ഇത് താന്‍ടാ നമ്മ മക്കള്‍ സെല്‍വന്‍! മരുന്നു വാങ്ങാന്‍ പൈസ ചോദിച്ച അമ്മൂമ്മയ്ക്ക് താരം നല്‍കിയത് കാണൂ

മക്കള്‍ സെല്‍വന്‍ ആലപ്പുഴയില്‍

പുതിയ തമിഴ് ചിത്രം മാമനിതന്റെ ഷൂട്ടിംഗുമായി ബന്ധപ്പെട്ടായിരുന്നു മക്കള്‍സെല്‍വന്‍ കേരളത്തിലെത്തിയിരുന്നത്. സിനിമയിലെ പ്രധാന രംഗങ്ങള്‍ ചിത്രീകരിക്കാനായി ആലപ്പുഴയിലായിരുന്നു സേതുപതിയും സംഘവും എത്തിയത്. ആലപ്പുഴയില്‍ എത്തിയ നടന് ഗംഭീര വരവേല്‍പ്പ് തന്നെയാണ് ആരാധകര്‍ നല്‍കിയിരുന്നത്. മക്കള്‍ സെല്‍വന്‍ കീ ജയ് എന്ന് ആര്‍പ്പുവിളിച്ചുകൊണ്ടുളള വീഡിയോകള്‍ സോഷ്യല്‍ മീഡിയയില്‍ വൈറലായിരുന്നു

മാമനിതന്‍ ഷൂട്ടിംഗ്

വിജയ് സേതുപതിയുടെ തന്നെ മുന്‍ ചിത്രങ്ങള്‍ സംവിധാനം ചെയ്തിട്ടുളള സീനു രാമസാമിയാണ് മാമനിതന്‍ സംവിധാനം ചെയ്യുന്നത്. സീനു രാമസാമിയുടെ മുന്‍ ചിത്രങ്ങളായ തേന്‍മേര്‍ക്ക് പരുവകാട്രു,ധര്‍മ്മദുരൈ,ഇദം പൊരുള്‍ യെവള്‍ തുടങ്ങിയ സിനിമകളില്‍ സേതുപതിയായിരുന്നു നായകന്‍. പുതിയ ചിത്രവും വ്യത്യസ്തമാര്‍ന്നൊരു പ്രമേയത്തിന്റെ അകമ്പടിയോടെ ആണ് ഒരുക്കുന്നത്. കേരളം ഷൂട്ടിംഗിന് അനുയോജ്യമായത് കൊണ്ടാണ് സംഘം ഇവിടെ എത്തിയിരുന്നത്.

ആദ്യ ദിനം മുതല്‍

വിജയ് സേതുപതി എത്തിയ ആദ്യ ദിനം മുതല്‍ വന്‍തിരക്കായിരുന്നു ലൊക്കേഷനു സമീപം ഉണ്ടായത്. താരത്തിനൊപ്പം ചിത്രങ്ങളെടുക്കാന്‍ വേണ്ടിയാണ് കൂടുതല്‍ പേരും എത്തിയിരുന്നത്. തന്നെ കാണാനെത്തിയവരെ ആരെയും നിരാശപ്പെടുത്താതെ ആയിരുന്നു മക്കള്‍സെല്‍വന്റെ ഇടപെടല്‍. ഇതിനിടെ ആയിരുന്നു അപ്രതീക്ഷിതമായി വൃദ്ധയായ ഒരു സ്ത്രീ നടനോട് സഹായം അഭ്യര്‍ത്ഥിച്ചത്.

അമ്മൂമ്മയ്ക്ക് നല്‍കിയത്

മരുന്ന് വാങ്ങാന്‍ പൈസ ഇല്ല മോനെ എന്നായിരുന്നു അമ്മൂമ്മ വിജയുടെ ചെവിയില്‍ പറഞ്ഞത്. ഉടന്‍ തന്നെ തന്റെ സഹായികളോട് കൈയ്യിലുളള പണം തരാന്‍ നടന്‍ ആവശ്യപ്പെട്ടു. ആരുടെയെങ്കിലും കയ്യില്‍ പഴ്‌സ് ഉണ്ടോ എന്നായിരുന്നു ചോദ്യം. അവസാനം കോസ്റ്റ്യൂമര്‍ ഇബ്രാഹിമിന്റെ പഴ്‌സില്‍നിന്ന് പൈസ എത്രയെന്ന് പോലും നോക്കാതെ വിജയ് സേതുപതി ആ തുക മുഴുവന്‍ വൃദ്ധയ്ക്ക് നല്‍കി. മക്കള്‍സെല്‍വന്റെ ഈ നല്ല പ്രവൃത്തിക്ക് വലിയ കൈയ്യടിയായിരുന്നു ലഭിച്ചിരുന്നത്.

വീഡിയോ കാണൂ