ധത്തെക്കുറിച്ച് ഔദ്യോഗികമായി പ്രഖ്യാപിക്കാനുള്ള തയ്യാറെടുപ്പിലാണ് പ്രഭാസ് എന്ന തരത്തിലായിരുന്നു കഴിഞ്ഞ ദിവസം വാര്‍ത്തകള്‍ പ്രചരിച്ചത്. ഇതോടെ ഇവരുടെ ആരാധകര്‍ ഏറെ സന്തോഷത്തിലായിരുന്നു.

ഡിസംബറില്‍ വിവാഹ നിശ്ചയം

ഡിസംബറില്‍ പ്രഭാസും അനുഷ്‌കയും തമ്മിലുള്ള വിവാഹ നിശ്ചയം നടക്കുമെന്ന തരത്തിലുള്ള റിപ്പോര്‍ട്ടുകളായിരുന്നു കഴിഞ്ഞ ദിവസം പുറത്തുവന്നത്. വിവാഹ നിശ്ചയത്തിനായുള്ള തയ്യാറെടുപ്പിലാണ് താരമെന്ന തരത്തിലായിരുന്നു റിപ്പോര്‍ട്ടുകള്‍.

പുതിയ ചിത്രത്തിന്റെ തിരക്കിലാണ്

സുജീത് റെഡ്ഡി സംവിധാനം ചെയ്യുന്ന പുതിയ ചിത്രമായ സഹോയുമായി ബന്ധപ്പെട്ട തിരക്കിലാണ് പ്രഭാസ് ഇപ്പോള്‍. ശ്രദ്ധ കപൂറാണ് ചിത്രത്തില്‍ നായികയായി എത്തുന്നത്.