Don't Miss!
- Sports T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം
- News അനിയന്ത്രിതമായ തിരക്ക്, പോളിംഗ് തടസപ്പെട്ടു; നടന് വിജയിക്കെതിരെ പരാതി; വോട്ട് ചെയ്യാനാവാതെ സൂരി
- Automobiles 17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
- Finance ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം
- Lifestyle 1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി
- Technology ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
ഞാൻ അഭിനയം നിർത്തിയെന്ന് അവർക്ക് തോന്നിയിട്ടുണ്ടാകും; അവസരങ്ങൾ കിട്ടാത്തത് എന്താണെന്ന് അറിയില്ല: ഭൂമിക
തെന്നിന്ത്യൻ പ്രേക്ഷകർക്ക് പ്രിയപ്പെട്ട നായികമാരിൽ ഒരാളാണ് ഭൂമിക ചൗള. സില്ലന് ഒരു കാതൽ എന്ന ഒറ്റ ചിത്രം മതി നടിയെ പ്രേക്ഷകർ എന്നും ഓർത്തിരിക്കാൻ. തമിഴ്, തെലുങ്ക്, ഹിന്ദി, കന്നഡ, ഭോജ്പുരി, മലയാളം തുടങ്ങി എല്ലാ ഭാഷകളിലും സാന്നിധ്യമറിയിച്ചിട്ടുണ്ട് താരം.
ഒരുകാലത്ത് തമിഴ് സിനിമകളിലെ സജീവസാന്നിധ്യമായിരുന്ന നടി അടുത്തിടെയായി വളരെ കുറച്ചു സിനിമകളിലാണ് അഭിനയിക്കുന്നത്. ബോളിവുഡിലും നിരവധി ചിത്രങ്ങളിൽ ഭൂമിക തിളങ്ങിയിരുന്നു. തേരേ നാം, സില്ലന് ഒരു കാതൽ, എംസിഎ, ഖുഷി എന്നിവയാണ് നടി അഭിനയിച്ച സൂപ്പർ ഹിറ്റ് ചിത്രങ്ങളിൽ ചിലത്.
മലയാളത്തിൽ ബ്ലെസി സംവിധാനം ചെയ്ത ഭ്രമരം, ആശ ശരത്ത് പ്രധാന വേഷത്തിൽ എത്തിയ ബഡ്ഡി എന്നി ചിത്രങ്ങളിലാണ് ഭൂമിക അഭിനയിച്ചത്. 2000 ൽ പുറത്തിറങ്ങിയ യുവകൂടു എന്ന തെലുങ്ക് ചിത്രത്തിലൂടെ ആയിരുന്നു ഭൂമികയുടെ അരങ്ങേറ്റം.
തന്റെ സിനിമ ജീവിതം ഇപ്പോൾ 23-ാം വർഷത്തിലേക്ക് കടന്നിരിക്കുകയാണെന്നും എന്നാൽ തനിക്ക് ഇപ്പോഴും ഒരു തുടക്കകാരിയെ പോലെയാണ് തോന്നുന്നതെന്നും പറയുകയാണ് ഭൂമിക ഇപ്പോൾ. അടുത്തിടെ ഒരു മാധ്യമത്തിന് നൽകിയ അഭിമുഖത്തിലാണ് ഭൂമിക തന്റെ സിനിമ ജീവിതത്തെ കുറിച്ച് മനസ് തുറന്നത്.
ബോളിവുഡിൽ നിന്ന് തനിക്കിപ്പോൾ സിനിമകൾ വരാറില്ലെന്ന് ഭൂമിക പറയുന്നുണ്ട്. ഒന്നിലെങ്കിൽ ബോളിവുഡിലെ ആളുകൾക്ക് താൻ ഇപ്പോഴും അഭിനയിക്കുന്നുണ്ടെന്ന കാര്യം അറിയില്ല അല്ലെങ്കിൽ താൻ അഭിനയം നിർത്തിയതായി അവർക്ക് തോന്നിയട്ടുണ്ടാകാം. അതാകും അവസരങ്ങൾ ലഭിക്കാത്തതെന്ന് ഭൂമിക പറയുന്നു.
'ഒന്നില്ലെങ്കിൽ ഞാൻ ഒരു നല്ല അഭിനേതാവ് അല്ല, അല്ലെങ്കിൽ എന്റെ പിആർ വേണ്ടത്ര കോളുകൾ ചെയ്യുന്നില്ല, അല്ലെങ്കിൽ ഞാൻ ഇപ്പോഴും ജോലി ചെയ്യുന്നുണ്ടെന്ന കാര്യം അവർക്ക് അറിയില്ല. സത്യസന്ധമായി പറയുകയാണെങ്കിൽ അവസരം കിട്ടാത്തത് എന്തുകൊണ്ടാണെന്ന് എനിക്കറിയില്ല' നടി പറഞ്ഞു.
തന്നെ സംബന്ധിച്ച് സിനിമ എന്നത് മൊത്തത്തിലൊരു വ്യത്യസ്തമായ ഗെയിമായിരുന്നു എന്നാണ് ഭൂമിക പറയുന്നത്. ഇപ്പോഴത്തെ സിനിമ മേഖലയുടെ പ്രവർത്തനങ്ങൾ എങ്ങനെയാണെന്നോ എങ്ങനെയാണ് സിനിമയിലേക്ക് എത്തുകയെന്നോ തനിക്ക് അറിയില്ലെന്നും നടി പറയുന്നു.
'എന്റെ സോഷ്യൽ മീഡിയ പേജിലൂടെ ഞാൻ ജോലി അന്വേഷിക്കുകയാണ്, ആരെങ്കിലും എനിക്ക് ജോലി തരൂ എന്ന് പറയാൻ മാത്രമേ എനിക്ക് കഴിയൂ. ഒരു അവസരത്തിനായി ആരെയാണ് സമീപിക്കേണ്ടതെന്ന് എനിക്ക് അറിയില്ല. ഞാനിപ്പോഴും ഒരു തുടക്കക്കാരിയോ അല്ലെങ്കിൽ ഒരു പുതുമുഖമോ ഒരു വിദ്യാർഥിയോ ആണെന്നാണ് എനിക്ക് തോന്നുന്നത്
'ഏകദേശം ഇരുപത്തിമൂന്ന് വർഷമായി ഞാൻ സിനിമ മേഖലയിൽ പ്രവർത്തിക്കാൻ തുടങ്ങിയിട്ട്. അതിന് ഞാൻ ദൈവത്തോട് നന്ദി പറയുന്നു. അതോടൊപ്പം എന്നെ സ്നേഹിക്കുന്ന പ്രേക്ഷകരോടും സിനിമ മേഖലയിലുള്ള സഹ പ്രവർത്തകരോടും നന്ദി പറയുന്നു. ഇതുവരെ ചെയ്ത സിനിമകളിൽ എല്ലാം ഞാൻ വളരെയധികം സംതൃപ്തയാണ്.
ഇപ്പോഴും നല്ല പ്രൊജക്ടുകൾ ലഭിക്കണമെന്ന് ഞാൻ ആഗ്രഹിക്കുന്നുണ്ട്. എന്റെ കഴിവിന്റെ ഏറ്റവും മികച്ചത് പുറത്തെടുക്കാൻ കഴിയുന്ന ടീമിനൊപ്പം പ്രവർത്തിക്കാൻ ഞാൻ ആഗ്രഹിക്കുന്നു,' ഭൂമിക വ്യക്തമാക്കി.
ദുൽഖർ സൽമാൻ നായകനായ സീത രാമത്തിലാണ് ഭൂമിക അവസാനമായി അഭിനയിച്ചത്. കണ്ണേയ് നമ്പാതെ, പേരിടാത്ത മറ്റൊരു തമിഴ് ചിത്രം എന്നിവയാണ് നടിയുടേതായി ഇപ്പോൾ അണിയറയിൽ ഒരുങ്ങുന്നത്. ഇവ കൂടാതെ ഔദ്യോഗിക പ്രഖ്യാപനം ഇനിയും ആവാത്ത ഒരു ഹിന്ദി ചിത്രവും ഭൂമികയുടേതായി വരുന്നുണ്ട്. ജനുവരിയിൽ ചിത്രത്തിന്റെ ഷൂട്ടിങ് തുടങ്ങുമെന്നാണ് വിവരം.
-
ജബ്രി കോമ്പോ അല്പം കണ്ട്രോള് വിട്ട് പെരുമാറുന്നുണ്ട്! അര്ജുന്-ശ്രീതു കോമ്പോ റിയല് അല്ലെന്ന് ആരാധകര്
-
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി