മമ്മൂട്ടിക്ക് വെല്ലുവിളി ഉയര്‍ത്താന്‍ പ്രിയനും മോഹന്‍ലാലുമില്ല, കുഞ്ഞാലിമരക്കാരല്ല അടുത്ത സിനിമ!

പ്രിയദര്‍ശന്റെ അടുത്ത സിനിമ

ബോളിവുഡിന്റെ സ്വന്തം താരപുത്രനായ അഭിഷേക് ബച്ചനെ നായകനാക്കിയുള്ള സിനിമയുടെ പണിപ്പുരയിലാണ് പ്രിയദര്‍ശനെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്.

ജൂണില്‍ ചിത്രീകരണം ആരംഭിച്ചേക്കും

നീണ്ട ഇടവേളയ്ക്ക് ശേഷമാണ് പ്രിയദര്‍ശന്‍ വീണ്ടും ബോളിവുഡിലേക്ക് എത്തുന്നത്. ചിത്രത്തിന്റെ ഷൂട്ടിങ്ങ് ജൂണില്‍ ആരംഭിക്കുമെന്നുള്ള റിപ്പോര്‍ട്ടുകളാണ് നിലവില്‍ ലഭിച്ചിട്ടുളളത്.

തമിഴ് സിനിമയ്ക്ക് ശേഷം

മലയാളത്തിലെ സൂപ്പര്‍ ഹിറ്റ് ചിത്രമായ മഹേഷിന്റെ പ്രതികാരം തമിഴ് റീമേക്കായിരുന്നു പ്രിയദര്‍ശന്റെതായി പുറത്തിറങ്ങിയ ഒടുവിലത്തെ സിനിമ. ഉദയനിധി സ്റ്റാലിനും നമിത പ്രമോദുമായിരുന്നു നിമിറിലെ നായികനായകന്‍മാര്‍.

കുഞ്ഞാലിമരക്കറിനെക്കുറിച്ച്

പ്രിയദര്‍ശന്റെയും മോഹന്‍ലാലിന്റെയും അടുത്ത സുഹൃത്തായ എം ജി ശ്രീകുമാറായിരുന്നു ഫേസ്ബുക്കിലൂടെ ഇവരുടെ കുഞ്ഞാലി മരക്കാര്‍ ആരംഭിക്കാന്‍ പോവുകയാണെന്ന് അറിയിച്ചത്.

ചരിത്രസിനിമകളില്‍ സൂപ്പര്‍താരങ്ങള്‍

ഒരേ പശ്ചാത്തലത്തിലൊരുങ്ങുന്ന ചരിത്ര സിനിമയില്‍ സൂപ്പര്‍ താരങ്ങള്‍ എത്തുന്നതില്‍ പ്രത്യേകിച്ച് കാര്യമില്ലെന്ന തരത്തിലായിരുന്നു നേരത്തെ ലഭിച്ച പ്രതികരണങ്ങള്‍. കുഞ്ഞാലി മരക്കാര്‍ നാലാമന്റെ ജീവിതകഥയായിരുന്നു രണ്ട് ടീമും തിരഞ്ഞെടുത്തത്.

മമ്മൂട്ടിക്കും സംഘത്തിനും ആശ്വസിക്കാം

മമ്മൂട്ടി നായകനായെത്തുന്ന കുഞ്ഞാലി മരക്കാറിന്‍രെ പ്രീ പ്രൊഡക്ഷന്‍ ജോലികള്‍ ആരംഭിച്ചുവെന്നറിയിച്ച് നിര്‍മ്മാതാവ് വീണ്ടും രംഗത്തെത്തിയിരുന്നു. ശ്രീകുമാറിന്റെ പോസ്റ്റ് വന്ന നിമിഷങ്ങള്‍ക്കകമാണ് അടുത്ത പോസ്റ്റ് എത്തിയത്.