പ്രണവിന്റെ കന്നി ചിത്രത്തിലെ തിരക്കഥ മോഷ്ടിച്ചത്! വർഷങ്ങൾക്കു ശേഷം അവകാശവുമായി യുവാവ്...

തന്റെ തിരക്കഥ

പ്രണവ് മോഹൻ ലാലിന്റെ കന്നി ചിത്രമായിരുന്ന പുനർജിനിയുടെ തിരക്കഥ തന്റേതാണെന്നു അവകാശവുമായി രാജേഷ് ആർ നാഥ് എന്ന യുവാവ് രംഗത്തെത്തിയിരിക്കുകയാണ്. ചിത്രത്തിന്റെ തിരക്കഥ തന്റേതാണെന്നും എന്നാൽ സിനിമയുടെ ചിത്രീകരണമോ മറ്റൊന്നും താൻ അറിഞ്ഞില്ലെന്നും ഇയാൾ പറയുന്നുണ്ട്.

പേര് മാറ്റം

2002 ൽ പുറത്തിറങ്ങിയ ചിത്രമാണ് പുനർജിനി. ചിത്രം പുറത്തിറങ്ങിയപ്പോൾ തന്റെ പേരിനു പകരം രജേഷ് അമനക്കര എന്ന പേരാണ് വന്നതെന്നും യുവാവ് പറയുന്നുണ്ട്. എന്നാൽ പിന്നീട് അവകാശവാദവും മായി ഇതിൻരെ പിന്നാലെ പോയില്ലെന്നും രജേഷ് വ്യക്തമാക്കി.

ഇപ്പോൾ പുറത്തു പറയാൻ കാരണം

ചിത്രം പുറത്തിറങ്ങി വർഷങ്ങൾക്ക് ശേഷമാണ് അവകാശവാദവുമായി രജേഷ് രംഗത്തെത്തിയിരിക്കുന്നത്. അതിനുള്ള കാരണം അയാൾ തന്നെ വ്യക്തമാക്കിയിട്ടുണ്ട്. പ്രണവിന്റെ ചിത്രത്തിന് ഇപ്പോൾ ഹൈപ്പ് കിട്ടുന്നുണ്ട്. ഈ അവസരത്തിൽ ഇത് അറിയിക്കണമെന്നും തോന്നിയെന്നും ഇയാൾ വ്യകതമാക്കി.

പ്രണവിന്റെ സെലക്ട് ചെയ്തത് താൻ

പുനർജിനിയിൽ പ്രണവിനെ കൊണ്ട് അപ്പു എന്ന കഥാപാത്രം ചെയ്യിക്കാമെന്ന് ആദ്യമായി നിർദേശിച്ചത് താനായിരുന്നുവെന്ന് രജേഷ് വ്യക്തമാക്കി. കൂടാതെ ആ സിനിമയുടെ കഥാപാത്രങ്ങളെ സൃഷ്ടിച്ചതും സംഭാഷണം രചിച്ചതുമൊക്കെ ഇദ്ദേഹമായിരുന്നു. പുനർജിനിയെ തേടി മികച്ച അംഗീകാരങ്ങള്‍ എത്തിയപ്പോഴും അണിയറയിലുള്ളവര്‍ക്ക് പേരും പ്രശസ്തിയും ലഭിച്ചപ്പോഴും താൻരെ മനസ് വല്ലാതെ വേദനിച്ചുവെന്നും രജേഷ് അഭിപ്രായപ്പെട്ടു.

സംഭവം സത്യമാണ്

രജേഷ് ആർ നാഥ് തിരക്കഥ രചിച്ച ചിത്രമായിരുന്നു പുനർജിനിയെന്ന് രാജേഷ് അമന തുറന്ന് സമ്മതിച്ചിരുന്നത്ര. വർഷങ്ങൾക്ക് ശേഷം അദ്ദേഹത്തെ കണ്ടപ്പോഴാണ് ഇതിനെപ്പറ്റി തന്നോട് പറഞ്ഞതെന്ന് രജേഷ് പറഞ്ഞു. പേര് ചേർക്കാൻ വിട്ടു പോയതാണെന്നാണ് ഇതിനു നൽകിയ വിശദീകരണം. രാജേഷ് അമനകര തന്ന വണ്‍ലൈന്‍ ബേസ് ചെയ്താണ് തിരക്കഥ തയ്യാറാതക്കിയതെന്നും രജേഷ് പറഞ്ഞു.